¶ 1 BEA hili ae aho e ono, bea vahe‘i e Jisu a Bita, mo Jemesi, mo Jone ko hono tokoua, o ne ave akinautolu be ki ha botu mouga maoluga,

2 Bea nae liliu ia i ho nau ao: bea ulo hono fofoga o hage koe laa, bea hinehina hono kofu o hage koe māma.

3 Bea vakai, kuo ha mai a Mosese mo Ilaija kiate kinautolu, o na feleaaki mo ia.

4 Bea lea ai a Bita, o beheage kia Jisu, Eiki, oku lelei e tau i heni: bea kabau te ke loto  ki ai, tuku ke mau gaohi i heni ha fale e tolu; ke oou ae taha, bea taha o Mosese, bea taha o Ilaija.

5 Bea lolotoga ene lea, iloage, kuo fakamalu aki akinautolu ae ao gigila: bea vakai, koe le‘o mei he ao, nae behe, Ko hoku Alo ofaaga eni aia oku ou fiemalie lahi ai; mou fakaogo kiate ia.

6 Bea i he fanogo ki ai ae kau akoga, naa nau to foohifo ki ho nau mata, o manavahe lahi.

7 Bea ha‘u a Jisu, o ala kiate kinautolu, mo ne behe, Tuu hake, bea oua e manavahe.

8 Bea i he haga hake ho nau mata, nae ikai te nau mamata ki ha taha, ka ko Jisu be.

9 Bea i he e nau alu hifo mei he mouga, nae fekau e Jisu kiate kinautolu, o behe, Oua naa tala ki ha taha aia kuo ha mai, kae oua ke toe tuu ae Foha oe tagata mei he mate.

10 Bea fehui kiate ia ene kau akoga, o behe, Koeha oku behe ai e he kau tagata tohi, E tomua ha‘u a Ilaija?

11 Bea lea a Jisu, o beheage kiate kinautolu, Koe mooni e tomua ha‘u a Ilaija, o fakatonutonu ae mea kotoabe.

12 Ka oku ou tala atu kiate kimoutolu, Kuo hili ae ha‘u a Ilaija, bea nae ikai te nau ilo ia, ka kuo nau fai kiate ia e nau faiteliha. E mamahi behe foki ae Foha oe tagata iate kinautolu.

13 Bea toki ilo ai e he kau akoga, ko ene lea ia kiate kinautolu kia Jone koe Babitaiso.

¶ 14 Bea kuo nau hoko atu ki he kakai, mo ene ha‘u kiate ia ha tagata, o tuulutui kiate ia, o ne behe,

15 Eiki, aloofa ki hoku foha; he oku vale ia, bea mamahi lahi: bea oku faa to ki he afi, bea faa  to ki he vai.

16 Bea naaku omi ia ki hoo kau akoga, ka nae ikai te nau faa fakamoui ia.

17 Bea lea a Jisu, o beheage, Ae toutagata taetui mo agakovi, e fefe hono fuoloa o eku iate kimoutolu? e fefe hono fuoloa o eku kataki‘i akimoutolu? omi ia ki heni kiate au.

18 Bea nae valoki e Jisu ae tevolo; bea alu kitua ia iate ia: bea nae moui ae tamajii talu mei he feituulaa koia.

19 Bea toki ha‘u fakafufu be ae kau akoga kia Jisu, o behe, Koeha nae ikai ai te mau faa kabuji ia?

20 Bea talaage e Jisu kiate kinautolu, Koe mea i hoo mou taetui: he oku ou tala mooni atu kiate kimoutolu, Kabau e ai hoo mou tui o hage koe foi tega‘i musita, te mou behe ki he mouga ni, Hiki i heni ki he botu na; bea e hiki ia: bea e ikai ha mea e taha e tae faa fai ekimoutolu.

21 Ka oku ikai alu kitua ae faahiga koia, ka i he lotu moe aukai.

¶ 22 Bea i he e nau kei i Kaleli, nae behe e Jisu kiate kinautolu, E lavaki‘i ae Foha oe tagata ki he nima ae kau tagata:

23 Bea te nau tamate‘i ia, bea i hono aho tolu e toe fokotuu ia. Bea nae mamahi lahi ai akinautolu.

¶ 24 Bea i he e nau hoko ki Kaba-neumi, nae ha‘u kia Bita ae kau tanaki tukuhau, o behe, Oku ikai tukuhau a ho mou Eiki?

25 Bea behe eia, Io. Bea kuo ha‘u ia ki he fale, bea taofi ia e Jisu, o behe, Saimone, koeha ho loto? oku ma‘u e he gaahi tu‘i o mama ni ae totogi be ae tukuhau ia hai? i he e nau fānau, be mei he kakai kehe?

26 Bea talaage e Bita kiate ia, I he kakai kehe. Bea behe e Jisu kiate ia, Bea ta oku ataatā ae fānau.

27 Ka koeni telia naa tau fakaita kiate kinautolu, alu koe ki tahi, o taumatau, o too ae ika oku fuofua kai; bea i hoo faai hono gutu, te ke ilo  i ai ae baaga: ke ke too ia, o atu kiate kinautolu koeuhi ko kitaua.