Mosese 3
    Footnotes
    Theme

    Wase 3

    (June–Okotova 1830)

    A bulia vakayalo na veika kecega na Kalou, ni bera ni qai mai vakavatukana vakayago e vuravura—Sa bulia ko Koya na tagane, na imatai ni tamata me mai vakayago e vuravura—Na yalewa me dauveivuke vua na tagane.

    1 Sa vakaoqo na kena avakacavari na lomalagi kei na vuravura, kei na blewena kecega.

    2 Ia ena ikavitu ni siga, au sa vakacavara kina na noqu cakacaka koi Au na Kalou, kei na veika kecega au sa cakava oti; kau sa avakacegu mai na noqu cakacaka kecega ena bikavitu ni siga, ia na veika kecega au a cakava sa oti, ia koi Au na Kalou, au raica ni sa vinaka.

    3 Ia koi Au na Kalou, au sa avakalougatataka na kena ikavitu ni siga, ka vakatabuya; baleta niu sa vakacegu kina mai na noqu bcakacaka kecega, kau sa bulia ka cakava koi Au na Kalou.

    4 Ia oqo, raica, au sa kaya vakaidina vei iko, sai koya oqo na itabatamata ni lomalagi kei vuravura, ena gauna erau a buli kina, ena siga au sa bulia kina na lomalagi kei na vuravura koi Au na Turaga na Kalou.

    5 Io au sa bulia tale ga na kau kecega ni vanua ni sa abera ni tu e vuravura, kei na co kecega ni vanua ni sa bera ni tubu. Ia koi Au na Turaga na Kalou, au a sa bbulia oti tu cvakayalo na veika kece au sa tukuna, ni bera ni ra qai vakavotukanataki e delai vuravura. Ia koi Au na Turaga na Kalou, au sa bera ni vakatauca na uca e delai vuravura. Ia koi Au na Turaga na Kalou, au sa dbuli ira na luve ni tamata kecega; ka sega e dua na tamata me teivaka na eqele; ni’u sa fbuli ira oti tu mai glomalagi koi Au; ka sa sega tu na ka bula e tu e vuravura, ka sega talega e wai, ka sega talega e macawa;

    6 Ia ni’u sa vosa koi Au na Turaga na Kalou, sa kuvu cake na akabukabu mai na qele, ka vakasuasuataka na dela ni vanua taucoko.

    7 Ia koi au na Turaga na Kalou, au sa bulia na tamata mai na akuvu ni qele, ka ceguva ki na ucuna na icegu ni bula; a sa yaco kina me btamata cbula, na dimatai ni yago e vuravura, ka imatai talega ni tamata; ia era a sa buli oti tu na veika kece; ia era sa buli tu ga vakayalo me vaka na noqu vosa.

    8 Ia koi Au, na Turaga na Kalou, au sa tea e dua na were mai natuicake mai aIteni, ka biuta kina na tagane au sa bulia.

    9 Au sa vakatubura mai na qele koi Au na Turaga na Kalou, na kau kecega sa vinaka na kena irairai vua na tamata, ka rawa ni raica na tamata. Ka sa yaco tale ga me ka bula. Ni ra a sa vakayalo tu mai na siga au a bulia kina; ni a tu ga ena vuravura Au a bulia mai kina koi Au na Kalou, io, na veika kece au sa vakarautaka me yaga vei ira na tamata; ka raica na tamata ni sa yaga me kakana. Ia, koi Au, na Turaga na Kalou, au sa tea na avunikau ni bula ena loma ni were, ka vakakina na bvunikau sa kilai kina na ka vinaka kei na ka ca.

    10 Ia koi Au na Turaga na Kalou, au sa vakadrodroya e dua na uciwai mai Iteni me vakasuasuataka na were; a sa wase mai kina, ka yaco me va na kena aidavedave.

    11 Ia koi Au na Turaga na Kalou, au sa vakatoka na kena imatai ko Paisoni, ka sa vakavolivolita na vanua taucoko ko Avila, na vanua au sa cakava kina e levu na koula, koi Au na Turaga na Kalou.

    12 Ia sa vinaka na koula ni vanua ko ya, sa kune tale ga kina na mataniciva, kei na vatu na onikisa.

    13 Ia na yaca ni kena ikarua ni uciwai, ko Kioni, ko ya sa vakavolivolita na vanua taucoko ko Iciopea.

    14 Ia na yaca ni kena ikatolu ni uciwai, ko Itikeli, ko ya sa lako vaka ki na tokalau kei Asiria. Ia na ikava ni uciwai na Uferetisi.

    15 Ia koi Au na Turaga na Kalou, au sa kauta na tamata, ka vakatikora ena Were ko Iteni, me wereca ka vakatawa.

    16 Ia koi Au na Turaga na Kalou, au sa vakarota na tamata ka kaya: E tara mo kana mai na kau kecega sa tu ena were.

    17 Ia mai na kau sa kilai kina na ka vinaka kei na ka ca, mo kakua sara ni kana kina; ia sa soli tu vei iko mo alewa na ka mo kitaka; ia mo nanuma ga ni’u sa vakatabuya vei iko; raica ena bsiga ko sa kana kina, ko na cmate vakaidina.

    18 Ia koi Au na Turaga na Kalou, au sa kaya vua na noqu aLe Duabau ga, ni sa sega ni vinaka me tiko duadua ga na tamata; ia au na bulia e dua na bdauveivuke e yaga vua.

    19 Ia koi Au na Turaga na Kalou, au sa bulia mai na qele na manumanu kecega ni vanua, kei na manumanu vuka kecega ni macawa; ka vakarota me ra lako kece mai vei Atama, me raica se yaca cava ena vakatokai ira kina; ia era sa ka bula kecega; ni’u sa ceguvi ira ena icegu ni bula, koi Au na Kalou; au sa vakarota; na yaca ga sa vakatoka kina na ka bula kecega ko Atama, ko ya ga na yacana.

    20 A sa vakayacana na manumanu yavaiva kecega ko Atama, kei na manumanu vuka ni macawa, kei na manumanu tawa lasa ni vanua; ia sa sega ni kune vei Atama e dua na dauveivuke e yaga vua.

    21 Ia koi Au na Turaga na Kalou, au sa vakavuna me biti Atama e dua na moce lutu, ka sa moce kina ko koya, au sa kauta tani e dua na sui ni sarisarina ka cakava na lewena me veiuturi me kena isosomi.

    22 Ia ena sui ni sarisari au sa kauta tani koi Au na Turaga na Kalou, mai vua na tagane, au sa bulia kina e dua na ayalewa, ka kauti koya vua na tamata.

    23 A sa kaya ko Atama: Oqo dina na sui mai na suiqu, kei na alewe mai na lewequ; ena vakatokai ko koya me Yalewa, ni sa kau tani mai vua na tagane.

    24 O koya oqo sa na biuta kina na tamana kei tinana na tagane, ka akabita na watina; a rau na lewe bdua ga.

    25 A rau sa luvawale, na tagane kei na watina, a rau sa sega ni madua.