¶ 1 BEA hili ae aho e nima, nae alu hifo a Ananaia koe taulaeiki lahi moe kau mātua, moe toko taha lea boto ko Tetulo, bea ne talatalaaki‘i a Baula ki he tu‘i.

2 Bea kuo ui ia ke tuu mai, nae kamata talatalaaki‘i ia e Tetulo, o behe,

3 Eiki ko Filike, koe mea iate koe oku mau ma‘u ai ae melino lahi, bea moe gaahi mea lelei oku fai ki he buleaga ni, i hoo bule boto mau ai be, bea i he botu kotoabe, bea oku mau ma‘u ia i he fakafetai lahi.

4 Ka koeuhi ke oua naaku kei fakafiu‘i koe, oku ou kole kiate koe ke ke fanogo i hoo agalelei ki he e mau lea jii.

5 He kuo mau ilo‘i ae tagata ni koe jiana bauu, koe fakatubu maveuveu i he kakai Jiu kotoabe o mamani, bea koe takimu‘a ia i he faahiga oe kau Nasaline:

6 Bea kuo ne fai ke bauuji‘i moe fale lotu lahi foki: bea naa mau buke ia. o fai ke mau fakamāu‘i ia, o fakatatau ki he e mau fono.

7 Ka nae ha‘u ae bule tau ko Lisia, o ne fakamalohi ia mei ho mau nima,

8 O ne fekau ke ha‘u kiate koe hono kau tukuaki‘i: koeuhi i hoo fakamāu‘i ia, te ke ilo‘i ai ae mea ni kotoabe, oku mau talatalaaki‘i ai ia.

9 Bea fakamooni foki e he kakai Jiu, o nau behe, koe mooni ae gaahi mea ni.

10 Bea kuo taalo atu ae tu‘i kia Baula, ke ne lea mai, bea ne behe, Koe mea i he eku ilo kuo lahi ae ta‘u kuo ke fakamāu ai ae kakai ni, koia oku ou fai fiefia ai a eku fakamatala:

11 Koeuhi oku ke faa ilo, kuo aho hogofolu ma ua be talu eku alu hake ki Jelusalema ke lotu.

12 Bea nae ikai te nau ilo au oku ou fakakikihi mo ha taha i he fale lotu lahi, be veuveuki ae kakai, i he gaahi fale lotu, be i he kolo.

13 Bea oku ikai te nau faa fakamooni ae gaahi mea oku nau tukuaki‘i ai au.

14 Ka oku ou fakaha ae mea ni kiate koe, hage koe gaue koia oku nau ui koe faahiga lotu he, oku behe eku hu ki he Otua o eku gaahi tamai, bea tui ai ki he mea kotoabe oku tohi i he fono moe kau balofita:

15 Bea oku ou ma‘u ae amanaki lelei ki he Otua, aia oku ma‘u foki ekinautolu, e ai ha toetuu oe bekia, ae agatonu moe taeagatonu.

16 Bea ko eni ia oku ou gaue ai eau, keu ma‘u mau ai be ae loto taehalaia ki he Otua, bea moe kakai.

17 Ka i he hili ae gaahi ta‘u lahi, naaku ha‘u ke omi ae mea foaki ki hoku kakai, moe gaahi feilaulau.

18 Bea nae ilo ai au e he Jiu niihi mei Esia, oku ou fakamaa i he fale lotu lahi, ka nae ikai moe toko lahi, be i he maveuveu.

19 Bea nae totonu e nau i heni i ho ao, ke fakaha, o kabau oku nau ma‘u ha mea kiate au.

20 Bea ko kinautolu ni ke nau lea, o kabau kuo nau ilo haaku fai kovi, i he eku tuu i he ao oe kau fakamāu.

21 Ka koeuhi nai koe kubu‘i lea ni be taha, naaku kalaga aki i he eku tuu iate kinautolu,  o behe, Koeuhi koe toetuu oe mate oku mou fakamāu ai au he aho ni.

22 Bea kuo fanogo a Filike ki he gaahi mea ni, o ne ilo lahi ai ki he hala ni, ne ne tukuage akinautolu, mo ne behe, Oka ha‘u ae eiki tau ko Lisia, teu ilo bau hono uhiga o hoo mou mea.

23 Bea fekau eia ki ha eiki tau ke ne tauhi a Baula, bea tuku ke eveeva, bea oua naa taofi hono kaiga i he ha‘u mo tauhi kiate ia.

24 Bea hili ae gaahi aho niihi, nae ha‘u a Filike mo hono unoho ko Telusila, koe fefine Jiu ia, bea ne fekau ke ha‘u a Baula, kae fanogo ia ki he lotu a Kalaisi.

25 Bea i he ene malaga aki ae fai totonu, moe tae holi kovi, moe fakamāu e hoko mai, nae tetetete a Filike, mo ne behe, Alu koe he aho ni; bea ka ai haku aho e tuumalie, teu fekau atu ke ke ha‘u.

26 Bea naa ne amanaki foki e tuku e Baula ha baaga kiate ia, ke ne tukuage ai ia: koia naa ne fekau ai o liuga lahi, ke ha‘u ia ke na alea.

27 Ka i he hili ae ta‘u e ua, nae ha‘u a Bosio Fesito koe totogi o Filike: bea i he loto a Filike ke fakafiemalie ki he kakai Jiu, naa ne tuku ha‘ijia be a Baula.