Ngaahi Folofolá
Koe Tohi a Isaia 61


Vahe 61

1 Koe gaue a Kalaisi. 4 Ae tuu kimua, 7 moe gaahi tabuaki oe kakai tui.

1 OKU iate au ae Laumalie oe Eiki ko Jihova; koeuhi kuo fakanofo au e Jihova keu malaga aki ae ogoogolelei ki he agamalu; kuo ne fekau au ke nonoo ae loto mafeji, ke fakaha ae tauataina ki he kau bobula, bea ke fakaava ae fale fakabobula kiate kinautolu kuo haijia;

2 Ke fakaha ae ta‘u lelei o Jihova, bea koe aho oe houhau o ho tau Otua; ke fakafiemalie‘i akinautolu kotoabe oku mamahi;

3 Ke atu ae fiefia kiate kinautolu oku mamahi i Saione, ke atu kiate kinautolu ae hoihoifua koe fetogi oe efuefu, ae lolo oe fiefia koe fetogi oe mamahi, ae kofu oe fakamalo koe fetogi oe laumalie kuo mafeji; ke ui akinautolu koe gaahi akau oe maonioni, nae to e Jihova koeuhi ke ogoogolelei ai ia.

4 Bea te nau laga aia nae muaki maumau, te nau toe fokotuu aia nae fakaauha fuoloa, bea te nau fakafoou ae gaahi kolo kuo liaki, koe maumau oe toutagata toko lahi.

5 Bea e tuu ae kau muli o fafaga hoo mou faga manu, bea e hoko ae fānau ae muli ko hoo mou kau tagata goue mo hoo mou kau tauhi vaine.

6 Ka e fakahigoa akimoutolu koe gaahi Taulaeiki a Jihova: e ui akimoutolu e he kakai koe kau Faifekau a ho tau Otua: te mou kai ae koloa ae kakai Jenitaile, bea i he e nau ogoogolelei e bolebole ai akimoutolu.

7 Koeuhi ko hoo mou ma te mou ma‘u ae totogi ke liuga ua, bea e fetogi aki hoo mou fakama‘i ae fiefia i ho nau tofia; he te mou ma‘u ke liuga ua hake ae tofia i ho nau fonua bea te mou fiefia ai o taegata.

8 He ko au ko Jihova oku ou ofa ki he fakamāu, oku ou fehia ki he kaihaa ke feilaulau tutu aki; bea teu fakahinohino e nau gaue i he mooni, bea teu fai ae fuakava taegata mo kinautolu.

9 Bea e ilo ho nau hako e he kakai Jenitaile, bea moe nau fānau i he kakai: ko kinautolu kotoabe oku mamata kiate kinautolu, te nau fakaha akinautolu koe hako kuo tabuaki‘i e Jihova.

10 Teu fiefia lahi ia Jihova, e nekeneka hoku laumalie i hoku Otua: he kuo ne fakakofu aki au ae kofu oe fakamoui, kuo ne ufiufi aki au ae kofu tōtōlōfa oe maonioni, o hage koe tagata taane oku teu‘i aki ia ae gaahi mea teuga, bea hage oku teu‘i aki e he taahine fakamau hono gaahi maka koloa.

11 O hage oku tubu mei he kelekele hono moto, bea moe goue oku ne fakatubu hake ae gaahi mea oku tūtū‘i ki ai; e behe, e bule e he Eiki ko Jihova ke tubu hake ae maonioni moe fakamalo i he ao oe gaahi buleaga kotoabe.