Ngaahi Folofolá
Koe Gaahi Same 111


Vahe 111

1 Oku ue‘i e he tagata tohi same ae kakai ke nau faifaitaki kiate ia, bea fakamalo ki he Otua koeuhi ko ene gaue ogoogolelei, 5 mo aloofa. 10 Oku tubu ae boto mooni i he manavahe ki he Otua.

1 MOU fakamalo kia Jihova. Teu fakamalo kia Jihova aki hoku loto kotoabe, i he fakataha oe agatonu, bea i he lotolotoga oe kakai.

2 Oku lahi ae gaue a Jihova, oku kumi ki ai akinautolu kotoabe oku fiefia ai.

3 Oku ogoogolelei mo nāunāuia a ene gaue: bea oku tologa o taegata a ene maonioni.

4 Kuo ne fai ene gaahi gaue fakaofo ke manatu ia e he kakai: oku manavaofa a Jihova, bea fonu i he aloofa.

5 Kuo foaki eia ae mea kai kiate kinautolu oku nau manavahe kiate ia: te ne manatu‘i mau ai be a ene fuakava.

6 Kuo ne fakaha ki hono kakai ae malohi o ene gaahi gaue, koeuhi ke ne foaki kiate kinautolu ae tofia oe hiteni.

7 Koe gaahi gaue a hono nima koe mooni moe fakamāu: oku mooni a ene gaahi fekau kotoabe.

8 Oku tuu mau ia o lauikuoga bea taegata, bea kuo fai ia i he mooni moe agatonu.

9 Naa ne fekau atu ae huhui ki hono kakai: kuo ne fokotuu ene fuakava o lauikuoga: oku maonioni mo geia a hono huafa.

10 Koe manavahe kia Jihova koe kamataaga ia oe boto: oku boto akinautolu kotoabe oku fai ki he ene fekau: oku tologa o taegata ae fakamalo kiate ia.