¶ 1 KA koeni, fanogo, E Jekobe ko eku tamaioeiki; mo Isileli, akoe kuou fili:

2 Oku behe e Jihova aia naa ne gaohi koe, bea nae fakafuofua koe mei he manāva, aia te ne tokoni‘i koe; Oua e manavahe, E Jekobe, ko eku tamaioeiki: bea mo koe, ko Jesuluni, akoe kuou fili.

3 He teu liligi ae vai kiate ia oku fieinu, bea moe vai lahi ki he kelekele momoa: bea teu hua‘i hoku laumalie ki ho hako, mo eku tabuaki ki hoo fānau:

4 Bea te nau tubu hake o hage oku i he mohuku, o hage koe gaahi uilou i he vee vaitafe.

5 E behe e ha toko taha, Oku o Jihova au; bea koe toko taha e ui aki ia ae higoa ko Jekobe; bea koe toko taha te ne tohi aki hono nima kia Jihova, bea fakahigoa foou ia aki ae higoa o Isileli.

6 Oku behe e Jihova koe Tu‘i o Isileli, bea ko hono huhui ko Jihova oe gaahi kau tau; Ko au koe uluaki, bea ko au be koe kimui; bea oku ikai ha Otua mo au.

7 Bea kohai, o hage ko au, e ui, bea e fakaha ia, bea e fakatonutonu ia maaku, hili eku fakanofo ae kakai i mua? bea koe gaahi mea oku ha‘u ni, bea mo ia e hoko, tuku ke nau fakaha kiate kinautolu.

8 Oua te mou manavahe, bea oua e lilika: ikai kuou fakaha kiate koe mei he kuoga koia, bea kuo fanogonogo ia? io ko eku kau fakamooni akimoutolu. Oku ai ha Otua mo au? io, oku ikai ha Otua; oku ikai teu ilo ha taha.

¶ 9 Koe vaiga akinautolu kotoabe oku gaohi ae tamabua kuo togi i bea e ikai aoga ae gaahi mea oku nau fiefia ai; bea koe kau fakamooni akinautolu kiate kinautolu; oku ikai te nau mamata, be ilo, koeuhi ke nau ma ai.

10 Kohai kuo ne fakafuofua ha otua, be gaohi ha tamabua kuo togi oku aoga ki ha mea e taha?

11 Vakai, e ma ene gaahi kau mea kotoabe: bea koe kau gaue, oku oe tagata akinautolu: tuku ke tanaki fakataha akinautolu, tuku ke nau tuu hake; ka te nau manavahe, bea te nau ma fakataha.

12 Koe tufuga ukamea oku ne gaue aki ae mea fakauu i he malala, bea fakafuofua ia aki ae gaahi hamala, bea oku gaohi ia aki ae malohi o hono nima: io, oku fiekaia ia, bea kuo tei oji hono malohi: oku tae inu ia ha vai, bea oku vaivai.

13 Oku mafao e he tufuga akau ene mea fuofua; oku ne fakailoga ia aki ha afo; oku ne fakatau ia aki ae gaahi tele, bea oku ne fakailoga ia aki ae mea fua, bea gaohi ia koe fakatātā ki he tagata, o hage koe toulekeleka oe tagata; koeuhi ke nofo ia i he fale.

14 Oku ne ta hifo ne gaahi sita, bea too ae saibalesi bea moe oke, aia oku ne fakamalohi maana i he gaahi akau oe vao: oku ne to ae aji, bea oku moui ia i he uha.

15 Bea e hoko ia koe fefie ki he tagata: bea te ne too mei ai, bea fakamafana ia; io, oku ne tutu ia, bea ta‘o ae ma; io, oku ne gaohi ha otua, bea lotu ki ai; oku ne gaohi ia koe tamabua kuo togi, bea foohifo ki ai.

16 Oku ne tutu hono koga i he afi; oku ne teuteu aki hono koga ae kakano ki he kai; oku ne tunu ae kakano, bea makona ai: io, oku ne mumu, bea ne behe, Koeni, kuou mafana, kuou mamata ki he afi:

17 Bea ko hono toe oia oku ne gaohi aki ha otua, io ko ene tamabua kuo togi: oku ne foohifo o hu ki ai, bea lotu ki ai, bea ne behe, Fakamoui au, he ko koe ko hoku otua.

18 Oku heeki te nau fanogo be ilo: he kuo ne tabuni ho nau mata, ke oua te nau mamata; mo ho nau loto, koia oku nau tae ilo ai.

19 Bea oku ikai ha toko taha oku tokaga i hono loto, bea oku ikai ha ilo be ha fakakaukau ke behe, Kuou tutu hono koga i he afi; io, bea kuou ta‘o ma i hono malala oia; kuou tunu ai ae kanomate, bea kai ia; bea teu gaohi hono toe koe mea fakalielia? he teu foohifo ki he jino oe akau?

20 Oku ne kai ae efuefu: koe loto kākā kuo ne fakaafe ia, koia oku ikai te ne faa fakamoui hono laumalie, be behe, Ikai koe loi oku i hoku nima toomatau?

¶ 21 Manatu‘i ae gaahi mea ni, E Jekobe mo Isileli; he ko eku tamaioeiki koe: Naaku fakafuofua koe; ko koe ko eku tamaioeiki: E Isileli, o ikai te ke galo iate au.

22 Kuou tamate‘i hoo gaahi hia, o hage koe ao matolu, bea hage koe ao, a hoo gaahi agahala: tafoki mai kiate au; he kuou huhui koe.

23 Hiva, akimoutolu ae gaahi lagi; he kuo fai ia e Jihova: kalaga, akimoutolu ae gaahi botu maulalo o mamani: ke ba ho mou hiva, ae gaahi mouga, akoe koe vao akau, bea moe akau kotoabe i ai: he kuo huhui e Jihova a Jekobe, bea kuo ne fakaogoogolelei ia i Isileli.

24 Oku behe e Jihova, ko ho huhui, bea ko ia nae fakafuofua koe mei he manāva, Ko au ko Jihova kuou gaohi ae mea kotoabe; kuou folahi toko taha be ae gaahi lagi; oku fofola atu a mamani e au be;

25 Ko au ia oku taofi ae gaahi fakailoga oe kau loi, bea fakavale‘i ae kau kikite; mo fakafoki ae kau tagata boto, bea oku gaohi ae nau ilo koe vale;

26 Ko ia oku fokotuu mau ae lea a ene tamaioeiki, bea fakamooni ki he akonaki o ene kau talafekau; aia oku behe ki Jelusalema, E fakakakai koe; bea ki he gaahi kolo o Juta. E laga akimoutolu, bea teu toe fokotuu ae gaahi botu maumau i ai:

27 Aia oku behe ki he loloto, Ke momoa koe, bea teu fakamaha hoo gaahi vaitafe;

28 Aia oku behe kia Kolesi, Ko hoku tauhi ia, bea te ne fai hoku finagalo kotoabe: io o ne behe ki Jelusalema, E laga koe; bea ki he fale lotu lahi, E ai ho tuuga.