¶ 1 KOIA, e tagata, akoe oku ke fakamāu, e ikai te ke hao koe: he koe mea koia oku ke fakamāu ai ha taha, oku ke fakamāu‘i ai koe; he ko koe oku ke fakamāu, oku ke fai ae gaahi mea behe.

2 Ka oku tau ilo bau oku tāu moe fai totonu ae fakamāu ae Otua kiate kinautolu oku fai ae gaahi mea behe.

3 Bea ko koe, e tagata, oku ke fakamāu‘i akinautolu oku fai ae gaahi mea behe, ka oku ke fai behe be ekoe, oku ke mahalo te ke hao koe mei he fakamāu ae Otua?

4 Be oku ke loto manuki ki he lahi faufau o ene agalelei, moe faa kataki, moe kataki ofa; o ikai te ke ilo koe agalelei ae Otua koe mea ke tataki koe ki he fakatomala?

5 Ka i ho loto fefeka moe taefakatomala, oku ke fokotuu ai maau ae houhau ki he aho oe houhau, moe fakaha oe fakamāu totonu ae Otua;

6 Aia te ne atu ai ki he tagata taki taha o fakatatau ki he ene gaahi gaue:

7 Koe moui taegata kiate kinautolu oku kumi ki he ogoogo lelei, moe hakeaki‘i, moe moui taemate, i he fakakukafi mau ai be i he fai lelei:

8 Ka koe mamahi moe houhau kiate kinautolu oku agatuu, bea ikai talagofua ki he mooni, kae talagofua ki he taemaonioni,

9 Koe tautea moe feiga ki he laumalie oe tagata kotoabe oku fai kovi, o muomua ki he Jiu, bea ki he Jenitaile foki;

10 Ka koe ogoogo lelei, moe hakeaki‘i, moe fiemalie, ki he tagata kotoabe oku fai lelei, o muomua ki he Jiu, bea ki he Jenitaile foki:

11 He oku ikai i he Otua ha filifilimanako ki he tagata.

12 He ko kinautolu kotoabe kuo agahala tae ha fono, e auha foki tae ha fono: bea ko kinautolu kotoabe kuo agahala kuo ai ae fono, e fakamāu aki akinautolu ae fono;

13 (He oku ikai tonuhia i he ao oe Otua ae kau fanogo ki he fono, ka koe kau fai ki he fono e fakatonuhia‘i.

14 Koeuhi i he fai mei ho nau loto e he gaahi Jenitaile, ae gaahi mea i he fono, ka oku ikai iate kinautolu ae fono, bea ko kinautolu ni oku ikai ma‘u ae fono, koe fono akinautolu kiate kinautolu:

15 Akinautolu oku fakaha hono uhiga oe fono kuo tohi togi i ho nau loto, bea fakamooni mo ho nau loto foki, bea oku fakahala‘i be fakatonuhia‘i  akinautolu e he  e nau gaahi fakakaukau;)

16 I he aho e fakamāu ai e he Otua ia Jisu Kalaisi ae gaahi mea fufu i he kakai, o fakatatau ki he eku ogoogolelei.

17 Vakai, oku ui koe koe Jiu, bea oku ke falala ki he fono, bea oku ke vikiviki i he Otua,

18 Bea oku ke ilo hono finagalo, bea oku ke faa ilo‘i moe gaahi mea oku fai kehekehe, he kuo akonekina koe mei he fono;

19 Bea oku ke bole koe tataki koe oe kui, koe māma kiate kinautolu oku i he bouli.

20 Koe fakahinohino oe vale, koe akonaki oe kau valevale, oku ke ma‘u ae jino oe ilo moe mooni i he fono.

21 Koia ko koe oku ke akonaki‘i ae taha kehe, oku ikai te ke akonaki‘i koe? ko koe oku ke malaga ke oua naa kaihaa, oku ke kaihaa ekoe?

22 Ko koe oku ke behe, oua naa tono fefine, oku ke tono fefine ekoe? ko koe oku ke fehia ki he gaahi tamabua, oku ke kaihaa mei he mea tabu  mooni?

23 Ko koe oku ke vikiviki ki he fono, ikai oku ke fakaogokovi‘i ekoe ae Otua i hoo maumau‘i ae fono?

24 He koe mea iate kimoutolu oku lauikovi ae huafa oe Otua i he kakai Jenitaile, o hage koia kuo tohi.

25 He oku aoga mooni ae kamu, o kabau oku ke fai ki he fono: bea kabau oku ke ke maumau‘i ae fono, oku liliu ai hoo kamu koe taekamu.

26 Koia kabau e fai e he taekamu ae aga maonioni oe fono, ikai e lau ai ene taekamu koe kamu?

27 Bea kabau e fai ki he fono e he taekamu aia ko e tau aga be, ikai te ne fakamau‘i koe, akoe oku iate koe ae tohi moe kamu, ka oku ke maumau‘i be ae fono?

28 He oku ikai koe Jiu, aia oku behe itua be; bea oku ikai koe kamu, aia oku itua i he kakano:

29 Ka koe Jiu ia, aia oku behe i loto; bea koe kamu oku oe loto ia, i he laumalie, kae ikai i he tohi; bea oku ikai mei he kakai hono fakamalo, ka mei he Otua.