¶ 1 OKU ou lea mooni ia Kalaisi, oku ikai teu loi, bea oku fakamooni au foki i hoku loto i he Laumalie Maonioni,

2 Oku ou māfajia lahi bea mamahi mau ai be i hoku loto.

3 (He kuou meimei fakaamu ke tuku au koe motuhi mei a Kalaisi), koeuhi ko hoku kaiga, a hoku kaiga fakakakano:

4 Koe kakai Isileli akinautolu; oku o nautolu ae ohia, moe nāunāu, moe gaahi fuakava, moe foaki oe fono, moe gaue fakalotu, moe gaahi talaofa;

5 Oku a nautolu ae gaahi tamai, akinautolu nae mei ai ae jino o Kalaisi, aia oku maoluga taha be, koe Otua monuia o taegata. Emeni.

6 Ka oku ikai ke hage kuo taeaoga aubito ae folofola ae Otua. He oku ikai koe Isileli kotoabe, aia oku mei a Isileli:

7 Bea oku ikai koe fānau kotoabe, koeuhi koe hako akinautolu o Ebalahame: ka, Ko Aisake e ui ai ho hako.

8 Ko hono uhiga, Iloga ae fānau ae kakano, oku ikai koe fānau ae Otua akinautolu: kae lau koe hako ae fānau be oe talaofa.

9 He koe lea eni oe tafaofa, I he kuoga ni teu ha‘u, bea e ma‘u e Sela ha tama.

10 Bea oku ikai koia be, ka i he feitama a Lebeka mei he toko taha, koe tau tamai ko Aisake;

11 (He nae heeki ai ke fanau‘i akinaua, bea teeki fai ha lelei be ha kovi, bea koeuhi ke tuu mau ae tuutuuni ae Otua, o fakatatau ki he fili, ikai i he gaahi gaue, kae iate ia oku ne ui;)

12 Nae behe kiate ia, E tauhi e he uluaki ae kimui.

13 O hage koia kuo tohi, Kuou ofa kia Jekobe, ka kuou fehia kia Isoa.

14 Bea ka koia, bea tau behe koeha? Oku i he Otua ae taeagatonu? Ikai aubito.

15 He nae behe eia kia Mosese, Teu aloofa kiate ia oku ou loto ke aloofa ki ai, bea teu agaofa kiate ia oku ou loto keu agaofa ki ai.

16 Bea koia, oku ikai meiate ia oku loto, be meiate ia oku lele, kae mei he Otua oku fakaha ae aloofa.

17 He oku behe ae tohi kia Felo, Koe mea ni be kuou fokotuu hake ai koe, koeuhi keu fakaha iate koe hoku malohi, bea koeuhi ke ogoogoa ai hoku higoa i mamani kotoabe.

18 Bea koia, oku aloofa ia kiate ia oku ne loto ki ai, bea oku ne fakafefeka aia oku loto ia ki ai.

19 Bea te ke behe ai kiate au, Bea koeha oku ne kei lāuga ai? be kohai kuo ne taofia hono loto?

20 Ikai, e tagata, he kohai koe oku ke kikihi ki he Otua? E lea ae mea kuo gaohi kiate ia naa ne gaohi ia, Koeha kuo ke gaohi ai au ke behe ni?

21 He ikai oku i he tufuga gaohi ibu ke faiteliha ki he umea, ke ne gaohi mei he takaoga be taha ae ibu e taha ke aoga lahi, moe taha ke aoga jii?

22 Bea kabau kuo finagalo ae Otua ke fakaha hono houha i, bea fakailo mo hono malohi, naa ne kataki i he kataki fuoloa ae gaahi ibu oe houhau nae tāu moe malaia:

23 Bea koeuhi ke ne fakaha hono lahi o ene lelei ki he gaahi ibu oe aloofa, akinautolu naa ne tomua teu‘i ki he hakeaki‘i,

24 Io, akitautolu kuo ne ui, ikai mei he kakai Jiu be, ka mei he kakai Jenitaile foki?

25 O hage ko ene folofola ia Hosea, Teu ui akinautolu ko hoku kakai, aia nae ikai ko hoku kakai; bea koe ofeina ia, aia nae ikai koe ofeina.

26 Bea e behe, i he botu koia nae behe ai kiate kinautolu, Oku ikai ko hoku kakai akimoutolu; e ui ai akinautolu koe fānau ae Otua moui.

27 Oku kalaga foki a Isaia ia Isileli,  o behe, Kabau e tatau hono lau oe fānau a Isileli moe oneone oe tahi, koe toega  be e fakamoui:

28 He te ne fakaoji mo tuuji ke vave ae gaue i he maonioni: koeuhi e faka-tootoo ae gaue a Jihova i he mamani.

29 Bea hage koe tomua lea a Isaia, Ka ne taeoua ae fakatoe e Jihova oe gaahi toko lahi ha hako kiate kitautolu, behe, kuo tau tatau mo Sotoma, bea gaohi o fakatatau mo Komola.

30 Bea ka koia, bea tau behe koeha? Koeni, koe kakai Jenitaile, nae ikai tuli ki he fakatonuhia, kuo lava‘i ekinautolu ae fakatonuhia, io, ae fakatonuhia oku i he tui.

31 Ka ko Isileli, nae tuli ki he fono maonioni, kuo ikai lava‘i eia ae fono maonioni.

32 Koeha nae behe ai? Koeuhi nae ikai ha tui, ka koe gaahi gaue be. He naa nau tūkia i he maka tūkiaaga koia;

33 O hage koia kuo tohi, Vakai, oku ou ai i Saione ae maka tūkiaaga moe maka fakaita: bea ko ia e tui kiate ia e ikai te ne ma.