¶ 1 BEA kuo alu hifo a Jisu mei he mouga, bea muimui iate ia ae kakai toko lahi.

2 Bea iloage, kuo ha‘u ae tagata kilia o hu kiate ia, o behe, Eiki, kabau ko ho finagalo, oku ke faa fakamaa au.

3 Bea mafao atu e Jisu a hono nima, o ala kiate ia, o behe, Ko hoku loto ia; ke ke maa koe. Bea fakamaa leva hono kilia.

4 Bea behe e Jisu kiate ia, Vakai ke oua naa ke tala ia ki ha toko taha; ka ke alu, o fakaha koe ki he taulaeiki, mo atu ae mea ofa nae fekau e Mosese, koe fakamooni kiate kinautolu.

¶ 5 Bea kuo hoko a Jisu ki Kabaneume, nae ha‘u kiate ia ha eiki tau, o kole kiate ia,

6 O ne behe, Eiki, oku tokoto eku tamaioeiki i abi oku mahaki i he mahaki tete, bea mamahi lahi.

7 Bea beheage e Jisu kiate ia, Teu alu atu o fakamoui ia.

8 Bea lea ae eiki tau, o beheage, Eiki, oku ikai tāu mo au ke ke hu ki hoku fale: kae fai be hao lea, bea e moui ai eku tamaioeiki.

9 He koe tagata buleia au, ka oku ai ae kau tau oku ou bule‘i: bea oku ou behe ki ha taha, Alu, bea alu ia; bea ki ha taha, Ha‘u, bea ha‘u ia; bea ki he eku tamaioeiki, Fai eni, bea oku ne fai ia.

10 Bea kuo fanogo a Jisu, bea ofo ia, o ne behe kiate kinautolu nae muimui mai, Oku ou tala mooni atu kiate kimoutolu, naa mo Isileli, oku ikai teu ilo ai ha tui e behe ni hono lahi.

11 Bea oku ou tala atu kiate kimoutolu, E ha‘u ae toko lahi mei he botu hahake moe botu luluga, o nau nonofo mo Ebalahame, mo Aisake, mo Jekobe, i he buleaga oe lagi.

12 Ka koe fanau oe buleaga e kabuji kituaa ki he fakabouli: bea e i ai ae tagi moe fegaiitaki oe nifo.

13 Bea talaage e Jisu ki he eiki tau, Ke ke alu, bea e fai kiate koe, o hage ko hoo tui. Bea nae moui ene tamaioeiki i he feituulaa koia.

¶ 14 Bea kuo hu a Jisu ki he fale o Bita, bea mamata ia ki he fa‘e a hono unoho oku tokoto ia, i he mahaki koe mofi.

15 Bea naa ne ala ki hono nima, bea mahui iate ia ae mofi: bea tuu hake ia, o ne tauhi akinautolu.

¶ 16 Bea kuo efiafi, naa nau omi kiate ia ae toko lahi kuo ulujino ai ae kau tevolo: bea ne kabuji ae kau laumalie aki a  ene lea, o ne fakamoui akinautolu kotoabe nae mahaki:

17 Koeuhi ke fakamooni aia nae lea aki e he balofita ko Isaia, o behe, Ko ia ia ne too e tau gaahi vaivai, o ne fua  e tau gaahi mamahi.

¶ 18 Bea i he mamata a Jisu kuo toko lahi ae kakai oku foliaki iate ia, ne ne fekau ke alu ki he kau vai e taha.

19 Bea nae ha‘u ae tagata tohi e toko taha, o ne behe kiate ia, Eiki, teu muimui iate koe i he botu kotoabe te ke alu ki ai.

20 Bea beneage e Jisu kiate ia, Oku ma‘u e he faga fokisi ae tafu, moe faga manu oe atā ae moheaga; ka oku ikai ma‘u e he Foha oe tagata ha botu ke tokoto ai hono ulu.

21 Bea behe ene akoga e taha kiate ia, Eiki, tuku au keu tomua alu o tanu eku tamai.

22 Ka nae talaage e Jisu kiate ia, Muimui iate au; bea tuku ke tanu e he mate ho nau mate.

¶ 23 Bea kuo heka vaka ia, kae muimui ene kau akoga iate ia.

24 Bea vakai, nae to ae taufa lahi: he tahi, bea fakabulou aki ae vaka ae gaahi beau: ka nae mohe ia.

25 Bea ha‘u ene kau akoga, o fafagu ia, mo nau behe, Eiki, fakamoui akimautolu; kuo tau mate!

26 Bea beheage eia kiate kinautolu, Koeha oku mou manavahe ai, akimoutolu oku jii hoo mou tui? Bea toki tuu hake ia, o lolomi ae matagi moe tahi; bea nae tofuki  leva.

27 Ka nae ofo ai ae kau tagata, o  nau behe, Koe tagata ha eni, koeuhi oku talagofua kiate ia ae matagi moe tahi!

¶ 28 Bea kuo hoko ia ki he kau vai e taha, ki he fonua oe Kekesini, nae fakafetaulaki kiate ia ae toko ua nae ulujino ai ae kau tevolo, ko e na omi mei he gaahi faitoka, kuo lili aubito aubito, koia nae ikai faa alu ai ha taha o ofi ki he hala koia.

29 Bea iloage, kuo na kalaga, o behe, Koeha akimaua kiate koe, e Jisu, koe Alo oe Otua? he kuo ke ha‘u ki heni ke tomua tautea akimaua i he heeki ai hoko ae kuoga?

30 Bea nae i he mamao atu iate kinautolu ae faga buaka lahi nae fafaga.

31 Bea kole ae kau tevolo kiate ia, o behe, Kabau oku ke kabuji akimautolu kitua, tuku ke mau hu ki he faga buaka.

32 Bea talaage eia kiate kinautolu, Alu. Bea kuo nau ha‘u kitua, mo nau hu ki he faga buaka: bea iloage, kuo felele‘i o oho ae faga buaka kotoabe i he botu tahifohifo ki tahi, bea auha ai i he vai.

33 Bea feholaki akinautolu nae tauhi ia, o alu ki he kolo, bea fakaha ae mea kotoabe, mo ia kuo hoko kiate kinaua nae ulujino ai ae kau tevolo.

34 Bea vakai, nae ha‘u kitua ae kolo kotoabe ke nau fakafetaulaki kia Jisu: bea kuo nau mamata ki ai, naa nau kole  kiate ia ke ne alu mei ho nau fonua.