iVolanikalou
Eparaama 3


Wase 3

Sa kila rawa mai na Urimi kei na Cumimi ko Eparaama na veika e baleta na matanisiga, na vula kei na kalokalo—Sa vakatakila vua na Turaga ni sa ka e tawamudu na yalo—Sa vulica kina na bula taumada ni bera na mai bula e vuravura, na veilesi ena bula taumada, na Veibuli, na digitaki ni dua na Dauveisereki, kei na ikarua ni ituvatuva ni tamata.

1 Ia koi au ko Eparaama, sa tiko vei au na aUrimi kei na Cumimi, ka a solia vei au na Turaga na noqu Kalou mai Uri e Kalitia.

2 Au a raica na aveikalokalo, ni ra sa cecere sara, ia e dua vei ira sa voleka sara ki na itikotiko vakatui ni Kalou; a sa vuqa tale na kalokalo cecere sa voleka yani kina.

3 A sa kaya vei au na Turaga: Sai ira oqo era sa liu; ia na yaca ni kalokalo levu duadua ko aKolobo; a kena ibalebale ni sa voleka duadua vei au; ni sai au na Turaga na nomu Kalou: Au sa lesi koya me liutaki ira na vuravura lalai kece me vaka e dua ko tu kina oqori.

4 A sa kaya vei au na Turaga, ena Urimi kei na Cumimi, ni ko Kolobo sa vaka na kena ivalavala vua na Turaga, na gauna kei na kena draki ena kena cowiri tiko; ni dua na kena cowiri sa dua na asiga vua na Turaga, me vaka na itosotoso ni nona gauna na Turaga, ia oqori sa dua na udolu na byabaki ena vuravura ko tiko kina. Sa vakaoqori na nona gauna na Turaga, me vaka na gauna mai Kolobo.

5 A sa kaya vei au na Turaga: Na vuravura ka vu ni rarama lailai; ka lailai sobu mai na vu ni rarama sa lewa na siga, ia na vu ni rarama sa lewa na bogi, sa levu ka cecere cake mai na kena ko tiko kina ena toso ni kena gauna, ni sa berabera vakalevu cake na kena toso; sa dodonu oya baleta ni tu e dela ni vuravura ko tiko kina, o koya sa lailai kina na kena siga, na kena vula, kei na yabaki.

6 A sa kaya vei au na Turaga: I Eparaama, e yaco dina tiko na ka e arua oqo, io mo raica sara e matamu; sa soli tu vei iko na ka oqo mo kila kina na cowiri ni gauna; kei na gauna sa virikotori tu, io, na gauna sa virikotori tu ena vuravura ko tiko kina, kei na gauna sa virikotori ena vu ni rarama levu sa lewa na siga, kei na gauna sa virikotori ena vu ni rarama lailai sa lewa na bogi.

7 Ia na gauna sa virikotori ena vu ni rarama lailai sa gauna balavu cake na kena iwiliwili mai na iwiliwili ni gauna ena vuravura ko tu kina oqori.

8 Ia na vanua erau na kune kina na ka e rua oqo, sa na tiko tale e dua e uasivi cake vei rau, oya, io e dua tale na vuravura e balavu cake na iwiliwili ni kena gauna.

9 Raica sa vakaoqori na duidui ni wiliki ni gauna ena veivuravura, me yacova ni ko sa voleka yani ki Kolobo; ia sa tautauvata na wiliki ni gauna mai Kolobo kei na iwiliwili ni gauna vua na Turaga; raica ko Kolobo sa voleka duadua sara ki na itikotiko vakaturaga ni Kalou, a sa lewai ira na vuravura lalai e vuqa ka atautauvata kei na kena ko tu kina.

10 Ka sa soli vei iko mo kila na gauna sa virikotori tu me baleta na veikalokalo sa buli me vu ni rarama lalai; me yacova ni ko sa voleka yani ki na itikotiko vakatui ni Kalou.

11 Sa vakaoqori na neirau aveivosaki vata kei na Turaga, koi au, ko Eparaama, sa vakayacori e matana votu, me vaka ni rau veivosaki e rua na tamata, ka sa tukuna vei au na cakacaka sa cakava na ligana;

12 Ka sa kaya vei au ko koya: I na luvequ, i na luvequ (a sa dodoka tu yani na ligana), au na vakaraitaka vei iko na veika kece oqo. A sa tara na mataqu ena ligana, ka’u sa qai raica na veika kece sa bulia na ligana, ia sa levu sara; ka ra sa vakalevutaki e mataqu, ia au sa sega ni raica rawa na kedra iyalayala.

13 A sa kaya vei au ko koya: Oqo ko Sainea, oya na matanisiga. Ka sa kaya tale vei au: Ko Kokobo, oya na kalokalo. Ka sa kaya tale vei au: Ko Olea, oya na vula. Ka sa kaya tale vei au: Ko Kokauvini; a kena ibalebale na veikalokalo, se vu ni rarama lelevu kecega, era sa tu ena maliwa lala kei lomalagi.

14 Ia sa tukuna vei au na veivosa oqo na Turaga ni sa bogi na vanua: Au na avakalewevuqataki iko kei ira na nomu bkawa mai muri, me vakataki ira oqo; ia kevaka ko sa rawa ni wilika na cmataninuku, ena vakakina na iwiliwili ni nomu kawa.

15 A sa kaya tale vei au na Turaga: I Eparaama, au sa vakatakila vei iko na veika kece oqo ni ko sa bera ni lako sobu ki Ijipita, io mo vunautaka na veivosa kece oqo.

16 Raica kevaka sa tiko e rua na ka, me dua e toka e ra ka dua e toka e cake, sa na tiko e dua e levu cake e deladrau; ia na ka oqo sa levu duadua kina ko aKolobo vei ira kece na Kokauvini sa vakaraitaki vei iko, baleta ni sa voleka duadua vei au.

17 Ia, kevaka sa tiko e rua na ka, e dua e toka e ra ka dua e toka e cake; io sa tiko e ra na vuravura ka toka e cake na vula, ena tiko beka e dua na vuravura se dua na kalokalo e cake vei rau; ka ni na sega ni dua na ka e lewa na Turaga na nomu Kalou me avakayacora, me qai sega ni vakayacora.

18 Ia ni sa bulia na kalokalo e cecere cake; ia, kevaka sa tu e rua na yalo, ka sa vuku cake e dua mai vua e dua tale, ia oi rau na yalo e rua oqo, e dina ni vuku cake e dua vei koya e dua tale, sa sega na kedrau itekivu, erau a tu ga mai liu, ena sega na kedrau icavacava, erau na tu ga ni sa oti ko vuravura, ni rau sa anolamu, se tawamudu.

19 A kaya vei au na Turaga: Raica sa yaco dina tiko na ka e rua oqo, sa tiko dina e rua na yalo, ka dua e uasivi cake vua na kena ikarua; ia sa tiko e dua sa uasivi cake vei iratou; koi au na Turaga na nomu Kalou, au sa auasivia na ka kecega.

20 Ia na Turaga na nomu Kalou sa tala yani na nona agilosi me asereki iko mai na ligana na bete i Ilikena.

21 Au sa tiko ena kedra maliwa kecega; o koya oqo au sa lako sobu mai kina vei iko meu tukuna vei iko na acakacaka sa cakava na ligaqu, o koya sa uasivi ira kecega na noqu bvuku, niu sa lewa mai lomalagi e cake, kei na vuravura e ra, ena vuku kei na lewa matau, ena veika vuku kecega sa raica na matamu mai na ivakatekivu; au sa lako sobu mai ena ivakatekivu ena kedra maliwa na veika vuku kecega ko sa raica.

22 Ia sa vakaraitaka vei au, na Turaga, koi au ko Eparaama, na veika avuku era a sa vakarautaki tu ni se bbera na vuravura; ia ena kedra maliwa ko ira oqo sa tu kina eso era sa cvakaturaga ka lagilagi sara;

23 A sa raica na Kalou ni ra sa vinaka na yalo oqori, a sa tu ena kedra maliwa, ka kaya: Au sa na lesi ira oqo me ra noqu italai; ni sa tucake tu ena kedra maliwa na yalo, ka raica ni ra sa vinaka; sa kaya kina vei au: ko Eparaama, sa dua vei ira ko iko; ko a adigitaki ni ko se bera ni sucu mai.

24 A sa tu ena kedra maliwa e adua sa vaka na Kalou, a sa vosa vei ira sa tu vata kaya ka vaka: Tou lako sobu mada ni sa galala tu na vanua ko ya, ia me bda kauta yani na veika kece ka bulia na cvuravura me ra tawana ko ira oqo;

25 Io me da avakatovolei ira mada kina, me da raica se ra na bmuria se sega na veika kece sa vakarota vei ira na Turaga na nodra Kalou;

26 Raica ko ira era sa maroroya na nodra aitutu taumada, ena vakaikuritaki vei ira; ia ko ira sa sega ni maroroya na nodra itutu taumada, era na sega ni rawata na lagilagi ena matanitu era sa taukena ko ira era sa maroroya na nodra itutu taumada; ia ko ira sa maroroya na nodra bikarua ni itutu, era na rawata na clagilagi e vakaikuritaki e uludra me sega ni mudu ka sega ni mudu.

27 A sa kaya na aTuraga: Ko cei me’u tala? A sa sauma e dua sa vaka na bLuve ni Tamata: Koi au oqo, mo ni talai au. A sa kaya e cdua tale: Koi au oqo; mo ni talai au. A sa vosa na Turaga ka kaya: Au na talai koya sa bole e liu.

28 A sa cudru ko koya na kena aikarua, ka sa sega ni maroroya na nona ituvatuva taumada; ia mai na siga ko ya, sa lewe bvuqa sa muri koya.