¶ 1 BEA nae aahi e Jihova kia Sela o hage ko ene folofola, bea nae fai e Jihova kia Sela o hage ko ene folofola.

2 He nae tuituia a Sela o ne fanau‘i kia Ebalahame ae tama i he ene motua, io, i he kuoga koia nae folofola ki ai ae Otua.

3 Bea nae ui e Ebalahame ae higoa o hono foha nae fanau kiate ia, aia nae faele‘i e Sela kiate ia, ko Aisake.

4 Bea nae kamu e Ebalahame hono foha ko Aisake i hono aho valu, o hage koe fekau ae Otua kiate ia,

5 Bea nae teau ta‘u ae motua o Ebalahame i he fanau a Aisake kiate ia.

¶ 6 Bea nae behe e Sela, Kuo fakakata au e he Otua, bea e kata mo au akinautolu kotoabe e fanogo ai.

7 Bea behe eia, Kohai ia nae teitei behe kia Ebalahame, e fakahuhu e Sela ha fānau? he kuou faele‘i ha tama kiate ia i he ene motua.

8 Bea nae tubu ae tama, bea mavae ia, bea nae fai e Ebalahame ae katoaga lahi i he aho nae mavae ai a Aisake.

¶ 9 Bea nae mamata a Sela ki he tama a Hekaa koe fefine Ijibite, aia naa ne fanau‘i kia Ebalahame, oku manuki.

10 Koia naa ne behe ai kia Ebalahame, Kabuji ae fefine bobula ni mo ene tama: koeuhi e ikai fakataha ae tama ae fefine bobula ni, mo eku tama ko Aisake.

11 Bea koe mea fakamamahi lahi ia i he ao o Ebalahame, koeuhi ko hono foha.

¶ 12 Bea nae folofola ae Otua kia Ebalahame, Oua naa ke mamahi koeuhi koe tama, be koeuhi ko hoo fefine kaunaga: ka ke tokaga ki he le‘o o Sela i he mea kotoabe kuo ne lea ai kiate koe: koeuhi e ui ia Aisake be a ho hako.

13 Bea teu fakatubu ae buleaga i he tama ae fefine kaunaga, koeuhi ko ho hako ia.

14 Bea tuu hegihegi hake ai a Ebalahame, mo ne omi ae ma moe hina vai, o ne atu kia Hekaa, bea ne ai ia ki hono uma bea moe tama, o ne fekau ia ke alu; bea nae alu ia, o he fano be i he toafa o Beasiba.

15 Bea i he oji ae vai i he hina, nae tuku eia ae tama i he lolo akau e taha.

16 Ka ka alu ia o nofo fakahagatonu mai mei he mamao o tatau nai moe toaga gahau kuo fana; he nae behe eia; Ofa ke oua naaku mamata ki he bekia ae tama, bea nae nofo ia o hagatonu kiate ia, bea hiki hake eia hono le‘o o tagi.

17 Bea ogo‘i e he Otua ae le‘o oe tamajii; bea lea mai ae agelo ae Otua kia Hekaa mei he lagi o ne behe kiate ia, Koeha oku ke mamahi ai Hekaa? oua te ke manavahe: he kuo ogo‘i e he Otua ae le‘o oe tamajii mei he botu na.

18 Tuu, bea hiki hake ae tamajii bea fafa ia ho nima: he teu gaohi ia koe buleaga lahi.

19 Bea nae fakaa e he Otua hono mata, bea nae mamata ia ki he matavai: bea alu ia o fakafonu ae hina aki ae vai, bea ne fakainu ae tamajii.

20 Bea nae kau ae Otua ki he tamajii: bea tubu ia, bea ne nofo i he toafa, bea hoko ia koe tagata fana.

21 Bea nae nofo ia i he toafa o Balani: bea nae omi e he ene fa‘e, ae unoho kiate ia mei he fonua ko Ijibite.

¶ 22 Bea nae hoko o behe i he kuoga koia, nae lea kia Ebalahame a Abimileki, mo Fikoli koe eiki lahi ia o ene kau tau, o behe: Oku iate koe ae Otua i he mea kotoabe oku ke fai;

23 Bea koeni, ke ke fuakava kiate au i he Otua, koeuhi ke oua naa ke fai kākā kiate au, be ki hoku foha, be ki he foha o hoku foha, ka ke fai kiate au, moe fonua, aia kuo ke nofo aunofo ki ai, o hage ko eku ofa kiate koe.

24 Bea behe e Ebalahame, Teu fuakava.

25 Bea nae valoki e Ebalahame kia Abimileki, koeuhi koe vai keli nae faao fakamalohi e he kau tamaioeiki a Abimileki.

26 Bea beheage e Abimileki, Oku ikai teu ilo be kohai kuo fai ae mea ni, bea nae ikai te ke tala mai ia, bea nae ikai teu fanogo ki ai, ka koe aho ni be.

27 Bea nae omi e Ebalahame ae faga sibi moe faga bulu, o ne foaki ia kia Abimileki; bea nae fai ekinaua ae fuakava;

28 Bea nae vahe‘i mo tuku kehe e Ebalahame ae lami fefine e fitu.

29 Bea behe e Abimileki kia Ebalahame; Koeha hono uhiga oe lami fefine e fitu kuo ke vahe‘i mo tuku kehe?

30 Bea ne behe, Ke ke too ia o ave mei hoku nima, ae lami fefine e fitu koia, koeuhi koe fakamooni ia kiate au, naaku keli ae vai.

31 Koia naa ne ui ai ae botu koia ko Beasiba: koeuhi naa na fefuakava i ai;

32 Nae behe e na fai ae fuakava i Beasiba: bea tuu hake a Abimileki mo Fikoli koe eiki lahi o ene kau tau, bea na toe o ki he fonua oe kakai Filisitia.

33 Bea nae to e Ebalahame ae gaahi akau i Beasiba, bea nae ui ai ia ki he huafa o Jihova, koe Otua taegata;

34 Bea nae aunofo a Ebalahame i he fonua oe kakai Filistia i he gaahi aho lahi.