Ngaahi Folofolá
Ekesotosi 13


Vahe 13

1 Oku fakatabu‘i ae uluaki fanau ma ae Otua, 3 Oku fekau ke manatu ki he laka‐atu. 11 Oku vahe‘i ae uluaki fanau ae manu. 17 Oku alu ae fānau a Isileli mei Ijibite, bea hikitaga ae hui o Josefa. 20 Oku nau hoko ki Etami. 21 Oku taki akinautolu e he Otua aki ae bou oe ao, moe bou oe afi.

1 BEA nae folofola a Jihova kia Mosese, o behe,

2 Fakatabu‘i maaku ae uluaki fanau kotoabe, koia kotoabe oku fakaava ae manāva i he fānau a Isileli, i he tagata moe manu: oku aaku ia.

3 Bea behe e Mosese ki he kakai, Manatu ki he aho ni, aia, kuo mou ha‘u ai mei Ijibite, mei he fale fakabobula: he kuo omi akimoutolu e Jihova mei he botu ni i he nima malohi: oua naa kai ha ma kuo fakalevani.

4 Kuo mou hao mai he aho ni i he mahina ko Abibi.

5 Bea ka omi koe e Jihova ki he fonua oe kau Kenani, moe kau Heti, moe kau Amoli, moe kau Hevi, moe kau Jebusi, aia naa ne fuakava ai ki hoo gaahi tamai ke foaki kiate koe, ae fonua mahu tafea i he hua huhu moe honi, te ke fai ae gaue ni i he mahina ni.

6 I he aho e fitu te ke kai ma tae ai ha levani, bea e fai i hono fitu oe aho ae katoaga kia Jihova.

7 E kai ae ma tae fakalevani i he aho e fitu; bea e ikai ha ma kuo ai ki ai ha levani e ilo iate koe, bea e ikai ilo ha levani iate koe i hoo gaahi botu kotoabe.

8 Bea te ke fakaha ki ho foha i he aho koia, o behe,  Oku fai eni, koeuhi koe mea koia aia nae fai e Jihova kiate au, i he eku hao mei Ijibite.

9 Bea e iate koe ia koe fakailoga i ho nima, bea koe mea fakamanatu i he vahaa o ho mata, koeuhi ke i ho gutu ae fono a Jihova: he kuo omi koe e Jihova mei Ijibite i he nima malohi.

10 Koia ke ke tauhi ai ae fekau ni i hono faahita‘u tukufakaholo i he ta‘u kotoabe.

11 Bea e behe, i he omi koe e Jihova ki he fonua oe kau Kenani, o hage ko ene fuakava kiate koe mo hoo gaahi tamai, o ne foaki ia kiate koe,

12 Te ke vahe‘i maa Jihova aia kotoabe oku fakaava ae manāva, bea moe uluaki fanau kotoabe oku tubu i he manu oku ke ma‘u: koe manu tagata oku a Jihova ia.

13 Bea koe uluaki fanau ae asi te ke huhui aki ae lami: bea kabau e ikai te ke huhui ia, te ke fejii hono kia: bea koe uluaki fanau kotoabe i hoo fānau tagata te ke huhui.

14 Bea e behe oka fehui e ho foha kiate koe amui, o behe, Koeha eni? Te ke tala o behe kiate ia, Nae omi akimautolu e Jihova mei Ijibite, mei he fale fakabobula i he nima malohi.

15 Bea i he ikai fie tuku mai akimautolu e Felo, nae tamate‘i e Jihova ae uluaki fanau kotoabe i he fonua ko Ijibite, ae uluaki fanau ae tagata moe uluaki fanau ae manu: koia oku ou feilaulau aki ai kia Jihova ae fanau tagata kotoabe, oku fakaava ae manāva: ka koe uluaki tubu kotoabe o eku fānau oku ou huhui.

16 Bea e hoko ia koe fakailoga ki ho nima, moe mea fakamanatu ki ho lae: he nae omi akimautolu mei Ijibite e Jihova i he nima malohi.

17 Bea koeni, i he tukuage ae kakai e Felo ke nau alu, nae ikai tataki akinautolu e he Otua i he hala oe fonua oe kau Filisitia, ne ogo hono ofi ia; he nae behe e he Otua, Telia naa fakatomala ae kakai i he e nau mamata ki he tau, bea te nau foki ki Ijibite.

18 Ka nae tataki e he Otua ae kakai ke afe i he hala oe toafa oe tahi Kulokula: bea nae hiki teuteu tau be ae fānau a Isileli mei he fonua ko Ijibite.

19 Bea nae hikitaga e Mosese ae hui o Josefa ke ave: he naa ne fakafuakava‘i totonu ae fānau a Isileli, o behe, Koe mooni e aahi ae Otua kiate kimoutolu; bea te mou hikitaga hoku hui o ave mei heni mo kimoutolu.

20 Bea naa nau fonoga mei Sukote, o nau abitaga i Etami, i he vee toafa.

21 Bea nae haele o muomua iate kinautolu a Jihova i he bou ao i he aho, ke tataki akinautolu i he hala: bea moe bou afi i he bouli, ke fakamāma kiate kinautolu; ke nau alu aho, mo alu i he bouli:

22 Nae ikai te ne hiki o ave ae bou ao i he aho, be koe bou afi i he bouli mei he ao oe kakai.