¶ 1 BEA fua lea ia kiate kinautolu, i he gaahi fakatātā, o behe, Nae to e he tagata ae goue vaine, bea ne takatakai aki  ia ae a, o ne keli ae botu tataoaga uaine, bea laga ae fale leo, o ne tuku ia ki he kau tagata tauhi goue, kae alu ia ki he fonua mamao.

2 Bea hoko hono toukai, naa ne fekau ae tamaioeiki ki he kau tauhi goue, koeuhi ke ne ma’u mei he kau tauhi goue ae fua oe goue vaine.

3 Bea naa nau buke ia, o haha, o fekau ke alu tae haane mea.

4 Bea toe fekau eia kiate kinautolu ae tamaioeiki e taha; bea naa nau tologaki aki ia ae maka, bea foa hone ulu, bea fekau ke alu kuo lahi e nau fai kovi kiate ia.

5 Bea toe fekau eia ae toko taha kehe, bea nau tamate’i ia; bea moe toko lahi; kae haha ae niihi, bea tamate’i ae niihi.

6 Bea kuo kei toe kiate ia a hono foha be taha, aia ko hono ofaaga, bea ne fekau fakamui foki ia kiate kinautolu, o ne behe, Te nau fakaabaaba ki hoku foha.

7 Ka nae febeheaki ae kau tauhi goue koia, Ko eni ae foha hoko; ha’u, ke tau tamate’i ia, bea e otautolu ae tofia.

8 Bea naa nau buke, o tamate’i ia, bea li  ia kituaa goue vaine.

9 Koeha e fai ai e he eiki oe goue vaine? E ha’u ia, o fakaauha ae kau tauhi goue, bea e tuku ae goue vaine ki ha kakai kehe.

10 Bea nae ikai te mou lau ae tohi ni; Koe maka nae liaki e he kau tufuga, kuo hoko ia koe fugani oe tuliki:

11 Koe gaue a Jihova eni, bea koe mea fakaofo i ho tau ao?

12 Bea naa nau fai ke nau buke ia, ka naa nau manavahe ki he kakai: ka naa nau ilo ko ene lea aki ae fakatātā kiate kinautolu: bea nau tuku ia, ka nau alu.

¶ 13 Bea naa nau fekau kiate ia ae niihi i he kau Falesi moe kau Helotiane, ke nau femioekina ia, i he  ene lea.

14 Bea kuo nau ha’u, bea nau behe kiate ia, Eiki oku mau ilo oku ke mooni koe, bea oku ikai te ke tokaga ki ha tagata; he oku ikai te ke filifilimanako ki he tagata, ka oku ke akonaki aki ae hala oe Otua i he mooni: Oku gofua ke atu ae tukuhau kia Sisa, be ikai?

15 E lelei e mau atu, be ikai? Ka nae ilo eia e nau malualoi, mo ne behe kiate kinautolu, Koeha oku mou ahi-ahi’i ai au? Omi ha tenali keu mamata ai.

16 Bea nau omi  ia. Bea ne behe kiate kinautolu, Koe fofoga moe tohi eni a hai? Bea nau behe kiate ia, A Sisa.

17 Bea lea a Jisu, o beheage kiate kinautolu, Age kia Sisa ae gaahi mea a Sisa, bea  age ki he Otua ae gaahi mea ae Otua. Bea naa nau ofo iate ia.

¶ 18 Bea toki ha’u ae kau Satusi kiate ia, akinautolu oku behe oku ikai ha toetuu; bea nau fehui kiate ia, o behe,

19 Eiki, nae tohi e Mosese kiate kimautolu,  o behe, Kabau e bekia ae tokoua o ha tagata, bea oku ai  hono unoho, kae ikai haane fānau, e ma’u e hono tokoua a hono unoho, o fakatubu ae hako ki hono tokoua.

20 Nae ai ae kaiga e toku fitu: bea ma’u e he uluaki ae unoho, bea bekia ia oku ikai hano hako.

21 Bea ma’u ia e hono toko ua, bea bekia ia, kae ikai hano hako; bea mo hono toko tolu foki,

22 Bea ma’u ia e he toko fitu, kae ikai ha hako: bea mate fakamui foki ae fefine.

23 Koia, i he toetuu, oka nau ka tuu hake, e hoko ia koe unoho ohai iate kinautolu? he nae ma’u ia e he toko fitu ko  ho nau unoho.

24 Bea lea a Jisu, o beheage kiate kinautolu, Ikai koia oku mou he ai, koeuhi ko hoo mou taeilo ki he tohi, moe malohi ae Otua?

25 Koeuhi, oka nau ka tuu hake mei he bekia, oku ikai te nau mali, be foaki ke mali; ka oku nau tatau moe kau agelo i he lagi.

26 Bea koeuhi koe toetuu ae bekia, nae ikai te mou lau i he tohi a Mosese, ki he folofola ae Otua kiate ia i he ulu‐akau, o behe, Ko au koe Otua o Ebalahame, bea koe Otua o Aisake, bea koe Otua o Jekobe?

27 Oku ikai koe Otua ia oe mate, ka koe Otua oe moui: koia oku mou he lahi ai.

¶ 28 Bea koe tagata tohi e toko taha, naa ne fanogo ki he e nau fetauaki, bea ne ilo kuo tali lelei eia akinautolu, bea ha’u ia o fehui kiate ia, Koe fekau fe oku lahi i he  fono kotoabe?

29 Bea beheage e Jisu kiate ia, Koe lahi  eni i he gaahi fekau kotoabe, Fanogo, e Isileli; Ko Jihova ko ho tau Otua ko Jihova oku taha be:

30 Bea ke ofa kia Jihova ko ho Otua aki ho loto kotoa, bea mo ho laumalie kotoa, mo ho atamai kotoa, mo ho malohi kotoa. Koe lahi eni i he fekau.

31 Bea ko hono ua oku tatau  mo ia, Ke ke ofa ki ho kaugaabi o hage be ko koe. Oku ikai ha fekau e lahi hake ki he ogo  fekau ni.

32 Bea behe e he tagata tohi kiate ia, Koe mooni, Eiki, kuo ke lea totonu: he oku ai ae Otua be taha; bea oku ikai mo ha taha:

33 Bea koe ofa kiate ia aki ae loto kotoa, moe atamai kotoa, moe laumalie kotoa, bea moe malohi kotoa, bea koe ofa ki hono kaugaabi o hage be koia, oku lahi hake ia i he gaahi feilaulau tutu kotoa moe gaahi hifo kotoabe.

34 Bea kuo ilo e Jisu oku ne lea fakabotoboto mai, bea ne behe kiate ia, Oku ikai te ke mamao moe buleaga oe Otua. Bea hili ia, nae ikai ha tagata e faa fehui kiate ia.

¶ 35 Bea lea a Jisu, o ne behe i he ene kei akonaki i he fale lotu lahi, Koeha oku behe ai ae kau tagata tohi, Ko Kalaisi koe foha o Tevita?

36 He nae lea foki e Tevita, i he Laumalie Maonioni, Nae behe e Jihova ki hoku Eiki, Nofo koe ki hoku nima toomatau, kae oua keu gaohi hoo gaahi fili ko ho tuugava’e.

37 Koia, oku ui ia e Tevita, Eiki; bea ko hono foha fefe ia? Bea fanogo fiefia kiate ia ae kakai lāuvale.

¶ 38 Bea behe eia kiate kinautolu, i he ene akonaki, Vakai telia ae kau tagata tohi, oku nau manako ke alu i he kofu totolofa, moe fetaba i he gaahi faiaga fakatau,

39 Moe nofoaga lelei i he gaahi fale lotu, moe botu maoluga i he gaahi katoaga;

40 Akinautolu oku nau faao ae gaahi fale oe kau fefine kuo mate ho nau unoho, mo fakakākā aki ae gaahi lotu fuoloa: e ma’u ekinautolu ni ae malaia lahi.

¶ 41 Bea nofo a Jisu o hagatonu ki he  fale tukuaga koloa, o ne vakai ki he li e he kakai  e nau baaga ki he tukuaga koloa: bea koe toko lahi nae koloaia ne nau li  ki ai ae mea lahi.

42 Bea ha’u ae fefine majiva kuo mate hono unoho, o ne li  ki ai ae kihi’i baaga e ua, aia oku tatau moe kotani e taha.

43 Bea ne ui ene kau akoga, mo ne behe kiate kinautolu, Koe mooni oku ou tala atu kiate kimoutolu, Koe fefine baea ni, kuo ne li  ki ai ae mea lahi hake iate kinautolu fulibe, kuo nau li ki he tukuaga koloa:

44 He naa nau li kotoabe  ki ai mei he e nau koloa lahi; ka ko ia, i he ene majiva, kuo ne li  ki ai aia kotoabe ne ne ma’u, io, a ene moui kotoabe.