¶ 1 BEA toki lea ai a Jisu ki he kakai, mo ene kau akoga.

2 O beheage, Oku nofo ae kau tagata tohi moe Falesi i he nofoa o Mosese:

3 Koia koe mea kotoabe oku nau fekau ke mou tokaga ki ai, mou tokaga ki ai o fai: kae oua naa mou faifaitaki ki he e nau gaue: he oku nau eginaki, kae ikai fai.

4 He oku nau ha‘iha‘i ae gaahi kavega mamafa, mo fakamamahi ke fua, o hilifaki ia ki ke uma oe kakai; ka oku ikai ala ekinautolu ha nau tuhu ki ai.

5 Ka oku nau fai e nau gaue kotoabe ke mamata ki ai ae kakai: he oku nau fakalaulahi ho nau failaketeli, mo fakalahi ae taba o ho nau kofu,

6 O nau manako ki he nofoa maoluga i he gaahi katoaga, moe nofoaga lahi i he gaahi fale lotu,

7 Moe fetaba i he gaahi faiaga fakatau, bea ke ui akinautolu e he kakai, Labai, Labai.

8 Kae oua naa ui akimoutolu Labai: he oku taha be ho mou Eiki, ko Kalaisi; bea koe kaiga be akimoutolu kotoabe.

9 Bea oua naa ui ha toko taha i mamani ko hoo mou tamai; he oku taha be hoo mou Tamai, aia oku i he lagi.

10 Bea oua naa ui akimoutolu koe takimua; he oku taha be ho mou Takimua, ko Kalaisi.

11 Ka ko ia oku lahi iate kimoutolu, e hoko ia ko ho mou tauhi.

12 Bea ko ia te ne hiki hake ia, e fakavaivai‘i ia; ka ko ia e fakavaivai‘i ia, e hiki hake ia.

¶ 13 Kae malaia akimoutolu, koe kau tagata tohi moe Falesi, koe malualoi! he oku mou tabuni ae buleaga oe lagi ki he kakai: he oku ikai te mou hu  ki ai, be tuku ke hu  ki ai akinautolu oku fai ke hu  ki ai.

14 E malaia akimoutolu, koe kau tagata tohi moe Falesi, koe malualoi! he oku mou faao ae fale oe kau fefine kuo mate ho nau unoho, o fakakākā aki ae lotu fuoloa: koia te mou malaia lahi ai.

15 E malaia akimoutolu, koe kau tagata tohi moe Falesi, koe malualoi; he oku mou foli ae tahi moe fonua, ke fakatafoki ha toko taha, bea ka tafoki ia, oku mou gaohi ia koe tama o heli o kovi lahi hake iate kimoutolu.

16 E malaia akimoutolu, koe kau takimua kui, aia oku lea behe, Koe mea noabe ae fuakava aki ae fale lotu lahi: ka ko ia e fuakava aki ae koula oe fale lotu lahi, e ma‘u ia.

17 Koe kau vale moe kui: he oku lahi aefe, ae koula, be ae fale lotu lahi aia oku ne fakatabu‘i ae koula?

18 Bea, Ko ia e fuakava aki ae ejifeilaulau, koe mea noabe: ka ko ia oku fuakava ki he mea foaki oku tuku ai, e ma‘u be ia.

19 Koe kau vale moe kui: he oku lahi aefe, ae mea foaki, be koe ejifeilaulau oku ne fakatabu‘i ae mea foaki?

20 Bea ko ia oku ne fuakava aki ae ejifeilaulau, oku fuakava ki ai ia, bea moe mea kotoabe oku i ai.

21 Bea ko ia oku fuakava aki ae fale lotu lahi, oku ne fuakava ki ai, bea mo ia oku nofo i ai.

22 Bea ko ia te ne fuakava aki ae lagi, oku fuakava ki he afioaga oe Otua, bea mo ia oku nofo i ai.

23 E malaia akimoutolu, koe kau tagata tohi moe Falesi, koe malualoi! koeuhi oku mou tukuhau i he mini, moe aneto, moe kumino, ka oku mou taetokaga ki he gaahi mea mamafa oe fono, koe fai totonu, moe loto ofa, moe tui: nae totonu hoo mou fai eni, kae oua naa liaki ena.

24 Koe kau takimua kui, oku mou heu‘i ae lago, kae folo ae kameli.

25 E malaia akimoutolu, koe kau tagata tohi moe Falesi, koe malualoi! he oku mou fakamaa ae tua ibu inu moe ibu kai, ka oku fonu i loto i he fakamalohi moe holi kovi.

26 Ae Falesi kui, tomua fakamaa ae loto ibu inu moe ibu kai, koeuhi ke maa ai foki ae tua  ibu.

27 E malaia akimoutolu, koe kau tagata tohi moe Falesi, koe malualoi! he oku mou tatau moe fonualoto kuo vali hinehina, aia oku matamata lelei mooni i tua, ka oku fonu i loto i he gaahi hui oe kakai mate, moe mea fakalielia kotoabe.

28 Oku behe be akimoutolu foki, oku mou ha maonioni i tua ki he kakai, ka oku mou fonu i loto i he malualoi moe agahia.

29 E malaia akimoutolu, koe kau tagata tohi moe Falesi, koe malualoi! he oku mou gaohi ae tanuaga oe kau balofita, o fakasanisani ae fonualoto oe kakai maonioni,

30 O mou behe, Ka ne mau moui i he aho oe mau gaahi tamai, behe, e ikai te mau kau mo kinautolu i he toto oe kau balofita.

31 Koia koe kau fakamooni akimoutolu kiate kimoutolu, koe fānau akimoutolu a nautolu nae tamate‘i ae kau balofita.

32 Koia mou fakafonu ae ibu fuofua a hoo mou gaahi tamai.

33 Ae faga gata, ae fānau ae gata fekai! te mou hao fefe‘i mei he malaia o heli?

¶ 34 Koia, vakai, oku ou fekau atu kiate kimoutolu ae kau balofita, moe kau tagata boto, moe kau tagata tohi: bea ko ho nau niihi te mou tamate‘i o tutuki ki he akau: bea ko ho nau niihi te mou haha i ho mou gaahi fale lotu, o fakataga‘i mei he kolo ki he kolo:

35 Koeuhi e eke iate kimoutolu ae toto maonioni kotoabe kuo liligi i mamani mei he toto o Ebeli maonioni, o hoko ki he toto o Sakalia koe foha o Balakia, aia naa mou tamate‘i i he vahaa oe botu tobutabu moe ejifeilaulau.

36 Ko eku tala mooni atu kiate kimoutolu, E hoko ae gaahi mea ni kotoabe ki he toutagata ni.

37 E Jelusalema, Jelusalema, akoe oku ke tamate‘i ae kau balofita, mo ke tologaki aki ae maka akinautolu oku fekau atu kiate koe, kuo liuga fiha eku fie tanaki fakataha hoo fānau, o hage koe tanaki fakataha e he motua moa ene fānau i hono lalo kabakau, ka nae ikai te mou loto  ki ai!

38 Vakai, kuo jiaki ho mou fale kiate kimoutolu ke lala aubito.

39 He oku ou tala atu kiate kimoutolu, Gata mei heni, e ikai te mou mamata kiate au, kae oua ke mou behe, Oku monuia ia oku ha‘u i he huafa oe Eiki.