Ngaahi Folofolá
Taitusi 1


Koe Tohi a Baula kia Taitusi

Vahe 1

1 Hono uhiga oe tuku a Taitusi i Keliti. 6 Ae gaahi aga oku totonu ke iate kinautolu oku fili koe kau faifekau. 11 Ke tabuni ae gutu oe kau ako kākā mo kovi: 12 moe aga ae kakai Keliti.

1 KO AU BAULA, koe tamaioeiki ae Otua, moe abosetolo a Jisu Kalaisi, o fakatatau ki he tui ae kakai kuo fili e he Otua, bea moe ilo‘i oe mooni aia oku tāu moe aga faka‐Otua;

2 I he amanaki lelei ki he moui taegata, aia nae fakailo e he Otua, aia oku ikai aubito loi, i he teeki ai tuu a mamani;

3 Ka kuo fakaha i hono kuoga totonu a ene folofola i he malaga, aia kuo tuku kiate au, o fakatatau ki he fekau ae Otua ko ho tau Fakamoui;

4 Ke ia Taitusi, koe foha mooni o tāu moe tui atautolu kotoabe, ae aloofa, moe ofa mataataatā, moe melino, mei he Otua koe Tamai, moe Eiki ko Jisu Kalaisi ko ho tau Fakamoui.

5 Koe mea ni naaku tuku ai koe i Keliti, koeuhi ke ke fakatonutonu ae gaahi mea nae ikai fakaoji, o fakanofo ae kau mātua i he kolo kotoabe, o hage koia naaku fekau kiate koe:

6 Kabau oku taehala ha toko taha, koe unoho oe fefine be taha, oku tui ene fānau, bea oku ikai valokia i ha fakamaveuveu be ha talagataa.

7 He oku totonu ke taehalaia ae tauhi, o tāu moe tauhi koloa ae Otua; o ikai fai ki hono loto, be itagofua, be tokaga ki he uaine, be faa ta, be tokaga ki he koloa uli;

8 Kae ofa ia ki he fai agalelei, bea ofa ki he kakai agalelei, ke ne aga fakabotoboto, mo agatotonu, mo maonioni, mo agamāu;

9 O ne buke ke mau ae lea mooni, o hage ko hono akonekina, koeuhi ke ne faa fai ke eginaki mo valoki tonu ae kau lea kovi aki ae akonaki totonu.

10 He oku ai ae toko lahi oku aga-tuu, koe kau launoa moe kau kāka, bea oku tuu mu‘a ai akinautolu oe kamu:

11 Akinautolu oku totonu ke tabuni ho nau gutu; oku nau fakahe‘i ae gaahi fale kotoa, o ako aki ae gaahi mea oku ikai totonu, ka nau ma‘u ai ae koloa uli.

12 Ko ho nau toko taha, koe tagata kikite be o nautolu, nae behe, Oku loi mau ai be ae kakai Keliti, koe faga manu fekai mo kovi, koe kau faa kai fakabikobiko.

13 Koe fakamooni ni oku mooni. Koia ke ke valoki majila akinautolu, ke nau haohaoa i he tui;

14 Oua naa tokaga ki he gaahi tala-tubua faka‐Jiu, moe gaahi fekau ae kakai, akinautolu oku afe mei he mooni.

15 Oku maa ae mea kotoabe kiate kinautolu oku loto maa: ka oku ikai maa ha mea e taha kiate kinautolu oku aga uli mo taetui; he ko ho nau loto mo ho nau atamai kuo uli‘i.

16 Oku nau lau oku nau ilo ae Otua; ka i he e nau gaahi gaue oku nau jiaki ia, oku nau aga fakalielia, mo talagataa, bea tae ha fifili lelei ki he gaahi gaue lelei kotoabe.