Ngaahi Folofolá
Koe Tohi a Joeli 2


Vahe 2

1 Oku ne fakaha ki Saione hono fakailifia oe fakamāu ae Otua. 12 Oku ne eginaki ki he fakatomala, 15 bea tuutuuni ae aukai, 18 mo ne fakaha ae tabuaki ki ai. 21 Oku ne fakafiemalie‘i a Saione i he gaahi tabuaki ni, 28 bea mo ia e hoko mai.

1 IFI ae mea lea i Saione, bea fanogonogo ae ilifia i hoku mouga tabu: ke tetetete ae kakai kotoabe oe fonua, koeuhi oku hoko ae aho o Jihova, he oku ofi ia;

2 Koe aho oe fakabouli, bea moe fakaboubouli, koe aho aoaofia, bea moe bouli matolu: hage koe bogibogi kuo mafola i he fuga mouga, oku  hau behe ae kakai lahi mo malohi; nae ikai behe i mua, bea e ikai toe hage koia amui, o a‘u ki he gaahi ta‘u oe gaahi toutagata lahi.

3 Oku kai e he afi i ho nau ao; bea oku vela ae ulo afi i ho nau tua: koe fonua oku hage koe goue ko Iteni i ho nau ao, bea ki mui iate kinautolu oku hage koe toafa kuo lala; io, bea e ikai hao ha mea meiate kinautolu.

4 Oku nau ha mai hage koe ha mai ae faga hosi; bea hage koe kau tagata heka hosi, e behe e nau lele.

5 Hage koe aulologo oe gaahi saliote i he fuga mouga, e behe e nau hobohobo, o hage koe mumuhu oe ulo afi i he ene kai ae mohuku momoa, o hage koe kakai malohi kuo fakataha ki he tau.

6 E mamahi lahi ae kakai i ho nau ao: e beko ae mata kotoabe.

7 Te nau lele hage koe kau tagata malohi; te nau kaka i he a, hage koe kau tagata tau; bea te nau laka taki taha i hono hala, ka e ikai ha taha te ne veuki ae fakaotu:

8 Bea e ikai te nau feteketeke‘i ae taha ki he taha; ka te nau taki taha alu i hono hala: bea ka nau ka to ki he heleta, e ikai te nau lavea.

9 Te nau lele fano be i he kolo; te, nau lele i he fukahi a, te nau kaka ki he tua fale; te nau hu i he gaahi mataba jioata, hage koe kaihaa.

10 E tetetete ae fonua i ho nau ao; bea e galulululu ae lagi: e bouli ae laa moe mahina, bea e taofi e nau ulo e he gaahi fetuu:

11 Bea e fakaogo hono le‘o e Jihova ki he ene kau tau: he oku lahi ae fakataha o ene kau tau: bea oku malohi ia oku fai ki he ene folofola: koeuhi koe aho o Jihova oku lahi mo fakamanavahe; bea kohai te ne faa tuu ai?

12 Oku behe e Jihova, Bea koeni foki, mou tafoki kiate au aki ho mou loto kotoa, bea i he aukai, bea i he tagi, moe tagilāulāu:

13 Bea mou haehae ho mou loto, kae ikai ko ho mou kofu be, bea tafoki kia Jihova, ko ho mou Otua: he oku ne agalelei mo aloofa, o tuotuai ki he houhau, bea oku ne agaofa lahi, bea oku ne fakatomala i he kovi.

14 E ilo ehai, be te ne tafoki mo fakatomala, bea tuku mai ki mui ha tabuaki iate ia; io, ha feilaulau meakai, bea moe feilaulau mea inu kia Jihova ko ho mou Otua?

15 Ifi ae mea lea i Saione, tuutuuni ha aukai, ui ae fakataha mamafa:

16 Tanaki ae kakai, fakatabu‘i ae fakataha, fakakatoa mai ae kau mātua, tanaki ae fānau, bea mo kinautolu oku kei huhu: ke alu ae tagata taane mei hono fale teuteu, bea moe taahine mei hono loki.

17 Tuku ke tagi ae kau taulaeiki, ae kau faifekau a Jihova, i he vahaa oe fale hala moe feilaulauaga, bea ke nau lea behe, E Jihova, fakamoui hoo kakai, bea oua naa ke tuku ho tofia ki he manuki, ke bule‘i akinautolu e he hiteni: koe umaa e nau behe i he lotolotoga o hoo kakai, Oku ife ho nau Otua?

18 Bea e toki fuaa a Jihova ki hono fonua, bea ofa mamahi ki hono kakai.

19 Io, ko Jihova te ne tali, bea behe ki hono kakai, Vakai, teu atu kiate kimoutolu ae koane, moe uaine, moe lolo, bea te mou makona ai: bea e ikai teu toe tuku akimoutolu ke manuki‘i e he hiteni:

20 Ka teu ave ke mamao iate kimoutolu ae tau mei he tokelau, bea teu kabuji akinautolu ki ha fonua kakā mo lala, oku haga hono mata ki he tahi hahake, bea mo hono tua ki he tahi mamao atu aubito, bea e alu hake hono namukū, bea e alu hake hono eho oia, koeuhi kuo ne fai ae gaahi mea lahi.

21 E fonua, oua naa manavahe; fiefia bea nekeneka: koeuhi e fai e Jihova ae mea lahi.

22 Oua naa manavahe, e faga manu oe vao: he oku tubu ae mohuku i he toafa, bea oku fua ae akau, koe akau koe fiki moe vaine, oku tuku mai ho na malohi.

23 Bea mou fiemalie, e fānau a Saione, bea fiefia ia Jihova, ko ho mou Otua: koeuhi kuo ne foaki kiate kimoutolu fakalelelelei ae uha mua, bea te ne tuku ke to kiate kimoutolu ae uha, koe uha mua, moe uha mui, i he uluaki mahina.

24 Bea e fonu i he uite ae gaahi hahaaga, bea e bito mahuohua ae gaahi tataoaga i he uaine moe lolo.

25 Bea teu toe omi kiate kimoutolu ae gaahi ta‘u ne kai e he hee moe unufe maumau, moe unufe, moe unufe fulufulu, ko eku kau tau lahi naaku fekau kiate kimoutolu.

26 Bea te mou kai i he mahu bea te mou makona ai, bea fakamalo ki he huafa o Jihova ko ho mou Otua, aia kuo ne fai fakaofo kiate kimoutolu: bea e ikai toe ma a hoku kakai o lauikuoga.

27 Bea te mou ilo oku ou i he haohaoga o Isileli, bea ko Jihova au ko ho mou Otua, kae ikai ha taha kehe: bea e ikai toe ma a hoku kakai o lauikuoga.

28 Bea e hoko amui, teu huai hoku Laumalie ki he kakai kotoabe; bea e kikite ho mou gaahi foha mo ho mou gaahi ofefine, bea e miji e hoo kau mātua ae gaahi miji, bea e mamata ae gaahi mea ha mai e hoo kau talavou:

29 Bea ki he kau tamaioeiki moe kau kaunaga teu huai foki hoku Laumalie i he gaahi aho koia.

30 Bea teu fakaha ae gaahi mea fakaofo i he lagi, bea i mamani, koe toto, moe afi, moe ahu oe afi.

31 Bea e liliu ae laa o bouli, moe mahina ke toto i he teeki hoko ae aho lahi, bea fakamanavahe o Jihova.

32 Bea e behe, koia e ui ki he huafa o Jihova e fakamoui ia: koeuhi e ai ae fakamoui i he mouga ko Saione, bea i Jelusalema, o hage koe folofola a Jihova, bea i he toega e uiui‘i e Jihova.