Ngaahi Folofolá
Luke 19


Vahe 19

1 Ko Sakiasi koe tanaki tukuhau. 11 Koe fakatātā oe baaga e hogofulu. 28 Oku alu a Jisu ki Jelusalema kuo heka i he asi. 41 Oku ne tagi ai: 45 oku ne kabuji ae kau fefakatauaki i he fale lotu lahi: 47 oku ne malaga ai, bea fie tamate‘i ia e he kau matābule, ka kuo nau manavahe ki he kakai.

1 BEA nae fonoga atu  a Jisu i Jeliko, o alu ai.

2 Bea vakai, koe tagata ko Sakiasi hono higoa, koe matābule ia i he kau tanaki tukuhau, bea nae koloaia ia.

3 Nae holi ia ke mamata be koe tagata oku fefe a Jisu; ka nae ikai mafai ia koeuhi koe kakai, he koe bukubuku ia.

4 Bea nae lele muomua ia, o kaka i he akau koe sukamino, ke mamata kiate ia: koeuhi e aluage ai ia.

5 Bea kuo hoko a Jisu ki he botu, naa ne jio hake, o mamata kiate ia, bea ne behe ki ai, Sakiasi, alu hifo ke vave, he teu nofo i ho fale i he aho ni.

6 Bea fakavave ia, o alu hifo, o ne tali ia i he fiefia.

7 Bea kuo nau mamata ki ai, bea nau lāuga kotoabe, o behe, Kuo alu ia ke nofo moe tagata agahala.

8 Bea tuu hake a Sakiasi, o ne behe ki he Eiki; Eiki, vakai, oku ou foaki hono vaeua o eku koloa ki he majiva; bea kabau neu ma‘u ha mea i he lohiaki‘i ha taha, oku ou totogi o liuga fa  kiate ia.

9 Bea behe e Jisu kiate ia, Kuo hoko i he aho ni ae fakamoui ki he fale ni, koeuhi koe foha foki ia o Ebalahame.

10 He kuo ha‘u ae Foha oe tagata ke kumi mo fakamoui aia kuo mole.

11 Bea i he e nau fanogo ki he gaahi mea ni, naa ne toe lea aki eia ae fakatātā, koeuhi kuo ofi ia ki Jelusalema, bea  koe mea i he e nau mahalo e hoko leva ae buleaga, oe Otua.

12 Koia ne ne behe ai, Nae alu ae eiki e toko taha ki he fonua mamao, ke ma‘u moona ae buleaga, bea toki liliu mai.

13 Bea ne ui ae toko hogofulu o ene kau tamaioeiki, o ne tuku kiate kinautolu ae mina e hogofulu, mo ne behe kiate kinautolu, Gaue aki  eni kae oua keu ha‘u.

14 Ka nae fehia a hono kakai kiate ia, o nau kouna ae talafekau ke alu, mo behe, E ikai te mau ma‘u ae tagata ni ke bule‘i akimautolu.

15 Bea behe, i he ene liu mai, kuo ne ma‘u ae buleaga, bea toki fekau eia ke ui mai ae kau tamaioeiki koia, aia naa ne tuku ki ai ae baaga, koeuhi ke ne ilo be koeha kuo ma‘u e he tagata taki taha i he ene fakatau.

16 Bea ha‘u ae uluaki, o ne behe, Eiki, kuo ma‘u aki a hoo mina ae mina e hogofulu.

17 Bea ne behe kiate ia, Malo, koe tamaioeiki lelei koe; koe mea i hoo agatonu i he mea jii, ma‘u ekoe ae bule ki he kolo e hogofulu.

18 Bea ha‘u hono toko ua, o ne behe, Eiki, kuo ma‘u aki a hoo mina ae mina e nima.

19 Bea ne behe foki kiate ia, Ke ke bule‘i foki ae kolo e nima.

20 Bea ha‘u ae toko taha, o ne behe, Eiki, vakai, ko hoo mina, aia kuou tauhi, o kofu aki ia ae holoholo.

21 He naaku manavahe kiate koe, koeuhi koe tagata faigataa koe: oku ke too hake aia nae ikai te ke tuku hifo, mo tuuji aia nae ikai te ke tutui.

22 Bea behe eia kiate ia, Mei ho gutu oou teu fakamāu koe, ae tamaioeiki agakovi. Naa ke ilo koe tagata faigataa au, oku ou too hake aia nae ikai teu tuku hifo, mo tuuji aia nae ikai teu tutui:

23 Koeha ia nae ikai ai te ke tuku eku baaga ki he tukuaga koloa, koeuhi i he eku ha‘u teu ma‘u ia mo hono tubu?

24 Bea ne behe kiate kinautolu nae tutuu i ai, Too iate ia ae mina, o atu kiate ia oku hogofulu ene mina.

25 (Bea nau behe kiate ia, Eiki, oku hogofulu ene mina.)

26 He oku ou behe kiate kimoutolu, Ko ia fulibe oku ne ma‘u, e foaki kiate ia; bea ko ia oku ikai te ne ma‘u, e too meiate ia aia oku ne ma‘u.

27 Ka ko kinautolu ni ko hoku gaahi fili, nae ikai te nau lelei keu bule‘i akinautolu, omi ki heni, bea tamate‘i i hoku ao.

28 Bea kuo hili ene lea behe, bea muomua ia, o fonoga atu ki Jelusalema.

29 Bea behe, i he ene ha‘u o ofi ki Betefeji mo Betani, ki he mouga oku ui ko Olive, ne ne fekau ene ogo akoga e toko ua.

30 O behe, Mo o ki he botu kakai oku hagatonu mai; bea i hoo mo hu ki ai te mo ilo ae uhiki‘i asi kuo nootaki, oku teeki heka ai ha tagata: vete ia, o taki mai.

31 Bea kabau e eke e ha taha kiate kimoua, Koeha oku mo vete ai  ia? te mo behe kiate ia, Koeuhi oku aoga ia ki he Eiki.

32 Bea naa na o akinaua nae fekau, o na ilo o hage koia ne ne fakaha kiate kinaua.

33 Bea i he e na vete ae uhiki‘i asi, nae behe ekinautolu oku anautolu ia kiate kinaua, Koeha oku mo vete ai ae uhiki‘i asi?

34 Bea na behe, Oku aoga ia ki he Eiki.

35 Bea naa na taki ia kia Jisu: bea na ai ho na kofu ki he uhiki‘i asi, o na fakaheka ki ai a Jisu.

36 Bea i he e nau o, naa nau folahi ho nau gaahi kofu i he hala.

37 Bea kuo ha‘u ia o ofi, i he tahifohifo oe mouga ko Olive, bea kamata fiefia mo fakamalo ae kau akoga kotoabe ki he Otua aki ae le‘o lahi, koeuhi koe gaahi gaue lahi kotoabe kuo nau mamata ki ai;

38 O behe, Oku monuia ae Tu‘i oku haele mai i he huafa o Jihova: ke fiemalie i he lagi, bea fakamalo fugani lahi i oluga.

39 Bea koe Falesi niihi i he kakai naa nau behe kiate ia, Eiki, lolomi hoo kau akoga.

40 Bea lea ia, o beheage kiate kinautolu, Oku ou tala atu kiate kimoutolu, Kabau e fakalogo be akinautolu ni, e kalaga leva ae gaahi maka.

41 Bea kuo ha‘u ia o ofi, bea vakai ia ki he kolo, bea tagi ai,

42 O behe, Taumaia naa ke ilo, io, ekoe, i ho aho ko eni, ae gaahi mea oku kau ki hoo fiemalie! ka ko eni kuo fufu ia mei ho mata.

43 Koeuhi e hoko ae gaahi aho kiate koe, e tanu buke ai a ho gaahi fili, o takatakai koe, mo kabui koe, bea tabuni koe mei he botu kotoabe.

44 Bea e holoki hifo koe o a‘u ki he kelekele, mo hoo fānau iate koe; bea e ikai te nau tuku iate koe ha maka  kuo fokotuu ki ha maka; koeuhi nae ikai te ke ilo ae kuoga o ho aahiaga.

45 Bea nae hu ia ki he fale lotu lahi, o ne kamata kabuji kitua akinautolu nae fefakatauaki ai;

46 O ne behe kiate kinautolu, Kuo tohi, Ko hoku fale koe fale lotu: ka kuo mou gaohi ia koe ana oe kau kaihaa.

47 Bea nae ako ia i he fale lotu lahi i he aho kotoabe. Ka nae holi ke tamate‘i ia e he kau taulaeiki lahi moe kau tagata tohi moe kau matābule oe kakai.

48 Ka nae ikai te nau ilo be koeha te nau fai: he kuo tokaga lahi ae kakai kotoabe ke nau fanogo kiate ia.