Gyedzi ho Nsɛmpɔw No
A Ɔwɔ Jesus Christ N’Asɔr a ɔwɔ hɔ ma Nda a Odzi Ekyir Ahotseweefo no mu

1 ^aYɛgye ^bNyankopɔn, Onnyiewiei Egya no, na Ne ^cBa, Jesus Christ, na ^dSunsum Krɔnkrɔn no dzi.

2 Yɛgye dzi dɛ wɔbɛtsẽa nyimpa wɔ ^ahɔnankasa hɔn bɔn ho, na nnyɛ wɔ ^bAdam ne mbrato ho.

3 Yɛgye dzi dɛ ɔnam Christ no ^aWerdambɔ do adasamba nyinara botum ^benya nkwa, ber a wɔyɛ ^csetsie ma ^dmbra no na ^eAsɛmpa n’ayɛdze no.

4 Yɛgye dzi dɛ fapem na Asɛmpa ^an’ayɛdze a odzi kan no nye: odzi kan, ^bGyedzi wɔ Ewuradze Jesus Christ mu; otsĩa ebien, ^cNnuho; otsĩa ebiasa, Nsumuhyɛ ^denuma a ɔwɔ hɔ ma ^ebɔnfakyɛ; otsĩa anan, Wɔdze ^fnsa rugu wo do ama ^gSunsum Krɔnkrɔn n’akyɛdze no.

5 Yɛgye dzi dɛ otwar dɛ Nyame ^afrɛ nyimpa wɔ ^bnkɔnhyɛ do, na wɔ ^cnsa a hɔn a wɔwɔ ^dtumdzi dze gu no do, ma ɔdze ^eakã Asɛmpa no na ɔayɛ ^fayɛdze a ɔkã ho no.

6 Yɛgye ^anhyehyɛɛ kor no ara a ɔwɔ Tsetseberdo Asɔr no mu a, wɔyɛ ^basomafo, ^cnkɔnhyɛfo, ^dasɔfo, akyerɛkyerɛfo, ^ensɛmpakãfo na dza ɔkekãho no dzi.

7 Yɛgye ^akasa horow ^bakyɛdze, ^cnkɔnhyɛ, ^dnyikyerɛ, ^eenyido-adzehu, ^fayarsa, ^gkasa horow ne nkyerɛase, na ma ɔkekãho no dzi.

8 Yɛgye ^aBible no dzi dɛ ɔyɛ ^bNyame n’asɛm wɔ aber a wɔakyerɛ ase ^cyie; yɛgye ^dMormon Nwoma no so dzi dɛ ɔyɛ Nyame n’asɛm.

9 Yɛgye dza Nyame ^aeyi akyerɛ nyina, na dza seseiara Oyi kyerɛ nyina dzi, na yɛgye dzi dɛ Ɔbɔkɔ do ^beyi ndzɛmba akɛse a no ho hia tsitsir pii a ɔfa Nyame N’ahenman ho no akyerɛ.

10 Yɛgye dza wɔakã a ɔkyerɛ dɛ ^awɔbɛkã Israelmba aboa ano, na ^bEbusuakuw Du no nsanananmu no dzi; ^cZion (Jerusalem Fofor no) wɔbɛkyekyer no wɔ America asaase tɔw no do; Christ Noara ^dbedzi hen wɔ asaase do; na, wɔbɛyɛ asaase yi ^efofor na oenya ne ^fparadise ^genyimnyam no.

11 Yɛgye ^andzinoa no to mu dɛ ɔwɔ dɛ yɛsom Otumfo Nyame wɔ ^bkwan a hɛn ^ctsibowa kã kyerɛ hɛn, na yɛma nyimpa nyinara ndzinoa kor noara bi dɛ ^dwɔnsom dɛ mbrɛ wɔpɛ, bea a wɔpɛ, anaa dza wɔpɛ.

12 Yɛgye dzi dɛ ɔwɔ dɛ yɛbrɛ hɛnho adze ma ahemfo, presidentfo, ahwɛdofo na atsɛmbuafo, yɛyɛ setsie ma hɔn, yedzi hɔn nyi na yedzi ^ambra no do.

13 Yɛgye dzi dɛ ɔwɔ dɛ yɛyɛ ^aanokwafo, yedzi nokwar, ^byɛyɛ ahosie, yɛyɛ etuhoakyɛ, yɛbɔ ɔbra pa na ^cyɛyɛ papa ma nyimpa nyinara; nokwar, dza yebotum akã nye dɛ yedzi Paul ^dn’afotu no do—Yegye ndzɛmba nyina dzi, yɛwɔ adze nyina mu ^eenyidado, yɛasɔw ndzɛmba pii na yɛwɔ enyidado dɛ yebotum ^fasɔw ndzɛmba nyina. Sɛ ^gɔbra pa, dza ɔyɛ fɛw anaa ɔwɔ dzin pa anaa ɔsɛ nkamfo a, ndzɛmba yinom na yɛhwehwɛ ekyir kwan.