Vahe 12
1 Koe ui ae Otua kia Ebalame, bea ne tabuaki ia aki ae talaofa kia Kalaisi. 4 Oku na o mo Lote mei Halani. 6 Oku ne fonoga ki Kenani, 7 aia oku talaofa ai kiate ia i he mea ha mai. 10 Koe mea i he hoge oku alu ia ki Ijibite. 11 Koe manavahe, koia oku ne ui ai hono unoho ko hono tuofefine. 14 Kuo too ia e Felo meiate ia, bea oku ne tukuage ia koe mea i he gaahi hagatamaki.
¶ 1 KA koeni, kuo behe e Jihova kia Ebalame, Alu koe i ho fonua, bea mei ho kaiga, bea mei he fale o hoo tamai, ki ha fonua teu fakaha kiate koe:
2 Bea teu fakatubu iate koe ha buleaga lahi, bea teu tabuaki‘i koe, bea gaohi ho higoa ke lahi; bea te ke hoko koe tabuaki:
3 Bea teu fakamonuia akinautolu e tabuaki‘i koe, bea fakamalaia ia e kabe‘i koe: bea e monuia iate koe ae gaahi faahiga kotoabe o mamani.
4 Koe nae alu a Ebalame, o hage koe folofola a Jihova kiate ia; bea alu a Lote mo ia: bea nae fitugofulu ma nima ta‘u ae motua o Ebalame i he ene alu mei Halani.
5 Bea nae ave e Ebalame a hono unoho ko Selai, mo Lote koe foha o hono tokoua, moe nau gaahi mea kotoabe kuo nau tanaki, moe kakai kuo nau ma‘u i Halani; bea naa nau alu atu ke fonoga ki he fonua ko Kenani; bea naa nau hoko ai ki he fonua ko Kenani.
¶ 6 Bea nae alu atu a Ebalame i he fonua ki he botu o Sikemi, ki he botu akauia o Mole. Bea koe kakai Kenani nae i he fonua i he kuoga koia.
7 Bea nae ha mai a Jihova kia Ebalame, o ne behe, Teu foaki ae fonua ni ki ho hako: bea nae fokotuu ai eia ae ejifeilaulau kia Jihova, aia nae ha kiate ia.
8 Bea nae hiki ia mei ai ki ha mouga i he botu hahake o Beteli, bea ne fokotuu hono fale fehikitaki, oku i hihifo a Beteli, mo Ai i hahake: bea ne fokotuu ai ae ejifeilaulau kia Jihova, bea ui eia ki he huafa o Jihova.
9 Bea nae fonoga a Ebalame, o ne kei alu atu ki he feituu toga.
¶ 10 Bea nae hoko ae hoge i he fonua: bea nae alu hifo a Ebalame ki Ijibite ke nofo ai: he kuo lahi ae hoge i he fonua.
11 Bea nae behe, i he ene hoko o ofi atu ki Ijibite, nae behe eia kia Selai ko hono unoho, Vakai mai, oku ou ilo koe fefine hoihoifua koe ke jio ki ai:
12 Bea koia, ka mamata ae kakai Ijibite kiate koe, te nau behe, Ko hono unoho eni: bea te nau tamate‘i au, ka te nau fakamoui koe.
13 Oku ou kole kiate koe, ke ke behe, ko hoku tuofefine koe: kae lelei ai au koeuhi ko koe; bea e moui a hoku laumalie koeuhi ko koe.
¶ 14 Bea nae behe, i he a‘u atu a Ebalame ki Ijibite, nae vakai e he kakai Ijibite ki he hoihoifua aubito oe fefine.
15 Nae mamata foki kiate ia ae houeiki a Felo, bea naa nau fakaogolelei ia kia Felo: bea nae ave ae fefine ki he fale o Felo.
16 Bea nae fai lelei eia kia Ebalame koeuhi koia: bea naa ne ma‘u ae faga sibi, moe faga manu, moe faga asi tagata, moe kau tamaioeiki, moe kau kaunaga, moe faga asi fefine, moe faga kameli.
17 Bea nae tautea e Jihova a Felo mo hono fale aki ae gaahi hagatamaki lahi koeuhi ko Selai koe unoho o Ebalame.
18 Bea nae ui a Felo kia Ebalame, o ne behe, Koeha eni kuo ke fai kiate au? Koeha nae ikai ai te ke tala mai ko ho unoho ia?
19 Koeha naa ke behe ai, Ko hoku tuofefine eni? neu meimei ma‘u ia koe unoho kiate au; bea koeni, vakai ki ho unoho, ave ia bea ke alu.
20 Bea nae fonoji e Felo ki he ene kau tagata koeuhi koia: bea naa nau fekau ia ke alu, mo hono unoho, mo ia kotoabe naa ne ma‘u.