iVolanikalou
Eparaama 1

Ai Vola i Eparaama

A Vakadewataka ko Josefa Simici mai na iTukutuku Volai ena Pepa Gasau

Na iVakadewa ni so na iTukutukuvolai makawa ka a yaco mai ki na ligai keimami mai na veibulubulu qara vatu mai Ijipita—Na veika a vola ko Eparaama ni tiko voli mai Ijipita, ka vakatokai me iVola i Eparaama. A vola sara ga ko koya ena pepa gasau.

Wase 1

Sa gadreva ko Eparaama me rawata na veivakalougatataki ni ivakarau vakapeteriaki—Era sa via vakacacani koya na bete vakailasu mai Kalitia—Sa vakabulai koya ko Jiova—Railesuvi na itukutuku ni vanua kei na matanitu ko Ijipita.

1 Ena vanua ko aKalitia, ena nodra vale na noqu qase, au sa nanuma kina koi au ko bEparaama, ni sa dodonu meu rawata e dua na vanua meu cvakaitikotiko kina.

2 Ia, niu kila ni na levu cake kina na noqu amarau na sautu kei na bvakacegu, au sa vakasaqara na nodra veivakalougatataki na noqu qase, kei na dodonu me’u tabaki me rawa niu veiqaravi talega vakakina; me vaka ni’u dua koi au ka dau segata na cbuladodonu, ka gadreva tale tikoga me’u rawata na dvuku vakalevu cake, ka me’u tamadra na veimatanitu e vuqa, me’u tui ni sautu, ka gadreva me’u dusimaki, ka muria na ivakaro ni Kalou, sa yaco kina me’u ciqoma vakadodonu na isolisoli oqo, me’u dua na eBete Levu, ka taura na filesilesi e nodra na noqu qase.

3 Sa asoli vei au mai vei ira na noqu qase; sa vakadewai sobu mai vei ira na noqu qase, mai na itekivu ni gauna, io, mai na ivakatekivu, se ni se bera ni tekivu buli ko vuravura, ki na gauna oqo, io na nona dodonu na bulumatua, se na imatai ni tamata, ko cAtama, se na imatai ni tamada, ka qai dewa veitarataravi tiko mai vei ira na qase me yaco vei au.

4 Raica au sa segata na noqu ailesilesi vakabete me vaka na ilesilesi ni Kalou vei ira na noqu qase me baleti ira na nodra kawa.

5 Ia ko ira na noqu aqase, ni ra sa vuki tani mai na nodra ivalavala dodonu, kei na ivakaro tabu sa solia vei ira na Turaga na nodra Kalou, me ra bqarava na nodra kalou na tawa lotu, ka sega sara ni vinakata me ra rogoca na domoqu;

6 Ni sa dau gadreva na lomadra me ra ia na ivalavala ca, ka ra gole kina vakatabakidua ki na akalou i Ilikena, kei na kalou i Livinai, kei na kalou i Mamakari, kei na kalou i Korasi, kei na nona kalou na Fero, na tui Ijipita;

7 O koya era sa vagolea kina na yalodra ki na nodra isoro na tawa lotu ena nodra cabora na luvedra ki na veimatakau galu oqo, ka sega ni rogoca na domoqu, ia era segata me ra kauta tani na noqu bula ena ligana na bete i Ilikena. Ia ko koya na bete i Ilikena sa nona bete tale ga na Fero.

8 Ia, ena gauna oqo sa dau nodra ivakarau na nona bete na Fero, na tui Ijipita, me ra laki vakacabora ena icabocabo ni soro sa tara ena vanua ko Kalitia; me baleta na kedra vakacabori ki na veikalou tani oqo, na tagane, yalewa kei ira na gone.

9 Ka sa yaco ni sa vakacacabo na bete vua na kalou nei Fero, ka vakatalega kina vua na kalou nei Sakareli, io me vaka na kena ivalavala vei ira na kai Ijipita. Ia na kalou i Sakareli na matanisiga.

10 Io sa vakacabora na bete i Fero e dua na gone me isoro ni vakavinavinaka ena icabocabo ni soro sa tu ena delana sa vakatokai ko Potifa, ena mua ni bucabuca ko Olisemi.

11 Ia, na bete oqo sa vakacabora oti ena icabocabo ni soro oqo ena dua ga na gauna e tolu na goneyalewa savasava, oqo ko iratou na luvei Onita e dua na kawa vakaturaga mai na vua ni tolo i aAme. Eratou mai vakacabori na gone yalewa savasava oqori ni ratou sa ivalavala savasava; eratou sega ni via bcuva sobu me qarava na kalou kau kei na kalou vatu, o koya eratou sa vakamatei kina ena icabocabo ni soro oqo, ka sa vakayacori ena kena ivalavala vaka-Ijipita.

12 Ka sa yaco ni ra sa ivalavala vakaukauwa vei au na bete, me rawa ni ra vakamatei au talega, me vaka era a vakayacora vei iratou na goneyalewa savasava ena icabocabo ni soro oqo; ia mo dou na kila baleta na icabocabo ni soro oqo, au na vagolei kemuni ki na kena ivakatakarakara ka tiko ena itekivu ni itukutuku oqo.

13 Sa tara me vaka na ibulibuli ni imocemoce, me vaka na kena era dau taurivaka na kai Kalitia, io sa tu e matadratou na kalou i Ilikena, Livinai, Mamakari, Korasi, kei na dua talega na kalou ka vaka na nei koya na Fero, na tui Ijipita.

14 Me rawa kina ni ko kilai ira na veikalou oqo, au sa solia vei iko na kedra ibulibuli ena iyaloyalo ena itekivu ni itukutuku oqo, era dau vakatoka na kai Kalitia na droini oqo me Ralino, na ivakatakarakara.

15 Ia ni ra sa laveta cake na ligadra ki vei au, me ra vakacabori au ka vakamatei au, raica au sa laveta cake na domoqu vua na Turaga na noqu Kalou, ia sa avakarorogo ka rogoca na Turaga, ka sa vakasinaiti au ena dua na raivotu mai vei Koya sa Cecere Sara, ia na agilosi mai na nona iserau sa tu e yasaqu, ka sa bsereka sara ko koya na qau ivesu.

16 Ka sa rogo vei au na domona ka kaya: I Eparaama! I Eparaama. raica, a yacaqu ko aJiova; ia au sa rogoci iko, ka lako sobu mai me’u sereki iko, ka kauti iko tani mai na vale i tamamu, ia mai vei ira kece na wekamu, ki na dua na bvanua ko sega ni kila.

17 Ia oqo ni ra sa vagolea tani vei au na yalodra, ka qarava na kalou i Ilikena, na kalou i Livinai, na kalou i Mamakari, na kalou i Korasi, kei na nona kalou na Fero, na tui Ijipita; o koya au sa lako mai kina meu sikovi ira, ka vakarusai koya sa laveta cake na ligana vei iko, I Eparaama, na luvequ, me vakamatei iko.

18 Raica, au na liutaki iko ena ligaqu, kau na kauti iko, meu solia vei iko na yacaqu, io na amatabete i tamamu, ka na tiko vata kei iko na noqu kaukauwa.

19 Me vakataki Noa sa vakakina ko iko; ia ena nomu cakacaka ena kilai kina na ayacaqu e vuravura me sega ni mudu, ni’u sa nomu Kalou.

20 Raica, sa tu na delana ko Potifa ena vanua ko aUri, e Kalitia. Ia sa talaraka sobu na Turaga na icabocabo ni soro nei Ilikena, kei ira na kalou ena vanua ko ya, ka sa vakarusai ira sara, a sa yavita na bete ka mate sara; ka sa yaco kina na tagi levu mai Kalitia, kei na nona itikotiko vakaturaga na Fero; ia sa ibalebale ni Fero na tui ena kena dra vakatui.

21 Ia na tui Ijipita oqo e kawa mai na vua ni toloi aAme; ia sa tiko tale ga vua na dra mai vei ira na bKenanaiti ena nona sucu mai.

22 Io na kawa oqori era sa vu mai kina na kai Ijipita kecega, a ka oqo sa tudei tu kina na nona dra na Kenanaiti ena vanua ko ya.

23 Na vanua ko aIjipita me vaka sa kunea taumada e dua na yalewa, o koya na luvei Ame yalewa, ka luvei Ijipitosi yalewa, na vosa vaka-Kalitia ni Ijipita, a kena ibalebale na ka sa vakatabui.

24 Ni sa kunea na yalewa oqo na vanua a sa lutudromu tu e wai, e muri sa qai vakatikori rau kina na luvena tagane; o koya oqo, sa vu kina mai vei Ame, na matatamata ko ya ka vakavuna na kena tu ga e kea na cudruvi.

25 Ia na imatai ni matanitu e Ijipita a tauyavutaka ko Fero, na luvena tagane qase duadua ko Ijipitosi, na luvei Ame yalewa, ia sa vaka na matanitu i Ame, ko ya sa veisolitaki mai vei tama ki vei luvena tagane.

26 Ko Fero, ni sa tamata dodonu sara, sa tauyavutaka na nona matanitu ka lewai ira vakavuku ka vakadodonu na nona tamata ena nona veisiga kece sara, sa segata vagumatua me vakatakarakarataka na ivakarau era a tauyavutaka na nona qase ena imatai ni itabatamata, ena nona gauna ni veiliutaki na kena imatai, io na veiliutaki nei Atama, ka vakakina ko Noa, na nona qase, ka a vakalougatataki koya ena aveivakalougatataki ni vuravura, kei na veivakalougatataki ni yalomatua, ia sa cudruvi koya ena veika me baleta na matabete.

27 Ia, me vaka ni vu ko Fero mai na kawa ko ya ena sega kina ni tu vua na dodonu me ciqoma na aMatabete, e dina ni na rawa ni tukuna na Fero ni nona mai vei Noa, ena vukui Ame, o koya sa vagolei tani kina na tamaqu mai na nodra dau qaravi kalou matakau;

28 Ia au sa na tovolea, mai na gauna oqo, meu vakamacalataka na itukutuku ni gauna me tekivu vei au ka lesu yani ki na itekivu ni veibuli, ni sa yaco mai ki ligaqu na kena aitukutuku, kau sa taura tu ena gauna oqo.

29 Raica ni sa yaviti mate na bete nei Ilikena, sa vakayacori kina na veika sa tukuni vei au me baleta na vanua ko Kalitia, ni na yaco e dua na dausiga ena vanua ko ya.

30 Sa yaco me vakakina na dausiga ena vanua taucoko ko Kalitia, sa kune rarawa vakalevu sara kina ko tamaqu ena vuku ni dausiga, a sa veivutunitaka sara na ca a nakita voli me baleti au, oya me vakamatei aau.

31 Ia na kedra itukutuku na qase, ko ira na peteriaki, me baleta na ilesilesi ni Matabete, o koya sa maroroya kina e ligaqu, na Turaga na noqu Kalou; me kilai na itekivu ni veibuli, ka vakatalega kina na aveivuravura, kei na veikalokalo, me vaka na kedra a vakatakilai vei ira na qase, au sa maroroya tu me yacova na siga oqo, ka’u sa na tovolea meu vola eso na veika oqori ena itukutuku oqo, me na yaga vei ira na noqu kawa era na qai muri mai vei au.