¶ 1 BEA kuo fakaoji e Jisu ene akonaki ki he ene kau akoga e toko hogofulu ma toko ua, nae alu ia mei ai ke akonaki mo malaga i ho nau gaahi kolo.

2 Bea kuo fanogo a Jone i he fale fakabobula ki he gaahi gaue a Kalaisi, bea fekau atu eia ene akoga e toko ua,

3 O na behe kiate ia, Ko koe ia nae behe e ha‘u, be te tau amanaki ki ha taha?

4 Bea beheage e Jisu kiate kinaua, Mo o, o fakaha kia Jone ae gaahi mea oku mo fanogo, mo mamata ki ai:

5 Oku a ae kui, oku eveeva ae bibiki, oku maa ae kilia, bea ogo ae tuli, bea fokotuu ae mate, bea oku malaga aki ae ogoogolelei ki he kakai majiva.

6 Bea oku monuia ia, aia oku ikai tūkia iate au.

¶ 7 Bea kuo na o, bea lea a Jisu ki he kakai ia Jone, Naa mou alu ki he toafa ke mamata ki he ha? ha vaa kaho oku lūlū‘i e he matagi?

8 Ka naa mou alu atu ke mamata ki he ha? ha tagata oku kofu aki ae kofu molu? Vakai, ko kinautolu oku kofu molu oku nau i he fale oe gaahi tu‘i.

9 Ka naa mou alu atu ke mamata ki he ha? ha balofita? io, bea oku ou tala atu kiate kimoutolu, oku lahi hake ia i he balofita.

10 He ko eni ia kuo tohi ki ai, Vakai, oku ou fekau atu eku talafekau ke muomua iate koe, aia te ne teuteu ho hala i ho ao.

11 Ko eku tala mooni atu kiate kimoutolu, Oku ikai tubu ha toko taha lahi hake ia Jone koe Babitaiso iate kinautolu kuo fanau‘i e he fefine: ka ko ia oku jii taha be i he buleaga oe lagi oku lahi ia iate ia.

12 Bea talu mei he gaahi aho o Jone koe Babitaiso o a‘u ki he aho ni, oku fai malohi ki he buleaga oe lagi, bea oku lava‘i fakamalohi ia e he kau malohi.

13 He nae akonaki ae kau balofita kotoabe moe fono o hoko mo Jone.

14 Bea kabau oku mou faa ma‘u ia, ko Ilaija eni, aia nae behe e ha‘u.

15 Ko ia oku ai ae teliga ke ogo, ke ogo‘i ia.

¶ 16 Ka teu fakatatau ae toutagata ni ki he ha? Oku tatau ia moe tamaiki oku nofo i he botu fakatau, oku nau ui ki ho nau niihi,

17 O behe, Naa mau ifi fagufagu kiate kimoutolu, bea ikai te mou mee; naa mau  hiva fakatagi kiate kimoutolu, kae ikai te mou tagi.

18 He nae ikai ha‘u a Jone o kai mo inu, bea nau behe, Oku iate ia ha tevolo.

19 Ka kuo ha‘u ae Foha oe tagata o kai mo inu, bea nau behe, Vakai, koe tagata faa kai, mo faa inu uaine, koe kaiga oe kau tanaki tukuhau moe agahala. Ka oku fakatonuhia ae boto e he ene fānau.

¶ 20 Bea toki kamata valoki eia ki he gaahi kolo nae fai lahi ai ene gaahi gaue mana, koeuhi ko e nau tae fakatomala:

21 E malaia akoe, Kolesini! e malaia akoe, Beteseta! he ka ne fai i Taia mo Saitone ae gaahi gaue lahi, aia kuo fai iate kimoutolu, behe, kuo loa e nau fakatomala i he tauagaa moe efuefu.

22 Ka oku ou tala atu kiate kimoutolu, e katakigofua a Taia mo Saitone i he aho fakamāu iate kimoutolu.

23 Bea ko koe Kabaneume, akoe kuo hiki ki he lagi, e fakahifo koe ki heli: he ka ne fai i Sotoma ae gaahi gaue lahi, aia kuo fai iate koe, behe, kuo tuu mau ia o a‘u ki he aho ni.

24 Ka oku ou tala atu kiate kimoutolu, E katakigofua ae fonua ko Sotoma i he aho fakamāu iate koe.

¶ 25 Bea lea a Jisu i he aho koia, o behe, Oku ou fakafetai kiate koe, e Tamai, koe Eiki oe lagi mo mamani, i hoo fufu ae gaahi mea ni mei he kau boto moe fieiloilo, ka kuo ke fakaha ia ki he kau valevale.

26 Ke behe, e Tamai: he oku lelei ia i ho ao ke behe.

27 Kuo tuku ae mea kotoabe kiate au e he eku Tamai: bea oku ikai ilo ae Alo e ha taha, ka koe Tamai be; bea oku ikai ilo ae Tamai e ha taha, ka koe Alo be, mo ia e fakaha ia ki ai e he Alo.

¶ 28 Ha‘u kiate au akimoutolu kotoabe oku feiga mo māfajia, bea teu foaki ae fiemalie kiate kimoutolu.

29 Too eku haamoga kiate kimoutolu, bea mou ako iate au; he oku ou agavaivai mo agamalu: bea te mou ilo ai ae fiemalie ki ho mou laumalie.

30 He oku faigofua be eku haamoga, bea oku maamaa eku kavega.