Vahe 4
1 Oku eginaki e Baula ke nau fakaaau ki mu‘u i he aga faka‐Otua kotoabe, 6 he moui maonioni mo fai totonu, 9 ke nau feofaaki, 11 bea taki taha gaue mo fakalogobe: 13 bea ne eginaki fakamui ke nau mamahi lelei be koeuhi koe kaiga kuo bekia. 15 Bea ne ai ki he ako ki mui ae fakamatala jii oe toetuu, mo hono ua oe haele mai a Kalaisi ki he fakamāu.
¶ 1 BEA i he mea oku toe, e kaiga, oku mau kole mo eginaki kiate kimoutolu, i he Eiki ko Jisu, koeuhi i hoo mou ilo iate kimautolu ke fefe a hoo mou aeva ke fakafiemalie ki he Otua, ke mou tubulekina ai o lahi aubito.
2 He oku mou ilo ae gaahi fekau naa mau tuku kiate kimoutolu mei he Eiki ko Jisu.
3 He koe finagalo eni oe Otua, ke mou maonioni, bea ke mou tabu mei he feauaki:
4 Ke mou taki taha ilo ke tauhi hono ibu i he aga fakamaonioni, moe faka-abaaba;
5 Ikai i he holi fakalielia, o hage koe gaahi Jenitaile, oku ikai ke nau ilo ae Otua:
6 Ke oua naa fai hala e ha toko taha, o kākā‘i hono tokoua i ha mea: koeuhi e totogi e he Eiki ki he kakai behe kotoabe, o hage koia naa mau tomua fakaha mo fakababau kiate kimoutolu.
7 He nae ikai ui akitautolu e he Otua ki he fakalielia, ka ki he maonioni.
8 Ko ia ia oku manuki, oku ikai koe manuki‘i ae tagata, ka koe Otua, aia naa ne foaki kiate kitautolu hono Laumalie Maonioni foki.
9 Ka koe mea i he ofa fakakaiga, oku ikai aoga ae tohi ai kiate kimoutolu: he kuo mou akonekina mei he Otua ke feofaaki kiate kimoutolu.
10 Bea koe mooni oku mou fai ia ki he kaiga kotoabe oku i Masitonia kotoabe: ka oku mau kole kiate kimoutolu, e kaiga, ke mou tubulekina lahi aubito ai;
11 Bea tokaga lahi ke mou aga fakalogobe, bea ke mou fai taki taha hoo mou gaue, bea ke gaue aki ho mou nima, o hage koia naa mau fekau kiate kimoutolu;
12 Bea ke mou aeva o matamata lelei kiate kinautolu oku ituaa, bea ke oua naa mou majiva i ha mea.
13 Ka oku ikai ko hoku loto ke mou taeilo, e kaiga, koeuhi ko kinautolu oku mohe, ke oua naa mou mamahiia, o hage koe niihi kehe oku ikai haa nau amanaki lelei.
14 He kabau oku tau tui nae bekia a Jisu bea toe tuu hake, bea oku behe, ko kinautolu foki oku mohe ia Jisu, e omi akinautolu fakataha mo ia e he Otua.
15 He oku mau tala eni kiate kimoutolu i he folofola ae Eiki, ko kitautolu oku moui bea toe i he hoko mai ae Eiki, e ikai te tau muomua iate kinautolu oku mohe.
16 Koeuhi e alu hifo ae Eiki mei he lagi, i he mavava, moe le‘o oe agelo lahi, moe mea lea ae Otua: bea koe bekia ia Kalaisi e tomua tuu:
17 Bea ko kitautolu oku moui mo toe, e to‘o hake fakataha mo kinautolu i he gaahi ao, ke fakafetaulaki ki he Eiki i he atā: bea behe, te tau i he Eiki o taegata.
18 Koia mou fetoutou fefakafiemalieaki akimoutolu i he gaahi lea ni.