¶ 1 NAE i ai ae niihi i he kuoga koia, naa nau fakaha kiate ia ae kau Kaleli, akinautolu nae hui aki e Bailato ho nau toto ae nau gaahi feilaulau.

2 Bea folofola a Jisu, o beheage kiate kinautolu, Oku mou mahalo nae agahala lahi ae kau Kaleli koia i he kakai Kaleli kotoabe, koeuhi nae hoko ae mea behe kiate kinautolu?

3 Oku ou tala kiate kimoutolu, Oku ikai: bea kabau e ikai te mou fakatomala, te mou malaia kotoabe foki.

4 Be koe toko hogofulu ma toko valu koia, nae taomia i he holo ae fale leo o Seiloame, bea mate ai akinautolu, oku mou mahalo koe kau agahala lahi taha be akinautolu i he kakai fulibe nae nofo i Jelusalema?

5 Oku ou tala kiate kimoutolu, Oku ikai: bea kabau e ikai te mou fakatomala, te mou malaia kotoabe foki.

¶ 6 Bea naa ne lea aki foki ae fakatātā ni; Nae to i he goue vaine ae tagata e toko taha ae akau koe fiki; bea ha‘u ia o kumi fua mei ai, ka nae ikai ilo  ia.

7 Bea toki behe eia ki he tauhi goue vaine, Vakai, koe ta‘u e tolu kuou ha‘u o kumi fua i he akau koe fiki ni, kae ikai ilo  ia: ta hifo ia; koeha oku ne fakataeaoga ai ae kelekele?

8 Bea lea ia, o beheage kiate ia, Eiki, tuku ai be ia i he ta‘u ni foki, kae oua keu keli takai, mo taufetuku  ki ai.

9 Hei ilo e toki fua ia, bea kabau e ikai, bea ke toki ta hifo ia.

¶ 10 Bea nae ako ia i he fale lotu e taha i he aho sabate.

11 Bea vakai, nae i ai ha fefine nae iate ia ae laumalie fakamahaki i he ta‘u e hogofulu ma valu, bea nae mabelu ia ki lalo, bea nae ikai aubito ke faa tuu hake ia.

12 Bea i he mamata ki ai a Jisu, naa ne ui  ia, mo ne behe kiate ia, Fefine, kuo veteki koe mei hoo mahaki.

13 Bea ne hilifaki hono nima kiate ia; bea nae toki tuu totonu leva ia, mo fakamalo ki he Otua.

14 Bea lea itaage ae bule oe fale lotu, koeuhi nae fakamoui e Jisu i he aho sabate, o ne behe ki he kakai, Oku ono ae aho oku totonu ke gaue ai ae kakai: koia mou ha‘u ai ke mou moui, kae oua i he aho sabate.

15 Bea folofolaage ae Eiki, o beheage kiate ia, Koe malualoi koe! ikai oku mou taki taha vete ene bulu, be ko ene asi, mei hono tuuga, o tataki  ia ke fakainu, i he aho sabate?

16 Bea e ikai lelei ke vete i he aho sabate, mei he ha‘i ni, ae fefine ni, koe ofefine o Ebalahame aia kuo ha‘ijia e Setani, i he ta‘u e hogofulu na valu ui?

17 Bea i he ene lea aki ae gaahi mea ni, nae ma hono gaahi fili kotoabe; kae fiefia ae kakai kotoabe, koeuhi koe gaahi mea ogoogolelei kotoabe kuo ne fai.

¶ 18 Bea behe eia, Oku tatau moe ha ae buleaga oe Otua? bea teu fakatatau ia ki he ha?

19 Oku tatau ia moe foi tega‘i musita, nae too e ha tagata, o li ki he ene goue, bea tubu ia, o hoko koe akau lahi; bea nofo ai ae faga manu oe atā i hono gaahi vaa.

20 Bea toe behe eia, Teu fakatatau ae buleaga oe Otua ki he ha?

21 Oku tatau ia moe mea fakatubu, nae too e ha fefine, o fufu i he fua mahoaa e tolu, ke oua ke fakatubu aki kotoabe ia.

¶ 22 Bea nae alu ia i he gaahi kolo moe botu kakai, o ako, mo fonoga atu ki Jelusalema.

23 Bea toki behe e he toko taha kiate ia, Eiki, koe toko jii  be te nau moui? Bea behe eia kiate kinautolu,

24 Fai feiga ke hu i he mataba fajii: he oku ou tala kiate kimoutolu, E kumi e he toko lahi ke hu ki ai, kae ikai te nau mafai.

25 Bea ka tuu hake ae eiki oe fale, o tabuni ae mataba, bea te mou tutuu leva i he mataba itua, o tukituki, mo behe  ai, Eiki, Eiki, too kiate kimautolu; bea e lea ia, o behe mai kiate kimoutolu, Oku ikai teu ilo be ko hoo mou ha‘u meife:

26 Bea te mou lea leva,  o behe, Naa mau kai mo inu i ho ao, bea naa ke akonaki i ho mau gaahi hala.

27 Ka e behe eia, Oku ou tala atu kiate kimoutolu, Oku ikai teu ilo be ko hoo mou ha‘u meife; alu iate au akimoutolu kotoabe oku fai agahala.

28 E ai ae tagi moe fegaiitaki oe nifo, oka mou ka mamata kia Ebalahame, mo Aisake, mo Jekobe, moe kau balofita kotoabe, i he buleaga oe Otua, ka kuo kabuji akimoutolu kituaa.

29 Bea te nau ha‘u mei he botu ha-hake mo hihifo, mei he tokelau moe toga, mo nau nofo hifo i he buleaga oe Otua.

30 Bea vakai, oku ai ae kimui te nau muomua; bea oku ai ae kimua te nau muimui.

¶ 31 Bea nae ha‘u i he aho koia ae niihi oe kau Falesi, o nau behe kiate ia, Alu koe, bea ke mole i heni: he oku loto a Helota ke tamate‘i koe.

32 Bea behe eia kiate kinautolu, Mou, o, o tala ki he fokisi koia, Vakai, koe aho ni moe abogibogi oku ou kabuji ai ae kau tevolo, mo fai ae fakamoui, bea i hono  aho tolu teu haohaoa.

33 Ka koe mooni teu eveeva i he aho ni, moe abogibogi, moe  aho oku hoko  mo ia: koeuhi e ikai tamate‘i ha balofita ka i Jelusalema be.

34 E Jelusalema, Jelusalema, akoe oku ke tamate‘i ae kau balofita, mo ke lijigi aki ae maka akinautolu kuo fekau kiate koe, kuo tuo fiha eku fie tanaki fakataha hoo fānau, o hage  koe tanaki e he motua moa hono uhiki i hono lalo kabakau, ka nae ikai te mou loto  ki ai.

35 Vakai, kuo jiaki ho mou fale kiate kimoutolu ke lala: bea ko eku tala mooni kiate kimoutolu, E ikai te mou mamata kiate au, kae oua ke mou behe, Oku monuia ia oku ha‘u i he huafa oe Eiki.