¶ 1 TUKU kia Jihova, ekimoutolu koe gaahi foha oe malohi, tuku kia Jihova ae nāunāu moe mafimafi.

2 Tuku kia Jihova ae fakaabaaba oku tāu mo hono huafa; hu kia Jihova i he teuga matamata lelei oe maonioni.

3 Koe le‘o o Jihova oku i oluga i he gaahi vai: oku mana e he Otua oe nāunāu: oku i oluga i he gaahi vai lahi a Jihova.

4 Koe le‘o o Jihova oku fonu i he malohi; oku fonu ae le‘o o Jihova i he nāunāu.

5 Oku feji‘i e he le‘o o Jihova ae gaahi sita; io, oku feji‘i e Jihova ae gaahi sita o Lebanoni.

6 Oku gaohi eia ke nau hobohobo o hage koe uhiki‘i bulu; a Lebanoni mo Silione o hage koe uhiki‘i liimi.

7 Oku vahevahe e he le‘o o Jihova ae gaahi ulo oe afi.

8 Oku lulu e he le‘o o Jihova ae toafa; oku lulululu e Jihova ae toafa o Ketesi.

9 Oku fakafanau‘i e he le‘o o Jihova ae faga hainiti, bea ne fakaha ae gaahi vao akau: bea i hono fale tabu oku lea taki taha kotoabe ki hono nāunāu.

10 Oku nofo a Jihova ki he vai lahi; io, oku nofo a Jihova koe Tu‘i o taegata.

11 E foaki e Jihova ae malohi ki hono kakai; e tabuaki e Jihova a hono kakai aki ae melino.