¶ 1 KOENI teu hiva ki hoku ofaaga aki ae hiva, oia oku ou mamana ki ai, oku kau ki he ene goue vaine. Oku ma‘u e hoku ofaaga ae goue vaine i he mouga kelekele moui:

2 Bea naa ne a‘i ia, mo fetuku mei ai ae gaahi maka, bea ne to i ai ae gaahi vaine lelei lahi, mo ne laga ae fale leo ki ai, bea nae gaohi foki i ai ae tataoaga uaine: bea ne amanaki e tubu ai ae gaahi kalebi, ka nae tubu ai ae kalebi vao be.

3 Bea koeni ae kakai o Jelusalema, moe kau tagata o Juta, oku ou kolega ke mou fakamāu kiate au mo eku goue vaine.

4 Koeha mo ha mea e faa fai ki he eku goue vaine, oku heeki teu fai ki ai? Koeha kuou amanaki ki he tubu ai ae gaahi kalebi, ka kuo tubu be ae fua kona?

5 Bea koeni; teu fakaha kiate kimoutolu aia teu fai ki he eku goue vaine: teu too mei ai a hono a, bea e keina ia o oji; bea e holoki a hono maka, bea e malaki hifo ia:

6 Bea teu liaki ia: e ikai auhani ia, be keli; ka e tubu i ai ae gaahi akau talatala: bea teu fekau foki ki he gaahi ao ke oua naa uha ki ai.

7 He koe goue vaine a Jihova oe gaahi kau tau, koe fale o Isileli ia, bea koe kau tagata o Juta, ko ene akau toulekeleka: bea naa ne amanaki ki he fakamāu, kae vakai koe fakamalohi; ki he maonioni, kae vakai koe tagi.

¶ 8 E malaia akinautolu oku fakahoko ae fale ki he fale, o nau ai ae abi ki he abi, ke oua naa toe ha botu, koeuhi ke maoluga taha be akinautolu i he fonua!

9 Nae behe e Jihova oe gaahi kau tau ki hoku teliga, Koe mooni e lahi ae fale e lala, io, e ikai kakai ae gaahi fale lahi mo lelei.

10 He koe goue vaine, koe eka e hogofulu hono lahi, e ma‘u mei ai ae bate be taha, bea koe homa e taha oe tega, e utu mei ai ha efa be taha.

¶ 11 E malaia akinautolu oku tuu hegihegi hake, ke kumi ki he kava malohi; bea nofo o a‘u ki he bo, kae oua ke nau kona i he uaine!

12 Bea oku i he e nau gaahi katoaga ae haabe, moe vaiole, moe lali, moe mimiha, moe uaine: ka oku ikai te nau tokaga ki he gaue a Jihova, be vakai ki he gaue a hono nima.

¶ 13 Koia kuo ave bobula ai a hoku kakai, koeuhi oku ikai iate kinautolu ae ilo: bea kuo fiekaia ho nau kau tagata ogoogo, bea mo ho nau toko lahi oku mate fieinu.

14 Koia kuo fakalahi ai a heli eia, mo fakamaga lahi aubito hono gutu: bea e alu hifo ki ai ho nau malohi, mo ho nau toko lahi, moe nau laukau, mo ia oku fiefia.

15 Bea e fakahifo ki lalo ae lāuvale, bea e fakavaivai‘i moe tagata malohi, bea e hifo ki lalo ae mata oe fielahi:

16 Ka e hiki hake a Jihova oe gaahi kau tau i he fakamāu, bea e fakaogoogolelei‘i ae Otua maonioni i he agatonu.

17 Bea e toki kai ae faga lami o hage koe nau aga, bea e kai e he muli ae gaahi botu lala oe kakai koloaia.

18 E malaia akinautolu oku fuji ae agahala aki ae afo oe vaiga, bea fai hala o hage koe maea malohi:

19 Akinautolu oku behe, Tuku ke ne fai vave, bea fakatootoo ene gaue, ke tau mamata ki ai: bea tuku ke unuunu mai bea ha‘u ae tuutuuni ae Toko Taha Maonioni o Isileli, koeuhi ke tau ilo ki ai!

¶ 20 E malaia akinautolu oku ui ae kovi koe lelei, moe lelei koe kovi; oku ui ae bouli koe māma, moe māma koe bouli; oku ui ae kona koe melie, moe melie koe kona!

21 E malaia akinautolu oku boto i ho nau mata onautolu, mo kinautolu oku behe oku nau fai fakabotoboto!

22 E malaia akinautolu oku malohi ke inu uaine, moe kau tagata malohi ke feligi aki ae kava malohi:

23 Akinautolu oku fakatonuhia‘i ae agahala koeuhi koe totogi, o nau too ae mea totonu ae maonioni meiate ia!

24 Koia, hage oku keina e he afi ae veve, bea fakaauha e he ulo afi ae louveve, e bobo behe ho nau aka, bea e buna hake ho nau fiji o hage koe efu: koeuhi kuo nau liaki ae fono a Jihova oe gaahi kau tau, bea kuo nau fehia ki he folofola ae Toko Taha Maonioni o Isileli.

25 Koia kuo tubu ai ae houhau o Jihova ki hono kakai, bea kuo ne mafao hono nima kiate kinautolu, bea kuo ne ta‘i akinautolu: bea nae tetetete ae gaahi mouga, bea nae haehae ho nau agaaga i he gaahi hala oe kolo. Bea ne ogo aeni kotoabe oku teeki ai ke taofi hono houhau, ka oku kei mafao hono nima.

¶ 26 Bea te ne hiki hake ae fuka ki he gaahi buleaga mei he mamao, bea te ne sesee akinautolu mei he gataaga o mamani: bea vakai te nau ha‘u vave mo fakatootoo:

27 E ikai vaivai be humu ha taha iate kinautolu; e ikai ha taha e tulemohe be mohe; bea e ikai vete ae noo i ho nau koga loto, be motu ae nonoo o ho nau tobuva‘e:

28 Oku majila e nau gaahi gahau, bea kuo teke e nau kaufana kotoabe; e fakatatau ki he maka afi ae bejibeji oe nau faga hose, bea koe nau gaahi saliote e hage koe ahiohio:

29 Te nau gugulu o hage koe laione, te nau gugulu o hage koe faga laione mui, io, te nau gugulu, bea buke ae mea kai, bea te nau vete ia, bea e ikai ha taha te ne taofi.

30 Bea i he aho koia te nau tagi kiate kinautolu o hage koe uulu oe tahi: bea kabau oku jio ha toko taha ki he fonua, vakai koe fakabouli moe mamahi, bea kuo fakabouli ae māma i he lagi.