Vahe 3
1 Oku valoki e Baula ke nau vakai ki he kau ako kākā oe kamu, 4 o ne fakaha kuo iate ia o lahi aubito ae mea ke ne falala ai ki he maonioni oku mei he fono i he mea oku iate kinautolu: 7 ka ne lau ia kotoabe koe mea kovi be moe mea ke liaki, ka ne lava‘i a Kalaisi mo ene maonioni aana, 12 bea ne fakaha oku kei taehaohaoa ia i ai. 15 Oku ne eginaki ke nau loto taha be mo ia, 17 o faifaitaki kiate ia. 18 bea oua naa nau faifaitaki ki he kakai oku lotu kae aga fakakakano.
¶ 1 KO hono fakaoji e hoku kaiga, ke mou fiefia i he Eiki. Ko eku tohi ae gaahi mea be koia kiate kimoutolu, oku ikai jii ko ha fakafiu kiate au, bea oku aoga kiate kimoutolu.
2 Vakai telia ae faga kuli, vakai telia ae kau gaue kovi, vakai telia ae kau tuuji.
3 He koe kamu akitautolu, oku tauhi ki he Otua i he laumalie, mo fiefia ia Kalaisi Jisu, bea oku ikai ke tau falala ki he kakano.
4 Ka teu faa ma‘u nai eau ha fala-laaga i he kakano. Kabau oku mahalo e ha taha oku ai ha mea i he kakano e aoga ene falala ki ai, oku lahi kiate au:
5 Nae kamu au i hono valu oe aho, mei he hako o Isileli, mei he faahiga o Benijimani, koe Hebelu oe kau Hebelu; bea i he mea ae fono koe Falesi;
6 Bea i he fai feiga, neu fakataga ae jiaji; bea i he maonioni oku mei he fono, neu taehala ai.
7 Ka koe gaahi mea koia nae aoga kiate au, naaku lau ia koe mea ke jiaki koeuhi ko Kalaisi.
8 Io, koe mooni, bea oku ou lau ae gaahi mea kotoabe koe mea ke jiaki koeuhi ko hono lelei lahi aubito oe ilo o Kalaisi Jisu ko hoku Eiki: aia kuou kataki ai hono liaki oe gaahi mea kotoabe, bea oku ou lau ia koe kinohaa, kae kehe keu ma‘u a Kalaisi,
9 Bea ke ilo au iate ia, o ikai i he eku fakatonuhia aaku, aia oku mei he fono ka koia oku i he tui kia Kalaisi, koe fakatonuhia aia oku mei he Otua i he tui:
10 Koeuhi keu ilo‘i ia, moe malohi o ene toetuu, beau kau i he ene gaahi mamahi, i he fakatatau au ki he ene bekia;
11 Kabau teu faa lava‘i i he mea kotoabe ae toetuu mei he mate.
12 Kae ikai hage kuou ma‘u, be teu haohaoa eni: ka oku ou tuli atu, koeuhi keu lava‘i aia kuo lava‘i ai au foki e Kalaisi Jisu.
13 E kaiga, oku ikai teu behe kuou lava‘i: ka ko eni be taha, oku ou faka-galo‘i ae gaahi mea ki mui, kau mafao atu ki he gaahi mea ki mu‘a,
14 Oku ou mafao atu ki he fakailoga, koe koloa oe ui maoluga ae Otua ia Kalaisi Jisu.
15 Koia ke loto behe akitautolu kuo haohaoa: bea kabau oku ai ha mea oku mou loto taetatau ai, e fakaha foki eni e he Otua kiate kimoutolu.
16 Ka koia kuo tau lava‘i, ke tau aeva i he mea fua be koia, ke tau tokaga ki he mea koia.
17 E kaiga, ke mou kauga faifaitaki kiate au, bea vakai kiate kinautolu oku aeva o tāu moe mau faifaitakiaga kiate kimoutolu.
18 (He oku aeva ae toko lahi, akinautolu kuo liuga lahi eku lea ai kiate kimoutolu, bea oku ou toe lea ai eni mo tagi, koe kau fili akinautolu ki he akau o Kalaisi:
19 Ko ho nau gataaga koe auha, oku nau otua aki ho nau kete, o vikiviki i he mea fakama, o nau moua ki he mea fakamama.)
20 He oku i he lagi ho tau kolo; aia oku tau amanaki mei ai foki ae Fakamoui, koe Eiki ko Jisu Kalaisi:
21 Aia te ne fakafoou ho tau jino kovi ni, o fakatatau ia ki he jino o hono nāunāu, i he malohi koia aia oku ne mafai ai ke fakamoulaloa‘i ae gaahi mea kotoabe kiate ia.