Vahe 4
1 Koeha ae mahalo moe lea oku tāu ki he kau faifekau. 7 Oku ikai ha mea iate kitautolu nae ikai te tau ma‘u mei he Eiki. 9 Koe jiofiaaga ae kau abosetolo ki mamani, moe kau agelo, moe kakai, 13 koe uli moe mea liaki o mamani akinautolu: 15 ka ko e tau gaahi tamai ia Kalaisi, 16 bea totonu e tau faifaitaki ki ai.
¶ 1 KOIA ke behe ae lau e he tagata kiate kimautolu, o tāu moe kau tamaioeiki a Kalaisi, moe kau tauhi oe gaahi mea fakalilolilo ae Otua.
2 Ko eni foki, oku amanaki ki he kau tauhi, ke nau fai totonu.
3 Ka koe mea jii aubito kiate au ke fakamāu au ekimoutolu, be koe fakamāu ae tagata: io, oku ikai teu fakamāu au eau.
4 He oku ikai teu ilo ha mea iate au be; ka oku ikai teu tonuhia ai: ka ko ia oku ne fakamāu au, koe Eiki ia.
5 Koia oua naa fakamāu ha mea i he teeki hoko hono kuoga, bea oua ke hoko mai ae Eiki, aia te ne omi ki he māma ae gaahi mea fufu oe bouli, bea te ne fakaha ae gaahi filioi oe loto: bea e toki ma‘u ai o taki taha kotoabe ae fakamalo mei he Otua.
6 Bea koe mea ni, e kaiga, kuou fakahoko fakatātā kiate au mo Abolosi koeuhi ko kimoutolu; koeuhi ke mou ilo iate kimaua ke oua naa lahi hoo mou lau i he mea kuo tohi, ke oua naa ai ha mou toko taha e fielahi i he filifilimanako ki ha taha kae kovi ki ha taha.
7 He kohai oku ne fakakehe‘i koe? bea koeha oku aau, nae ikai te ke ma‘u? bea kabau naa ke ma‘u ia, koeha oku ke vikiviki ai o hage nae ikai te ke ma‘u ia?
8 Bea koeni, oku mou makona, kuo mou mohu mea, kuo mou bule, o hage koe gaahi tu‘i, bea taekau akimautolu: bea oku amujiaage eau oku mou bule, koeuhi ke tau bule mo kimoutolu foki.
9 He oku ou ilo eau kuo tuku e he Otua akimautolu ae kau abosetolo ki mui, o hage koe tuku bau ki he mate, he kuo gaohi akimautolu koe jiofiaaga o mamani, moe kau agelo, moe kakai.
10 Koe kau vale akimautolu koeuhi ko Kalaisi, ka oku boto akimoutolu ia Kalaisi; oku mau vaivai, ka oku malohi akimoutolu; oku abajia akimoutolu, ka oku manukia akimautolu.
11 Io, o a‘u ki he feituulaa ni oku mau fiekaia, mo fieinu, oku mau telefua, bea jibi‘i, bea oku ikai ha mau nofoaga mau:
12 O gaue, bea fai aki ho mau nima o mautolu: kuo manukia, ka mau tabuaki; kuo fakataga‘i, ka mau kataki ia:
13 Kuo lauikovi, ka oku mau kole; kuo hoko akimautolu o hage koe uli oe fonua, bea moe efe oe mea kotoabe o a‘u ki he aho ni.
14 Oku ikai teu tohi ae gaahi mea ni ke fakama akimoutolu, ka ko eku valoki ki he eku fānau oku ou ofa ai.
15 He ne ogo oku toko mano hoo mou akonaki ia Kalaisi, oku ikai toko lahi ae tamai: he ko au neu fakatubu akimoutolu ia Kalaisi Jisu i he ogoogolelei.
16 Koia oku ou kole ai kiate kimoutolu, ke mou faifaitaki kiate au.
17 Koe mea koia kuou fekau atu ai kiate kimoutolu a Timote, aia ko hoku foha ofa, moe agatonu i he Eiki, bea te ne fakamanatu kiate kimoutolu hoku gaahi aluaga aia oku ia Kalaisi, o hage koia oku ou ako aki i he botu kotoabe moe jiaji kotoabe.
18 Ka kuo fielahi ae niihi, o hage e ikai teu alu atu kiate kimoutolu.
19 Ka teu alu vave atu kiate kimoutolu, o kabau koe finagalo ia oe Eiki, bea teu eke, kae ikai ki he lea be a nautolu oku fakafuofua lahi, ka ko e nau malohi.
20 He koe buleaga oe Otua oku ikai i be lea be, ka oku i he malohi.
21 Koeha ho mou loto? teu alu atu kiate kimoutolu moe mea ta, be i he ofa, be i he loto agavaivai?