¶ 1 E OTUA, ke ke fakamoui au: he oku ou falala kiate koe.

2  E hoku laumalie, naa ke behe kia Jihova, Ko hoku Eiki koe: oku ikai a‘u atu eku agalelei kiate koe;

3 Ka ki he kau maonioni oku i mamani, bea ki he agalelei, oku iate kinautolu eku fiefia kotoabe.

4 E ajili ai ae mamahi okinautolu oku kumi otua kehe: koe nau gaahi feilaulau inu oe toto e ikai teu atu, be too hake ho nau gaahi higoa ki hoku lougutu.

5 Ko hono lelei o hoku tofia mo eku ibu a Jihova: oku ke tauhi hoku talotalo.

6 Kuo falo kiate au ae gaahi afo i he gaahi botu matamata lelei; io, kuou ma‘u ae tofia lelei.

7 Teu fakafetai kia Jihova, aia kuo ne akonaki‘i au: ko hoku kofuua foki oku na akonaki‘i au i he gaahi feituu bo.

8 Kuou fokotuu mau ai be a Jihova i hoku ao: koe mea i he ene i hoku nima toomatau, e ikai ai teu gau‘e.

9 Koia oku fiefia ai hoku loto, bea nekeneka mo hoku elelo: e mālōlō foki a hoku jino i he amanaki lelei.

10 Koeuhi e ikai te ke tuku hoku laumalie i hetesi; bea e ikai te ke tuku ho Toko Taha Maonioni ke ne ilo ae auauha.

11 Te ke fakaha kiate au ae hala oe moui: oku fonu ae fiefia i ho ao; oku i ho nima toomatau ae gaahi fiemalie o taegata.