Ngaahi Folofolá
Jenesi 16


Vahe 16

1 Oku baa a Selai, bea oku ne foaki a Hekaa kia Ebalame. 4 I he hoko ae tautea kia Hekaa, koe mea i he ene taukae‘i a hono eiki fefine, oku ne hola. 7 Oku fekau ia e ha agelo ke ne foki atu a fakavaivai‘i ia. 11 Oku ne fakailo kiate ia a ene tama. 15 Oku faele‘i a Isimeli.

1 BEA ko Selai, koe unoho o Ebalame, nae ikai jii haane fānau; ka nae iate ia ae kaunaga, ko fefine Ijibite, ko Hekaa hono higoa.

2 Bea nae lea a Selai kia Ebalame, Vakai mai, kuo taofi au e Jihova, ke oua naaku fanau; bea oku ou tala atu kiate koe, ke ke alu ki he eku kaunaga; hei ilo teu ma‘u ae fānau iate ia. Bea nae tokaga a Ebalame ki he lea a Selai.

3 Bea ave e Selai, koe unoho o Ebalame, ene kaunaga ko Hekaa koe Ijibite o ne atu ia ki hono unoho ko Ebalame ke unoho aki, hili e nau nofo i he fonua ko Kenani, i he ta‘u e hogofulu.

4 Bea nae alu ia kia Hekaa, bea feitama ia; bea i he ene ilo ia oku ne feitama, naa ne taukae‘i hono eiki fefine i hono mata.

5 Bea behe Selai kia Ebalame, Ke late koe eku mamahi: Naaku foaki eku kaunaga ki ho fatafata: bea kuo mamata ia kuo feitama, beau kovi leva i hono mata: ke fakamāu e Jihova iate kitaua.

6 Ka nae behe e Ebalame kia Selai, Vakai, oku i ho nima hoo kaunaga; ke ke fai kiate ia hoo faiteliha. Bea i he fai fakamalohi e Selai kiate ia, naa ne hola ia mei hono ao.

7 Bea ilo ia e he agelo a Jihova o ofi ki ha vai i he toafa, ae vai oku i he hala ki Sua.

8 Bea ne behe, Hekaa, koe kaunaga a Selai, kuo ke ha‘u mei fe? bea te ke alu ki fe? Bea beheage eia, Oku ou hola mei he ao o eku fine eiki ko Selai.

9 Bea behe e he agelo a Jihova kiate ia. Toe alu ki ho fine eiki, mo ke fakavaivai‘i koe kiate ia.

10 Bea behe e he agelo a Jihova kiate ia, Teu fakatubu ho hako ke toko lahi aubito, bea e ikai faa lau hono toko lahi.

11 Bea behe e he agelo a Jihova kiate ia, Vakai, oku ke feitama, bea te ke faele‘i ae tama, bea te ke ui hono higoa ko Isimeli; he ku ogo‘i e Jihova a hoo mamahi.

12 Bea e hoko ia koe tagata hehegi; e hiki hake eia hono nima ki he tagata kotoabe, bea e hiki hake e he tagata kotoabe hono nima kiate ia; bea e nofo ia i he ao o hono kaiga kotoabe.

13 Bea naa ne ui ae huafa o Jihova nae folofola kiate ia, Koe Otua koe oku ke afio‘i au: he naa ne behe, He ikai foki kuou jiofia ia aia oku afio kiate au?

14 Koia oku ui ai ae vai koia, ko Bealehailoai; vakai  oku tuu ia i he vahaa o Ketesi mo Beleti.

15 Bea nae fanau‘i e Hekaa ae tama kia Ebalame; bea ui e Ebalame hono foha, nae fanau‘i e Hekaa, ko Isimeli.

16 Bea nae valugofulu ma ono ta‘u ae motua o Ebalame i he fanau‘i e Hekaa a Isimeli kia Ebalame.