¶ 1 BEA i he aluage  a Jisu, ne mamata ia ki ha tagata nae fanau‘i koe kui.

2 Bea fehui ene kau akoga kiate ia, o behe, Labai, kohai nae fai agahala, ae tagata ni, be ko ene mātua, nae fanau‘i kui ai ia?

3 Bea talaage e Jisu, Nae ikai fai agahala ae tagata ni, be ko ene mātua: ka koe mea ke fakaha iate ia ae gaahi gaue ae Otua.

4 Oku totonu keu fai ae gaahi gaue o ia naa ne fekau au, lolotoga ene kei aho: oku ha‘u ae bo, oku ikai faa gaue ai ha toko taha.

5 I he eku kei i mamani, koe māma au o mamani.

6 Hili ene lea behe, nae aanu ia ki he kelekele, o ne gaohi aki ae aanu ae umea, o ne bani aki ae umea ae mata oe tagata kui,

7 O ne behe kiate ia, Alu, o kaukau i he ano vai ko Seiloami, (aia ko hono uhiga, Koe fekau.) Koia nae alu ai ia, o kaukau, bea ha‘u kuo a.

¶ 8 Koia koe kaugaabi, bea mo kinautolu nae mamata mu‘a kiate ia i he ene kui, naa nau behe, Ikai ko eni ia nae nofo o kole?

9 Bea tala e he niihi, Ko eni ia: bea  lea ae niihi, Oku hage ko ia: ka nae behe eia, Ko au ia.

10 Koia naa nau behe kiate ia, Nae fakaa fefe‘i ho mata?

11 Bea talaage eia, o behe, Koe tagata oku ui ko Jisu naa ne gaohi ae umea, o ne bani hoku mata, bea ne behe kiate au. Alu ki he ano vai ko Seiloami, o kaukau: bea naaku alu, o kaukau, beau a ai.

12 Bea nau behe ai kiate ia, Kofaa ia? Bea behe eia, Oku ikai teu iloa.

¶ 13 Naa nau omi ki he kau Falesi aia nae kui.

14 Bea koe aho sabate aia nae gaohi ai e Jisu ae umea, o ne fakaa hono mata.

15 Bea fehui foki ae kau Falesi kiate ia, be nae fefe hono fakaa. Bea behe eia kiate kinautolu, Nae ai eia ae umea ki hoku mata, beau kaukau, bea oku ou a.

16 Koia nae behe ai e he niihi oe kau Falesi, Oku ikai mei he Otua ae tagata ni, koeuhi oku ikai te ne tokaga ki he aho sabate. Bea behe e he niihi, E faa fai fefe‘i ae gaahi mana behe e ha agahala? Bea naa nau fakakikihi ai.

17 Bea naa nau toe fehui ki he tagata kui, Koeha hoo lau kiate ia, i he ene fakaa ho mata? Bea behe eia, Koe balofita ia.

18 Ka nae ikai tui ae kakai Jiu nae kui ia, bea kuo a, kae oua ke nau ui ae mātua o ia kuo fakaa.

19 Bea nau fehui kiate kinaua, o behe, Ko hoo mo tama eni, oku mo lau nae fanau‘i kui? bea oku a fefe eni?

20 Bea leaage ene mātua kiate kinautolu, o behe, Oku ma ilo ko‘e ma tama eni, bea nae fanau‘i oku kui:

21 Ka koe mea koia oku a ai ni ia, oku ikai te ma ilo; bea oku ikai te ma ilo be kohai kuo fakaa hono mata; ka oku lahi ia: fehui ki ai: ke lea ia kiate ia.

22 Nae behe ae lea a ene mātua, he naa na manavahe ki he kakai Jiu: he kuo alea bau ae kakai Jiu, kabau e ai ha toko taha te ne fakaha koe Kalaisi ia, e kabuji ia mei he fale lotu.

23 Koia nae behe ai e he ene mātua, Oku lahi ia; fehui ki ai.

24 Bea naa nau toe ui ae tagata nae kui, o nau behe kiate ia, Tuku ki he Otua ae fakamalo: oku mau ilo koe agahala ae tagata ni.

25 Bea leaage eia, o behe, Ko ha agahala ia be ikai, oku ikai teu ilo: koe mea e taha oko ou ilo, naaku kui, ka ko eni oku ou a.

26 Bea toe fehui ai akinautolu kiate ia, Koeha naa ne fai kiate koe? nae fefe‘i ene fakaa ho mata?

27 Bea leaage ia kiate kinautolu, Kuo oji eku tala kiate kimoutolu, bea oku ikai te mou ogo‘i: koeha oku mou toe fie fanogo ai? te mou ului ko ene kau akoga foki?

28 Bea nau taukaea ia, o behe, Ko ene akoga akoe; ka koe kau akoga a Mosese akimautolu.

29 Oku mau ilo nae folofola ae Otua kia Mosese: ka koe tagata ni, oku ikai te mau ilo be oku meife ia.

30 Bea leaage ae tagata, o behe kiate kinautolu, Ta koe mea fakamanavahe eni, koeuhi oku ikai te mou ilo be oku ha‘u ia meife, ka kuo ne fakaa hoku mata.

31 Oku tau ilo oku ikai ogo‘i e he Otua ae kau agahala: ka oka lotu ha tagata ki he Otua, bea fai hono finagalo, oku ne ogo‘i ia.

32 Talu mei he kamataaga o mamani oku teeki fanogo nae ai ha tagata kuo fakaa ae mata o ha toko taha kuo fanau‘i kui.

33 Ka ne ikai i he Otua ae tagata ni, e ikai faa fai eia ha mea.

34 Bea leaage akinautolu, o behe kiate ia, Naa ke tubu tofu be i he gaahi agahala, bea oku ke ako‘i akimautolu? Bea nau nau kabuji ia kitua.

35 Bea ogo‘i e Jisu kuo nau kabuji ia kitua: bea ne toki ilo ia, o ne behe kiate ia, Oku ke tui ki he Alo oe Otua?

36 Bea leaage ia, o behe, Eiki, kohai ia, koeuhi keu tui kiate ia?

37 Bea tala e Jisu kiate ia, Kuo ke mamata kiate ia, bea ko ia ia oku talanoa kiate koe.

38 Bea behe eia, Eiki, oku ou tui. Bea naa ne hu kiate ia.

¶ 39 Bea lea a Jisu, Koe mea i he fakamāu kuou ha‘u ki mamani, koeuhi ko kinautolu oku ikai mamata ke nau mamata; bea ke kui akinautolu oku mamata.

40 Bea fanogo ki he gaahi lea ni ae niihi oe Falesi nae iate ia, o nau behe ki ai, Oku kui akimautolu foki?

41 Bea behe e Jisu kiate kinautolu, Ka ne kui akimoutolu, behe, e ikai haa mou agahala: ka ko eni oku mou behe, Oku mau a; koia oku mau be hoo mou agahala.