Kyerɛwsɛm
Moses 1


Moses Nwoma
no mu Nyiyimu

Nsɛm a woyii fii Bible ne nkyerɛase mu dɛ mbrɛ wɔdaa no edzi kyerɛɛ Joseph Smith, Nkɔnhyɛnyi no, Obiradzi, 1830—Kwakwar, 1831.

Tsir 1

(Obiradzi, 1830)

Nyankopɔn yi Noho kyerɛ Moses—Wɔsakyer Moses—Satan nye no befimfen—Moses hu wiadze pii a dɔm tse mu—Wiadze a wonntum nnkan na Ɔba no bɔe—Nyankopɔn n’edwuma na n’enyimnyam nye dɛ ɔdze bɛkyebo na onnyiewiei nkwa bɛma nyimpa.

1 Nyankopɔn ne nsɛm a aɔkãa kyerɛɛ bMoses wɔ ber a wohwiim Moses kɔr bepɔw tsentsenntsen bi do no,

2 Na aohun Nyame benyim na enyim, na ɔnye no kasae, na Nyame cn’enyimnyam baa Moses do; dɛm ntsi Moses tumii dtsimii wɔ n’enyim.

3 Na Nyankopɔn see Moses dɛ: Hwɛ Emi nye Ewuradze Nyankopɔn aTumfo, bOnnyi Ewiei nye me dzin; osiandɛ minnyi nda a ɔwɔ ahyɛse anaa mfe a ɔwɔ ewiei; ana iyi nnyɛ onnyi ewiei?

4 Na, hwɛ, eyɛ me babanyin; dɛm ntsi ahwɛ, na mebɛkyerɛ wo me bnsa ano edwindze; mbom nnyɛ ne nyinara, osiandɛ cm’edwuma nnyi dewiei, nna me ensɛm so, osiandɛ onngyaa da.

5 Dɛm ntsi, nyimpa biara nnkotum ehu mo ndwuma nyinara, gyedɛ otum hu m’enyimnyam nyinara; na nyimpa biara nnkotum ehu m’enyimnyam nyinara, na ekyir no ɔatsena honam mu wɔ asaase do.

6 Na mowɔ edwuma ma wo, Moses, me babanyin, na ɔwo eyɛ nyia me aWoo no Kortoo no no ne bsaso; na nyia me Woo no Kortoo no no na ɔbɛyɛ cAgyenkwa no, osiandɛ dadom na enokwar ahyɛ no mã; mbom fNyame bi nnyi hɔ kã moho, na ndzɛmba nyina gu m’enyim osiandɛ gminyim ne nyinara.

7 Na afei, hwɛ, iyi nye adze kor a medze rekyerɛ wo, Moses, me babanyin, osiandɛ ewɔ wiadze mu, na afei medze rekyerɛ wo.

8 Na ɔbaa dɛ Moses hwɛe, na ohun awiadze a wɔbɔɔ no too do no; na Moses bhun wiadze na n’ewiei nyinara nye adasamba nyinara a wɔtse ase, na wɔbɔɔ hɔn; dɛm ntsi ɔyɛɛ no cahobow na nwanwa kɛse.

9 Na Nyankopɔn n’enyim twee fii Moses nkyɛn, dɛm ntsi n’enyimnyam fii Moses do; na ɔkaa Moses no nko; na ber a ɔkaa no nko no, ɔhwee asaase no do.

10 Na ɔbaa dɛ mber pii guu mu ansaana Moses resan enya ne honam mu aahoɔdzen bio dɛ nyimpa; na ɔsee noho dɛ: Seseiara, osian dɛm adze yi ntsi meehu dɛ nyimpa bnnsɛ hwee, adze a mennsusu da.

11 Mbom seseiara medze mankasa m’enyiwa ehu aNyame; mbom nnyɛ mo bhonam mu enyi, mbom mo sunsum enyi a, osiandɛ mo honam enyi nnkotum ehu, osiandɛ nkyɛ cmekyenkyenee na dmuwui wɔ n’enyim; mbom nna n’enyimnyam wɔ mo do; na muhun en’enyim, osiandɛ fmesakyeree wɔ n’enyim.

12 Na ɔbaa dɛ ber a Moses kãa dɛm nsɛm yinom wiei no, hwɛ aSatan bae bbɔsɔɔ no hwɛe see dɛ: Moses, nyimpa ba, som me.

13 Na ɔbaa dɛ Moses hwɛɛ Satan na ɔsee dɛ: Ɔwo nye woana? Na hwɛ, meyɛ Nyame ne aba, na mesɛ nyia Ɔwoo no Kortoo no no; na w’enyimnyam wɔ hen a ɔwɔ dɛ mosom wo?

14 Na hwɛ, munnkotum ahwɛ Nyame, gyedɛ n’enyimnyam aba mo do, na awɔsakyer me wɔ n’enyim. Mbom mutum hwɛ wo dɛ honammunyi. Ana nokwar dɛ ɔnntse dɛm?

15 Nhyira nkã me Nyankopɔn ne dzin, osiandɛ no Sunsum nntwee mmfi moho koraa, ɔnntse dɛm a nna w’enyimnyam wɔ hen, osiandɛ ɔyɛ sum dze ma me? Na mubotum akyerɛ soronko a ɔda ɔwo na Nyame ntamu; na Nyankopɔn see me dɛ: aSom Nyame, na ɔno nko na bsom no.

16 Fi ha fi, Satan; mma ndaadaa me; osiandɛ Nyankopɔn see me dɛ: Ɔwo eyɛ nyia me Woo no Kortoo no no ne asaso.

17 Na ɔmaa me mbrasɛm so ber a ɔfrɛɛ me fii ahaban a ɔredzɛw no mu no, see dɛ: bFrɛ Nyame wɔ nyia me Woo no Kortoo no no ne dzin mu, na som me.

18 Na bio Moses see dɛ: Minnkegyaa dɛ mebɛfrɛ Nyame, mowɔ ndzɛmba binom a ɔsɛ dɛ mebisa fi no hɔ: osiandɛ n’enyimnyam aba mo do, dɛm ntsi mutum hu soronko a ɔda ɔno na ɔwo ntamu. Fi ha fi, Satan.

19 Na afei, ber a Moses kãa dɛm nsɛm yinom no, Satan dze ndze kɛse tseatseaa mu wɔ asaase no do, na ɔhyɛɛ dɛ: Emi nye nyia a aWɔwoo no Kortoo no no, som me.

20 Na ɔbaa dɛ Moses hyɛɛ ase suroo mbordo; na ber a ɔhyɛɛ ase dɛ orusuro no, ɔtsee ahɛl no wen nkã. Eso, bɔfrɛɛ Nyankopɔn no, onyaa ahoɔdzen, na ɔtseaa mu see dɛ: Fi me nkyɛn fi, Satan, osiandɛ Nyame kor yi nko na mobɔsom no, nyia ɔyɛ enyimnyam Nyame no.

21 Na afei aSatan noho hyɛɛ ase dɛ ɔropopo, na asaase wosowee; na Moses nyaa ahoɔdzen, na ɔfrɛɛ Nyankopɔn, see dɛ: Wɔ Wɔwoo no Kortoo no ne dzin mu, fi ha fi, Satan.

22 Na ɔbaa dɛ Satan dze ndze kɛse tseaa mu a orusu na orutwa ewuo, na aɔrotwɛr ne sẽ, na ofii hɔ kɔree, ofii Moses n’enyim kɔree mpo, na oennhu no.

23 Na afei Moses gyee dase a ɔfa dɛm adze yi ho no; mbom osian emumuyɛdze ntsi adasamba ennya wɔ hɔn mu.

24 Na ɔbaa dɛ ber a Satan fii Moses n’enyim kɔree no, nna Moses maa n’enyi do wɔ sor, nna aSunsum Krɔnkrɔn ahyɛ no mã, dza ɔgye dase wɔ Egya na Ɔba no hɔnho;

25 Na ɔbɔɔ Nyankopɔn ne dzin no, ohun n’enyimnyam no bio, osiandɛ ɔbaa no do; na ɔtsee ndze a ɔrekã dɛ: Nhyira akã wo, Moses, osiandɛ Emi, Otumfo no, asan mu eyi wo, na wɔbɛma woho ayɛ dzen asen aesu pii; na wɔbɛyɛ setsie ama wo bmbrasɛm tse dɛ eyɛ cNyame.

26 Na hwɛ, menye wo wɔ hɔ, kesi wo nkwa nda ewiei mpo; na aebɛgye mo nkorɔfo efi bnkowaasom mu, cIsrael medze a dmasan mu eyi no mpo.

27 Na ɔbaa dɛ, ber a ndze no gu do rekasa no, Moses too n’enyi na aohun asaase no, nyew, ne nyinara mpo, na no mu ketseketse mpo nnyi hɔ a oennhu, ɔnam Nyankopɔn no Sunsum do nyaa mu nhunii.

28 Na ohun hɔn a wɔtse do no so, na ɔkra kor mpo nnyi hɔ a oennhu no; na ɔnam Nyankopɔn no Sunsum do hun hɔn, na hɔn dodow dɔɔ sõ, na wonntum nnkan hɔn tse dɛ anhwea a ogu mpoano mpo.

29 Na ohun nsaase pii, na asaase kor biara wɔfrɛ no aasaase, na dɔm tsetse n’enyi do.

30 Na ɔbaa dɛ Moses frɛɛ Nyankopɔn see dɛ: Kã kyerɛ me, meserɛ wo, dɛn ntsi na dɛm ndzɛmba yinom tse dɛm, na enam ebɛnadze do yɛɛ hɔn?

31 Na hwɛ, Ewuradze n’enyimnyam baa Moses do, ntsi Moses gyinaa Nyankopɔn n’enyim, na ɔnye no kasaa aenyim na enyim. Na Ewuradze Nyankopɔn see Moses dɛ: Osian mankasa me btsirmpɔw ntsi na mayɛ dɛm ndzɛmba yinom. Ha na nyansa wɔ na ɔwɔ mo mu.

32 Na ɔnam am’asɛm no tum do nna mobɔɔ hɔn, ɔno nye me Ba a Wɔwoo no Kortoo no no a badom na cnokwar ahyɛ no mã no.

33 Na awiadze a wonntum nnkan na bmobɔe; na mobɔɔ hɔn so wɔ mankasa me tsirmpɔw ho; na menam me Ba no do na mobɔɔ hɔn, nyia ɔyɛ mankasa nyia me cWoo no Kortoo no no.

34 Na mbanyin nyinara mu abanyin a odzi kan no mafrɛ no bAdam, n’asekyerɛ nye cɔdodow.

35 Mbom asaase yi, na hɔn a wɔtse do no ho nsɛm nko, na medze ma wo. Na hwɛ, nsaase pii nna wɔnam m’asɛm no tum do etwa mu kɔ. Na pii so wɔ hɔ seseiara, na nyimpa nnkotum akan, mbom ndzɛmba nyinara minyim hɔn dodow, osiandɛ wɔyɛ medze na aminyim hɔn.

36 Na ɔbaa dɛ Moses see Ewuradze dɛ: Hu w’akowaa mbɔbɔr, O Nyankopɔn, na kã dza ɔfa asaase yi, nye dɔm a wɔtse do no ho nsɛm kyerɛ me, nye ɔsorsor no so, na nkyii w’akowaa mo bo bɔdwe.

37 Na Ewuradze Nyankopɔn see Moses dɛ: aƆsorsor no, dɔɔ sõ, na nyimpa nnkotum akan hɔn; na emidze minyim hɔn dodow, osiandɛ wɔyɛ medze.

38 Na sɛ asaase kor twa mu, na no sorsor no twa mu kɔ mpo a kor so bɛba; na mo ndwuma nnyi aewiei, nna me nsɛm so dɛmara.

39 Na hwɛ, iyi nye am’edwuma na bm’enyimnyam—dɛ medze nyimpa ne cbɛkyebo na donnyiewiei nkwa bɔbɔ adze.

40 Na afei, Moses, me babanyin, mebɛkã dza ɔfa asaase a igyina do yi ho asɛm akyerɛ wo; na akyerɛw nsɛm a mebɛkã akyerɛ wo no.

41 Na da a adasamba bɛfa me nsɛm dɛ ɔnnyɛ hwee na awobeyi nsɛm no mu pii efi nwoma a ebɛkyerɛw no mu no, hwɛ mibeyi obi so a ɔbɔsoɛr btse dɛ ɔwoara; na ɔbɛma cadasamba hɔn nsa akã bio—hɔn mu dodowara a wɔbɛgye edzi no.

42 (Dɛm nsɛm yinom na awɔkãa kyerɛɛ Moses wɔ bepɔw no do, na dɛm dzin no adasamba runnhu da. Na seseiara wɔakã akyerɛ wo. Mma mmfa nnkyerɛ obiara gyedɛ hɔn a wɔgye dzi no. Ɔnyɛ hɔ dɛm. Amen.)