¶ 1 KOLA ke faifaitaki akimoutolu ki he Otua, o tāu moe fānau ofeina;

2 Bea aeva i he ofa, o hage koe ofeina akitautolu e Kalaisi, o ne foaki ia koeuhi ko kitautolu koe hifo moe feilaulau ki he Otua koe mea namu kakala.

3 Ka koe feauaki, moe uli kotoabe, moe manumanu, ke oua naa lea tuo taha ki ai iate kimoutolu, o hage koia oku tāu moe kaiga maonioni;

4 Bea koe fakalielia, moe talanoa launoa, moe fie gutuhua, aia oku ikai lelei: kae lelei lahi ae fakafetai.

5 He oku mou ilo eni, oku ikai ha feauaki, be ha taha uli, be ha tagata manumanu, aia koe tauhi tamabua, te ne ma‘u ha tofia i he buleaga o Kalaisi moe Otua.

6 Oua naa kākā‘i akimoutolu e ha toko taha aki ae gaahi lea launoa: he koeuhi koe gaahi mea ni oku hoko ai ae houhau oe Otua ki he fānau talagataa.

7 Koia ke oua naa mou kau fakataha mo kinautolu.

8 He naa mou fakabouli i mu‘a, ka kuo mou māmagia eni i he Eiki: mou aeva o tāu moe fānau oe māma:

9 (He koe fua oe Laumalie oku i he gaahi agalelei kotoabe moe maonioni moe mooni:)

10 O ilo ai aia oku lelei ki he Eiki.

11 Bea oua naa mou kau i he gaahi gaue taefua oe fakabouli, ka mou valokii mu‘a ia.

12 He koe mea fakama ke lea ki he gaahi mea oku fai ekinautolu i he fufu.

13 Ka koe gaahi mea kotoabe kuo ha kuo fakaha ia e he māma: he koia kotoabe oku fakaha, koe māma ia.

14 Koia oku behe eia, A akoe oku mohe, bea tuu hake mei he mate, bea e foaki e Kalaisi ae māma kiate koe.

15 Koia mou vakai ke mou aeva fakaehiehi, ikai hage koe kau vale, kae hage koe boto,

16 O gaue aki ae kuoga ke lelei, koeuhi oku kovi ae gaahi aho.

17 Koia ke oua naa mou taeboto, ka mou ilo be koeha ae finagalo oe Eiki.

18 Bea oua naa kona i he uaine, aia oku tubu ai ae fakalielia; ka ke fonu akimoutolu i he Laumalie;

19 O fealeleaaki akimoutolu i he gaahi same, moe himi, moe hiva fakalaumalie, o hiva ke ai ae malie i ho mou loto ki he Eiki;

20 O atu ae fakafetai mau ai be i he gaahi mea kotoabe ki he Otua koe Tamai i he huafa o ho tau Eiki ko Jisu Kalaisi;

21 O fefakavaivaiaki akimoutolu kiate kimoutolu i he manavahe ki he Otua.

22 Ae kau fefine, mou fakavaivai akimoutolu ki ho mou unoho o moutolu, o hage ki he Eiki.

23 He koe ulu oe fefine ae unoho, io, o hage koe ulu a Kalaisi ki he jiaji: bea koe fakamoui ia oe jino.

24 Koia o hage oku aganofo ae jiaji kia Kalaisi, ke behe ae kau fefine ki ho nau unoho o nautolu i he mea kotoabe.

25 Ae kau tagata, mou ofa ki ho mou unoho, o hage koe ofa a Kalaisi ki he jiaji, o ne foaki ia koeuhi koia;

26 Koeuhi ke ne fakatabu‘i mo fakamaa ia i he fufulu oe vai i he folofola,

27 Koeuhi ke ne atu ia kiate ia koe jiaji kuo teuga lahi, bea ikai hano ila, be ha feufeu, be ha mea behe e taha; ka koeuhi ke maonioni bea tae hano mele.

28 Oku totonu ke ofa ae kau tagata ki ho nau unoho o hage ko ho nau jino o nautolu. Ko ia oku ofa ki hono unoho, oku ofa ia kiate ia.

29 He oku teeki ha tagata e fehia ki hono jino oona; ka oku fafaga o fakamoui ia, o hage koe Eiki ki he jiaji:

30 He koe gaahi kubu akitautolu o hono jino, o hono kakano, mo hono hui.

31 Koe mea ni e tukuage ai e he tagata a ene tamai mo ene fa‘e, bea hoko ia ki hono unoho, bea e kakano taha be akinaua.

32 Koe mea fakalilolilo lahi eni: ka oku kau eku lea kia Kalaisi moe jiaji.

33 Ka mou taki taha ofa ae tagata ki hono unoho o hage be ko ia; bea ke fakaabaaba ae fefine foki ki hono unoho.