Ngaahi Folofolá
Jone 15


Vahe 15

Oku fakaha ae fiemalie moe feofaaki a Kalaisi i he fakatātā ki he vaine mo hono gaahi kubu. 18 Koe malie i he fehia moe fakataga a mamani 26 Koe gaue ae Laumalie Maonioni, bea moe kau abosetolo.

1 KO au koe vaine mooni, bea ko eku Tamai koe tauhi goue ia.

2 Koe vaa kotoabe iate au oku ikai fua, oku ne tutuu ia: bea koia kotoabe oku fua, oku ne auhani ia, ke ajili ai hono fua.

3 Kuo mou maa eni, i he lea kuou lea aki kiate kimoutolu.

4 Nofo iate au, mo au iate kimoutolu. Hage oku ikai faa fua ae vaa iate ia be, o kabau e ikai nofo i he vaine; bea e behe foki akimoutolu, o kabau e ikai te mou nofo iate au.

5 Ko au koe vaine, koe gaahi vaa akimoutolu: ko ia oku nofo iate au, mo au iate ia, ko ia ia e fua lahi: ka mavae mo au, e ikai te mou faa fai ha mea.

6 Kabau e ikai nofo ha tagata iate au, oku liaki ia o hage koe vaa oku mate; bea tanaki ia e he kakai, o li ki he afi, bea vela ai ia.

7 Kabau oku mou nofo iate au, bea nofo eku gaahi lea iate kimoutolu, te mou kole aia te mou loto ki ai, bea e fai ia kiate kimoutolu.

8 I he mea ni e ogoogo lelei ai a eku Tamai, koeuhi ke mou fua lahi; koia te mou hoko ai ko eku kau akoga.

9 Hage koe ofa ae Tamai kiate au, kuo behe eku ofa kiate kimoutolu: mou nofo mau i he eku ofa.

10 Kabau oku mou fai eku gaahi fekau, te mou nofo i he eku ofa; o hage ko eku fai ae gaahi fekau a eku Tamai, beau nofo i he ene ofa.

11 Kuou lea aki ae gaahi mea ni kiate kimoutolu, koeuhi keu ma‘u mau ai be ae fiefia iate kimoutolu, bea ke kakato ai hoo mou fiefia.

12 Ko eku fekau eni, Ke mou feofaaki kiate kimoutolu, o hage ko eku ofa kiate kimoutolu.

13 Oku ikai ha tagata e lahi hake ene ofa i he mea ni, ke ne foaki ene moui koeuhi ko hono kaiga.

14 Ko hoku kaiga akimoutolu, o kabau oku mou fai kotoabe aia oku ou fekau kiate kimoutolu.

15 Oku gata mei heni, oku ikai teu ui akimoutolu koe kau tamaioeiki; he oku ikai ilo e he tamaioeiki aia oku fai e hono eiki: ka kuou ui akimoutolu koe kaiga; he koe mea kotoabe kuou fanogo mei he eku Tamai, kuou fakailo ia kiate kimoutolu.

16 Nae ikai te mou fili au, ka kuou fili akimoutolu, o tuutuuni akimoutolu, ke mou alu atu, o ma‘u ae fua, bea ke tologa ho mou fua: koeuhi koia kotoabe te mou kole ki he Tamai i hoku huafa, ke ne foaki kiate kimoutolu.

17 Koe mea ni oku ou fekau kiate kimoutolu, ke mou feofaaki kiate kimoutolu.

18 Kabau oku fehia a mamani kiate kimoutolu, oku mou ilo nae tomua fehia ia kiate au iate kimoutolu.

19 Ka ne o mamani akimoutolu, e ofa a mamani ki he mea aana: ka koeuhi oku ikai o mamani akimoutolu, ka kuou fili akimoutolu mei mamani, koia oku fehia ai a mamani kiate kimoutolu.

20 Manatu ki he lea naaku lea aki kiate kimoutolu, Oku ikai lahi ae tamaioeiki ki he ene eiki. Kabau kuo nau fakataga‘i au, te nau fakataga‘i akimoutolu foki; kabau kuo nau fai eku lea, te nau fai ae  lea a moutolu foki.

21 Ka te nau fai eni kotoabe kiate kimoutolu koeuhi ko hoku huafa, koeuhi oku ikai te nau ilo aia naa ne fekau‘i au.

22 Ka ne ikai teu ha‘u, o lea kiate kinautolu,  behe, kuo ikai haa nau agahala: ka ko eni, oku ikai hano kofu ki he e nau agahala.

23 Ko ia oku fehia kiate au, oku fehia ki he eku Tamai foki.

24 Ka ne ikai teu fai ae gaahi gaue iate kinautolu nae ikai fai e ha toko taha,  behe, kuo ikai haa nau agahala: ka ko eni, kuo nau mamata mo fehia kiate au mo eku Tamai.

25 Ka oku nau fakamooni ae lea kuo tohi i he e nau fono, Naa nau fehia noabe kiate au.

26 Ka oka ha‘u ae Fakafiemalie, aia teu fekau kiate kimoutolu mei he Tamai, koe Laumalie oe mooni, oku alu atu mei he Tamai, te ne fakamooni‘i au:

27 Bea e fakamooni mo kimoutolu foki, koeuhi naa mou iate au talu mei he kamataaga.