¶ 1 E IKAI ma‘u e he kau taulaeiki koe kau Livai, bea moe faahiga kotoabe o Livai, ha tufakaga be ha tofia fakataha mo Isileli: te nau kai ae gaahi feilaulau kuo gaohi aki ae afi kia Jihova, mo hono tofia oona.

2 Koia e ikai te nau ma‘u ai ha tofia mo ho nau gaahi kaiga: ko Jihova ko ho nau tofia o hage ko ene folofola kiate kinautolu.

¶ 3 Bea ko hono inaji eni oe taulaeiki mei he kakai, meiate kinautolu oku atu ha feilaulau, kabau koe bulu be koe sibi; bea te nau atu ki he taulaeiki hono alaganima, mo hono kouahe fakatouoji be, moe kete.

4 Koe uluaki fua o hoo uite, mo hoo uaine, bea mo hoo lolo foki, moe uluaki fulufulu‘i sibi kuo koji, ke ke atu kiate ia.

5 He kuo fili ia e Jihova ko ho Otua mei ho gaahi faahiga kotoabe, ke tuu mo tauhi i he huafa o Jihova, aia mo hono gaahi foha ke taegata.

¶ 6 Bea kabau e ha‘u ha Livai mei ha kolo e taha i Isileli kotoabe, aia nae nofo aunofo ai ia, bea ha‘u ia i he holi lahi a hono loto ki he botu aia e fili e Jihova;

7 E toki tauhi eia i he huafa o Jihova ko hono Otua, o hage ko hono kaiga kotoabe i he kau Livai, akinautolu oku tuu i he ao o Jihova.

8 Te nau inaji tatau be i he mea kai, ne ogo a ene mea aana aia oku tubu i he fakatau o hono tofia.

¶ 9 Oka ke ka hoko atu ki he fonua aia oku foaki kiate koe e Jihova ko ho Otua, oua naa ke ako ke fai o hage koe gaahi mea fakalielia oe gaahi kakai koia.

10 Oua naa ilo ha toko taha iate kimoutolu oku tuku a hono foha be ko hono ofefine ke alu atu i he afi, be oku fai ae tuki, be oku tokaga ki he gaahi kuoga, be koe fai mea mana loi, be koe taula fakafaahikehe.

11 Be koe toko taha oku kākā, be kumi ki he laumalie kovi, be koe fieiloilo, be koia oku kumi ki he mate.

12 He ko kinautolu kotoabe oku fai ae gaahi mea ni oku kovi lahi kia Jihova: bea koe mea i he gaahi mea kovi lahi ni oku kabuji ai akinautolu e Jihova ko ho Otua mei ho ao.

13 Ke ke agatonu koe kia Jihova ko ho Otua.

14 He koe gaahi buleaga, aia ke ke hoko o ma‘u, nae fakaogo ki he kau tokaga ki he gaahi kuoga, moe kau kikite: ka ko koe, nae ikai tuku koe e Jihova ko ho Otua ke fai behe.

¶ 15 E fokotuu e Jihova ko ho Otua ha balofita kiate koe, i ho gaahi kaiga, o hage ko au; ke mou tokaga kiate ia;

16 O fakatatau ki he mea kotoabe naa ke holi ki ai kia Jihova ko ho Otua i Holebi i he aho oe fakataha, o behe, Oua naaku toe ogo‘i ae le‘o o Jihova ko hoku Otua, bea oua naaku toe mamata ki he afi lahi ni, telia naaku mate.

17 Bea nae folofola a Jihova kiate au, Oku lelei aia kuo nau lea ki ai.

18 Teu fokotuu kiate kinautolu ha Balofita i ho nau kaiga, o hage ko koe, bea teu ai eku gaahi lea i hono gutu; bea e lea aki eia kiate kinautolu aia kotoabe teu fekau kiate ia.

19 Bea e hoko o behe, koia fulibe e ikai tokaga ki he eku gaahi lea aia e lea aki eia i hoku huafa, teu eke ia kiate ia.

20 Ka koe balofita koia, aia oku fielahi bea lea ia i hoku huafa, aia nae ikai teu fekau kiate ia ke lea, be lea ia i he higoa oe gaahi otua kehe, e tamate‘i ae balofita koia.

21 Bea kabau oku ke behe i ho loto, Te mau ilo fefe‘i ae lea aia nae ikai folofola aki e Jihova?

22 Oka lea ae balofita i he huafa o Jihova, ka oku ikai muimui hano fakamooni be hoko ia, ko eni ae mea nae ikai folofola aki e Jihova, ka kuo lea fielahi aki ia e he balofita: e ikai te ke manavahe kiate ia.