¶ 1 E FALE o Isileli, mou fanogo ki he lea oku folofola aki e Jihova kiate kimoutolu.

2 Oku behe e Jihova, Oua te mou ako ki he hala oe hiteni, bea oua te mou ilifia ki he gaahi fakailoga i he lagi; he oku ilifia ki ai ae hiteni.

3 He koe vaiga ae gaahi tuutuuni ae kakai: he oku ta aki ha toki e ha taha ae akau i he vao, koe gaue ae tufuga.

4 Oku nau teuteu ia aki ae siliva moe koula; bea oku nau fakamau ia aki ae gaahi fa‘o bea moe gaahi hamala ke oua naa gau‘eu‘e ia.

5 Oku nau tuutonu o hage koe akau koe boga, ka oku ikai lea: oku fua akinautolu, he oku ikai te nau faa eveeva. Bea oua naa manavahe kiate kinautolu; he oku ikai te nau faa fai ha kovi, bea oku ikai iate kinautolu ha fai lelei.

6 He oku ikai ha taha oku hage ko koe, E Jihova; oku ke lahi koe, bea oku lahi ho huafa i he mafimafi.

7 Kohai e tae manavahe kiate koe, Akoe, koe Tu‘i oe gaahi buleaga? he oku aau ia; he oku ikai ha taha oku tatau mo koe, i he kau tagata boto kotoabe oe gaahi kakai, be i ho nau gaahi buleaga kotoabe.

8 Ka oku nau aga fakamanu bea vale aubito: koe mea akonaki ki he vale ae tamabua.

9 Oku omi ae siliva lafalafa mei Tasisi, bea moe koula mei Ufase, koe gaue ae tufuga, moe nima oe tagata gaohi ukamea; ko ho nau kofu oku uliuli mo kulokula: koe gaue kotoabe ae kau tagata boto.

10 Ka ko Jihova koe Otua mooni, koe Otua moui ia, bea koe Tu‘i taegata: bea e gau‘eu‘e a mamani i hono houhau, bea e ikai faa kataki e he gaahi buleaga a ene tubutamaki.

11 Bea te ke lea behe kiate kinautolu, Koe gaahi otua nae ikai gaohi ae gaahi lagi, mo mamani, e fakaauha akinautolu i mamani, bea mei he lalo lagi.

12 Kuo ne gaohi ae kelekele aki hono malohi, kuo ne fokotuu mau a mamani aki ene ilo, bea kuo ne folahi ae gaahi lagi i he ene boto.

13 Oku folofola ia aki hono le‘o, oku lahi ae gaahi vai i he lagi, bea oku ne fakatubu hake ae gaahi ao mei he gaahi gataaga o mamani; oku ne fakatubu ae gaahi uhila moe uha, bea ne omi ae matagi mei hono gaahi tukuaga koloa.

14 Oku vale i he ilo ae tagata kotoabe: oku bubutuu ae tufuga kotoabe i he tamabua kuo ta: he koe loi ene tamabua, bea oku ikai ha mānava i ai.

15 Koe vaiga akinautolu, koe gaue ae vale: bea e auha akinautolu i he aho e tautea ai akinautolu.

16 Oku ikai tatau mo kinautolu ae inaji o Jekobe: he koe tubuaga ia oe gaahi mea kotoabe; bea koe fuofua o hono tofia ko Isileli: Ko hono huafa ko Jihova oe gaahi kau tau.

¶ 17 Akoe koe nofo kolo, ke ke tanaki ho gaotoota o ke hola i he fonua.

18 He oku behe mai a Jihova, Vakai, teu li ae kakai ni i he fonua, o hage koe maka ta, bea teu fakamamahi‘i akinautolu, koeuhi ke nau ogo‘i ia.

¶ 19 Kuou malaia i hoku lavea! oku lahi hoku kafu: ka naaku behe, Koe mamahi mooni eni, ka teu kataki be ia.

20 Kuo hae hoku fale fehikitaki, bea kuo motuhi eku maea kotoabe: kuo alu iate au eku fānau, bea kuo ikai akinautolu: oku ikai toe ha niihi ke toe folahi a hoku fale fehikitaki, bea ke tautau hoku buibui.

21 He kuo liliu o aga fakakakano ae kau tauhi, bea oku ikai te nau kumi kia Jihova: koia e ikai te nau monuia, bea e fakamovetevete ho nau kakai.

22 Vakai, oku ogo mai ae ogoogo oe logoaa, bea moe maveuveu lahi mei he fonua tokelau, ke fakalala ae gaahi kolo o Juta, bea ke gaohi ia koe ana oe faga talakone.

¶ 23 E Jihova, oku ou ilo oku ikai i he tagata be hono hala: oku ikai i he tagata oku eveeva ke fakahinohino hono aluaga.

24 E Jihova, ke ke ta‘i au, bea ke fai i he ofa; oua naa i ho houhau, telia naa ke fakaauha au.

25 Liligi ho houhau ki he hiteni aia oku ikai te nau ilo koe, bea ki he gaahi kauga fale oku ikai ui ki ho huafa: he kuo nau kai o oji a Jekobe, bea kuo folo hifo ia, bea kuo nau fakaauha ia bea fakalala hono nofoaga.