¶ 1 IKAI oku ai ae kuoga kuo tuutuuni ki he tagata i mamani? bea tatau hone gaahi aho moe gaahi aho oe gaue uga?

2 O hage koe holi lahi ae tamaioeiki ki he malumalu, bea hage koe amanaki ae gaue uga ki he totogi o ene gaue:

3 Oku behe, kuo tuku ke aaku ae gaahi mahina mamahi, bea kuo tuutuuni kiate au ae gaahi bo fakamamahi.

4 O kau ka tokoto hifo, oku ou behe, teu tuu hake afe, kuo oji ae bo? bea oku ou fiu i he fetafokifokiaki o a‘u ki he maa ae aho.

5 Kuo kofu aki hoku jino ae uaga moe gaahi koga kelekele; kuo mafahifahi hoku kili, bea kuo fakalielia.

6 Ko hoku gaahi aho oku vave i he faoga filo oe tagata lalaga, bea oku fakaoji ia tae ha amanaki lelei.

7 Ofa ke manatu‘i koe matagi a eku moui: e ikai toe mamata a hoku mata ki he lelei.

8 Koe mata oia kuo ne mamata kiate au e ikai toe mamata mai: oku iate au ho fofoga, beau ikai leva.

9 O hage koe fakamovetevete o mole atu ae ao: oku behe, ko ia oku alu hifo ki he faitoka e ikai toe alu hake.

10 E ikai toe foki ia ki hono fale, bea e ikai toe ilo‘i ia e hono botu.

11 Koia e ikai teu taofi ki hoku gutu; teu lea i he ogojia o hoku laumalie; teu lāuga i he mamahi o hoku laumalie.

12 He ko ha tahi au be koe tofuaa, koeuhi kuo ke fakanofo ha leo kiate au?

13 O kau ka behe, E fakafiemalie‘i au e hoku mohega, e fakajiijii hoku mamahi e hoku tokotoaga;

14 Oku ke fakailifia‘i au aki ae gaahi miji, bea ke fakalilika‘i au i he gaahi mea ha mai:

15 Koia oku fili ai e hoku laumalie ae jijina, moe mate i he eku moui.

16 Oku ou fākalilia ki ai; e ikai teu fie moui ai be: tuku ai be au; he koe vaiga be a hoku gaahi aho.

17 He koeha ae tagata, oku ke hakeaki‘i ai ia? bea koeuhi ke ke tuku bau ho loto kiate ia?

18 Bea koeuhi ke ke aahi ki ai i he bogibogi kotoabe, mo ahiahi‘i ia i he kihi‘i feituulaa jii kotoabe?

19 E fefe hono fuoloa moe ikai te ke alu iate au, be tuku be au ke oua mua keu folo hifo hoku ifo?

20 Kuou fai agahala; koeha teu fai kiate koe, akoe koe fakamoui oe kakai? koeha kuo ke fokotuu ai au koe fakailoga ma au, keu hoko ai koe kavega kiate au be?

21 Bea koeha oku ikai ai ke ke fakamolemole eku agahala, bea too atu eku fai hala? he koeni teu mohe be i he efu; bea te ke kumi au i he bogibogi, ka e ikai teu i ai au.