¶ 1 AE kau Kaletia vale, kohai kuo ne fakamatavalea akimoutolu, koeuhi ke oua naa mou talagofua ki he mooni, akimoutolu nae fakaha tautonu i ho mou ao a Jisu Kalaisi mo hono tutuki ki he akau?

2 Koe mea ni be oku ou fie ilo iate kimoutolu, Naa mou ma‘u ae Laumalie i he gaahi gaue oe fono, be i he fanogo i he tui?

3 Oku behe koa hoo mou vale? kuo mou kamata i he Laumalie, bea kuo fakahaohaoa eni akimoutolu e he kakano?

4 Kuo mou kataki taeaoga ae gaahi mea lahi? o kabau oku kei taeaoga.

5 Ko ia ia kuo ne foaki kiate kimoutolu ae Laumalie, o ne fai ae gaahi mea mana kiate kimoutolu,  oku ne fai ia i he gaahi gaue oe fono, be i he fanogo i he tui?

6 O hage koe tui a Ebalahame, ki he Otua, bea nae lau ia kiate ia koe maonioni.

7 Koia ke mou ilo ko kinautolu oku i he tui, koe fānau akinautolu a Ebalahame.

8 Bea i he tomua ilo e he tohi, e fakatonuhia e he Otua ae Jenitaile i he tui, nae malaga aki ae ogoogolelei i mu‘a kia Ebalahame,  o ne behe, E monuia iate koe ae gaahi buleaga kotoabe.

9 Koia ko kinautolu oku i he tui, oku tabuekina fakataha mo Ebalahame agatonu.

10 He ko kinautolu kotoabe oku i he gaahi gaue oe fono, oku moulaloa i he malaia: he kuo tohi, Oku malaia kotoabe oku ikai tuu mau ai be i he gaahi mea kotoabe kuo tohi i he tohi oe fono ke fai ia.

11 Ka oku ha mahino mai, oku ikai ha taha e fakatonuhia e he fono i he ao oe Otua: koeuhi, E moui ae tonuhia i he tui.

12 Bea oku ikai mei he tui ae fono: ka, Ko ia ia oku ne fai ia e moui ai.

13 Nae huhui akitautolu e Kalaisi mei he malaia oe fono, ko ene hoko koe malaia koeuhi ko kitautolu: he kuo tohi, Oku malaia kotoabe oku tautau ki he akau:

14 Koeuhi ke hoko ae tabuaki a Ebalahame ki he kakai Jenitaile foki ia Jisu Kalaisi; bea ke ma‘u ekitautolu ae talaofa ki he Laumalie i he tui.

15 E kaiga, oku ou lea o tāu be moe tagata; Kabau koe fefuakavaaki ae tagata be, ka kuo mau ia, e ikai ha taha e fakataeaoga ia, be fakalahi ki ai.

16 Ko eni, nae fai ae gaahi talaofa kia Ebalahame mo hono hako. Oku ikai behe eia, Bea ki he gaahi hako, o hage koe mea i he toko lahi; kae hage koe mea i he toko taha be, Bea ki ho hako, bea ko Kalaisi ia.

17 Bea ko eku lea eni, koe fuakava ia Kalaisi, nae fakamooni ki ai i mu‘a e he Otua, oku ikai faa fai e he fono ke fakaikai‘i ia, koeuhi ke ne fakataeaoga‘i ae talaofa, he nae ki mui ia i he ta‘u e fageau ma tolugofulu.

18 He kabau oku mei he fono ae tofia, oku ikai ai i he talaofa: ka nae foaki ia e he Otua kia Ebalahame i he talaofa.

19 Bea ta koe umaa ae fono? Nae fakalahi aki ia koe mea i he agahala, kae oua ke hoko mai ae hako nae fai ki ai ae talaofa; bea nae tauhi ia e he kau agelo ki he nima oe fakalaloa.

20 Ko eni, oku ikai ai ha fakalaloa koeuhi koe toko taha be, ka oku taha be ae Otua.

21 Bea ka koia, bea oku kau kehe ae fono moe gaahi talaofa ae Otua? Ikai aubito: he ka ne fokotuu ha fono e faa foaki ae moui, behe e hoko mooni ae fakatonuhia i he fono koia

22 Ka oku fakaha e he tohi kuo moulaloa kotoabe ki he agahala, koeuhi ae foaki ai ae talaofa i he tui kia Jisu Kalaisi kiate kinautolu oku tui.

23 Ka i he heeki hoko mai ae tui, nae moua akitautolu o moulaloa i he fono, o moua ki he tui aia e toki fakaha amui.

24 Bea koia ko ho tau takiaki‘i ae fono kia Kalaisi, koeuhi ke fakatonuhia akitautolu e he tui.

25 Kae hili ae hoko mai oe tui, oku ikai te tau kei moulaloa ki ha takiaki.

26 He koe fānau ae Otua akimoutolu kotoabe i he tui kia Kalaisi Jisu.

27 He ko kimoutolu kotoabe kuo babitaiso kia Kalaisi, kuo mou ai a Kalaisi.

28 Bea oku ikai ai ha Jiu be Kiliki, oku ikai ha bobula be ha tauataina, oku ikai ha tagata be ha fefine: ka oku mou taha be kotoabe ia Kalaisi Jisu.

29 Bea kabau oku a Kalaisi akimoutolu, bea ta koe hako o Ebalahame akimoutolu, bea koe fānau hoko o fakatatau moe talaofa.