Ngaahi Folofolá
Koe Gaahi Same 31


Vahe 31

1 Oku fakaha e Tevita ene falala ki he Otua, bea ne kole ke ne tokoni ia. 7 Oku ne fiefia i he ene aloofa. 9 Oku ne lotu i he ene mamahi. 19 Oku ne fakafetai ki he Otua koeuhi ko ene agalelei.

Ki he Takimua, koe Same a Tevita.

1 OKU ou falala kiate koe, E Jihova; oua naa ke tuku au keu ma: fakamoui au i hoo maonioni.

2 Fakatokaga‘i ho teliga kiate au; ke vave hoo fakamoui au: ke ke iate au koe maka malohi, koe fale hufaga ke fakamoui au.

3 He ko koe ko hoku makatuu mo eku kolo: koia, koe mea i ho huafa ke ke tataki au, o fakahinohino au.

4 Toho au mei he kubega kuo nau aau fakafufu kiate au: he ko koe ko hoku malohi.

5 Oku ou tuku atu hoku laumalie ki ho nima: kuo ke huhui au, E Jihova koe Otua oe mooni.

6 Naaku fehia kiate kinautolu oku tokaga ki he gaahi mea vaiga loi be: ka oku ou falala kia Jihova.

7 Teu fiefia mo nekeneka i hoo aloofa: he kuo ke tokaga ki he eku mamahi; kuo ke ilo‘i hoku laumalie i he gaahi mamahi;

8 Bea nae ikai te ke tabuni au i he nima oe fili: kuo ke fokotuu hoku va‘e i he botu ataatā lahi.

9 Aloofa mai kiate au, E Jihova, he oku ou moua i he mamahi: kuo auha hoku mata i he tagi, io, ko hoku laumalie mo hoku kete.

10 He kuo oji eku moui i he tagi, mo hoku gaahi ta‘u i he mafulu: kuo fakaaau ke oji hoku malohi koe mea i he eku hia, bea kuo auha hoku gaahi hui.

11 Koe manukiaga au o hoku gaahi fili kotoabe, kae ajili be ki hoku gaahi kaugaabi, bea koe ilifiaaga o hoku kaumea: ko kinautolu nae mamata kiate au ituaa naa nau hola iate au.

12 Kuo fakagalogalo‘i au mei he loto o hage koe tagata kuo mate: kuou tatau moe ibu kuo maumau.

13 He naaku fanogo ki he lauikovi e he toko lahi: nae i he botu kotoabe ae manavahe: lolotoga e nau fakakaukau fakataha kiate au, naa nau loto ke too eku moui.

14 Ka naaku falala kiate koe, E Jihova: naaku behe, Ko koe ko hoku Otua.

15 Ko hoku gaahi kuoga oku i ho nima: ke ke fakahaofi au mei he nima o hoku gaahi fili, bea mo kinautolu oku fakataga‘i au.

16 Tuku ke ulo mai ho fofoga ki hoo tamaioeiki: fakamoui au koeuhi ko hoo aloofa.

17 Oua naa ke tuku au keu ma, e Jihova; he naaku ui kiate koe: tuku ke ma ae kau agahala, tuku ke nau logo be i he faitoka.

18 Tuku ke fakalogo be ae gaahi lougutu loi; aia oku lea aki ae mea fakamamahi ki he kau maonioni i he fielahi moe manuki.

19 Oku fefe hono lahi o hoo agalelei, aia kuo ke hilifaki ma anautolu oku manavahe kiate koe; aia kuo ke gaohi ma anautolu oku falala kiate koe i he ao oe gaahi foha oe tagata!

20 Te ke fufu akinautolu i he botu lilo o ho fofoga mei he fielahi ae tagata: te ke tauhi fakafufu be akinautolu i ha afioaga mei he fakakikihi oe gaahi elelo.

21 Fakafetai kia Jihova: he kuo ne fakaha kiate au ene agalelei fakaofo i he kolo malohi.

22 He naaku behe i he eku tootoo, kuo motuhi au mei he ao o ho fofoga: ka naa ke ogo‘i ae le‘o o eku gaahi lotu tāumau i he eku tagi kiate koe.

23 Mou ofa kia Jihova, akimoutolu ko ene kakai maonioni kotoabe: he oku tauhi e Jihova ae kau agatonu, bea oku ne totogi lahi ki he kau fai fakafielahi.

24 Ke mou loto to‘a, bea te ne fakamalohi ho mou loto, akimoutolu kotoabe oku amanaki lelei kia Jihova.