Ngaahi Folofolá
Ⅱ. Kolinito 13


Vahe 13

1 Oku ne tala tautea, i he ene mafai fakaabosetolo ki he agahala taefakatomala. 5 Bea ne akonaki ke nau eke ki he e nau tui, 7 bea ke nau fakatomala i he heeki hoko atu ia, 11 oku ne fakaoji ene tohi aki ae akonaki moe hufia.

1 KO hono liuga tolu eni o eku alu atu kiate kimoutolu. I he gutu oe fakamooni e toko ua be toko tolu e fakamooni ae lea kotoabe.

2 Kuo oji eku tala beau jinaki tala kiate kimoutolu, o hage kuou i ai, ko hono liuga ua; bea i he eku mamao ni, oku ou tohi atu kiate kinautolu nae fai agahala i mu‘a, bea mo hono toe kotoabe, kabau teu toe alu atu, e ikai teu fakajiijii:

3 Koeuhi oku mou kumi ae fakamooni ki he lea a Kalaisi iate au, aia oku ikai vaivai kiate kimoutolu, ka oku malohi iate kimoutolu.

4 He ne ogo nae tutuki ia ki he akau koe mea i he vaivai, ka oku moui ia i he malohi oe Otua. He oku mau vaivai foki mo ia, ka te mau moui mo ia i he malohi oe Otua kiate kimoutolu.

5 Eke kiate kimoutolu, be oku mou i he tui; ahiahi‘i akimoutolu. Ikai oku mou ilo, oku nofoia akimoutolu e Jisu Kalaisi, o kabau kuo ikai ahiahi‘i me jiaki akimoutolu?

6 Ka oku amujiage e au te mou ilo oku ikai koe kau jiaki akimautolu.

7 Ko eni, oku mau kole ki he Otua, ke oua naa mou fai ha kovi; o ikai be ke fakaogolelei ai akimautolu, ka koeuhi ke fai ekimoutolu aia oku agatonu, ne ogo oku mau hage ha kau kākā.

8 He oku ikai te mau faa fai ha mea ke agatuu ki he mooni, ka ke kau taha moe mooni.

9 He oku mau fiefia, oka mau ka vaivai, kae malohi akimoutolu: bea koe mea foki oku mau fakaamu ki ai, ko hoo mou fakahaohaoa.

10 Koia oku ou tohi ai ae gaahi mea ni i he eku mamao, telia naa i he eku i ai teu fai fakamamahi, o fakatatau moe malohi kuo foaki e he Eiki kiate au ke laga aki hake, ka ikai ki he fakaauha.

11 Ko hono gata, e kaiga, jiotoofa atu. Ke mou haohaoa, ke mou fiemalie, mou loto taha be, mou moui melino; bea koe Otua oe ofa moe melino e iate kimoutolu ia.

12 Ke mou fetoutou fekita aki ae fekita maonioni.

13 Oku ofa atu ae kaiga maonioni kotoabe kiate kimoutolu.

14 Koe aloofa ae Eiki ko Jisu Kalaisi, moe ofa ae Otua, moe feohi oe Laumalie Maonioni, ke iate kimoutolu kotoabe. Emeni.