Ngaahi Folofolá
Ⅰ. Kolinito 15


Vahe 15

2 I he toetuu a Kalaisi, 12 oku ne fakamooni ae totonu oe tau toetuu, koeuhi koe kakai nae taetui ki he toetuu oe jino. 21 Hono fua, 35 mo hono aga, 51 mo hono liliu oe jino, mo kinautolu e kei moui i he aho fakamui.

1 BEA koeni, e kaiga, oku ou fakaha kiate kimoutolu ae ogoogolelei, aia naaku malaga aki kiate kimoutolu, aia foki kuo mou ma‘u, bea oku mou tuu ai;

2 Aia kuo fakamoui ai akimoutolu, o kabau oku mou manatu‘i aia neu malaga aki kiate kimoutolu, o kabau nae ikai te mou tui noabe.

3 He koe uluaki oe mea naaku aau atu kiate kimoutolu, aia naaku ma‘u foki, Koe bekia a Kalaisi i he e tau gaahi agahala, o fakatatau ki he gaahi tohi;

4 Bea nae fai ia, bea nae toetuu hake ia i hono tolu oe aho, o fakatatau ki he gaahi tohi:

5 Bea nae mamata kiate ia a Kifasi, bea moe toko hogofulu ma toko ua:

6 Hili ia, bea mamata fakataha kiate ia ae kaiga e toko nimageau tubu; bea oku kei moui ho nau toko lahi, ka kuo to o mohe ae niihi.

7 Hili ia, nae mamata a Jemesi kiate ia, bea hoko moe kau abosetolo kotoabe.

8 Bea neu mamata fakamui foki eau kiate ia, o hage koe fanau taehoko.

9 He koe jii taha be au i he kau abosetolo, oku ikai tāu mo au ke ui au koe abosetolo, koeuhi naaku fakataga ae jiaji oe Otua.

10 Ka koe mea i he ofa ae Otua oku ou behe ni ai au: bea ko ene ofa kiate au, nae ikai taeaoga ia; ka naaku gaue lahi hake aubito kiate kinautolu kotoabe: ka nae ikai ko au, ka koe tokoni mei he Otua nae iate au.

11 Bea koia kabau ko au, be ko kinautolu, ka oku behe be e mau malaga, bea behe be hoo mou tui.

12 Bea koeni, kabau oku malaga aki a Kalaisi mo ene toetuu mei he bekia, oku fefe ae behe e he niihi iate kimoutolu, oku ikai ha toetuu oe mate?

13 He kabau oku ikai ha toetuu mei he mate, bea ta oku ikai toetuu a Kalaisi:

14 Bea kabau oku ikai toe tuu a Kalaisi, bea oku taeaoga e mau malaga, bea taeaoga mo hoo mou tui foki.

15 Io, bea kuo ilo akimautolu koe fakamooni loi ki he Otua; he kuo mau fakababau mei he Otua a ene fokotuu hake a Kalaisi: aia nae ikai te ne fokotuu hake, o kabau ko eni oku ikai toe tuu ae mate.

16 He kabau oku ikai toe tuu hake ae mate, bea kuo ikai toe tuu hake a Kalaisi:

17 Bea kabau kuo ikai tuu hake a Kalaisi, oku taeaoga hoo mou tui; oku mou kei i hoo mou agahala.

18 Bea ko kinautolu foki kuo mohe ia Kalaisi, kuo nau auha.

19 Kabau oku gata ki he moui ni e tau amanaki lelei kia Kalaisi, koe malaia lahi taha be akitautolu i he kakai kotoabe.

20 Ka koeni, kuo toe tuu a Kalaisi mei he bekia, bea kuo hoko ia koe uluaki fua okinautolu nae mohe.

21 He koe mea i he tagata nae hoko ai ae mate, bea e hoko i he tagata foki ae toetuu oe mate.

22 He oku hage oku mate kotoabe ia Atama, e behe foki e moui kotoabe ia Kalaisi.

23 Ka koe tagata taki taha kotoabe i hono lakaga: koe uluaki fua a Kalaisi; bea hoko mo kinautolu oku o Kalaisi, i he ene ha‘u.

24 Bea e toki hoko ae ikuaga, aia te ne atu ai ae buleaga ki he Otua, io, koe Tamai; hili ene ikuna ae bule kotoabe, moe fekau kotoabe, moe malohi.

25 He kuo bau be ke bule ia, kae oua ke ne tuku a hono gaahi fili kotoabe ki hono lalo va‘e.

26 Koe fili fakamui e fakaauha, koe mate.

27 He kuo tuku eia ae gaahi mea kotoabe ki hono lalo va‘e. Ka i he ene behe, kuo fakamoulaloa ae gaahi mea kotoabe, oku ilogofua be oku ataatā ia, aia naa ne tuku ae gaahi mea kotoabe ki lalo iate ia.

28 Bea ka oji hono fakavaivai oe gaahi mea kotoabe kiate ia, e toki aganofo ae Foha kiate ia naa ne tuku ae gaahi mea kotoabe ki lalo iate ia, koeuhi ke tāfataha be ae Otua i he mea kotoabe.

29 Kae ikai, bea koeha e fai ekinautolu kuo babitaiso ki he mate, o kabau e ikai aubito toe tuu ae mate? koeha oku babitaiso ai akinautolu ki he mate?

30 Bea koeha oku tau tuutuutamaki ai i he feituulaa kotoabe?

31 Oku ou fakaha i hoo mou fiefia aia oku ou ma‘u ia Kalaisi Jisu ko ho tau Eiki, oku ou mate i he aho kotoabe.

32 He kabau, o hage koe  lea ae tagata, kuou tau moe faga manu i Efeso, koeha hono aoga kiate au, o kabau oku ikai toe tuu ae mate? ke tau kai mo inu; he te tau mate abogibogi.

33 Oua naa kākāia akimoutolu: koe gaahi talanoa kovi oku fakahala‘i ae gaahi aga oku lelei.

34 A hake ki he maonioni, bea oua naa fai agahala; ke oku teeki ma‘u e he niihi ae ilo‘i ae Otua: oku ou lea aki ia ko hoo mou fakama.

35 Ka e behe nai e ha toko taha, E fefe hono fokotuu oe mate? bea i he jino fe te nau ha‘u?

36 Koe vale koe, koia oku ke tūtūi oku ikai fakaake ia, o kabau oku ikai ke mate:

37 Bea koe mea koia oku ke tūtūi, oku ikai te ke tūtūi ae jino koia e tubu, ka koe foi tega be, koe uite nai, be ko ha foi tega kehe:

38 Ka oku foaki ki ai e he Otua hono jino, ko ene faiteliha be ia, bea ki he tega taki taha hono jino oona.

39 Oku ikai koe kakano tatau be ae kakano katoabe: he oku ai ae kakano koe taha oe tagata, koe kakano e taha oe faga manu, koe taha kehe oe gaahi ika, moe taha kehe oe faga manu buna.

40 Bea oku ai foki ae gaahi jino fakalagi, moe gaahi jino fakamama: ka oku taha be ae nāunāu oe fakalagi, bea koe fakamama oku taha kehe ia.

41 He oku ai ae nāunāu e taha oe laa, moe nāunāu e taha oe mahina, moe nāunāu e taha oe gaahi fetuu: he oku fai kehekehe i he nāunāu ae fetuu e taha ki he fetuu e taha.

42 Bea oku behe be ae toetuu ae mate. Oku tūtūi ia i he auauha: oku fokotuu hake ia i he tae faa auauha:

43 Oku tūtūi ia i he fakalielia; oku fokotuu ia moe nāunāu: oku tūtūi ia i he vaivai; oku fokotuu ia i he malohi:

44 Oku tūtūi ia koe jino fakakakano; oku fokotuu ia koe jino fakalaumalie. Oku ai ae jino fakakakano, bea oku ai moe jino fakalaumalie.

45 Bea kuo tohi o behe, Koe uluaki tagata ko Atama nae gaohi ia koe laumalie moui; koe Atama fakamui koe laumalie fakamoui.

46 Ka nae ikai muomua aia oku laumalie, ka koia oku fakakakano; kae toki hoko aia oku fakalaumalie.

47 Koe uluaki tagata, oku mei he kelekele, oku kelekeleia: ko hono ua oe tagata, koe Eiki mei he lagi.

48 Hage koe kelekeleia, oku behe be foki akinautolu oku kelekeleia: bea hage koia oku mei he lagi, oku behe be foki akinautolu oku fakalagi.

49 Bea hage koe tau i he tatau oe kelekeleia, te tau ma‘u foki ae tatau o ia oku mei he lagi.

50 Bea oku ou tala eni, e kaiga, e ikai faa ma‘u e he kakano moe toto ae buleaga oe Otua; bea oku ikai faa ma‘u e he auauha ae tae faa auauha.

51 Vakai, oku ou fakaha ha mea fufu kiate kimoutolu; E ikai te tau mohe kotoabe, ka te tau liliu kotoabe,

52 I he fakafokifa, i he kemo oe mata, i he ba fakamui oe mea lea: koeuhi e ba mai ia, bea e fokotuu hake ai ae mate, o tae faa auauha, bea e liliu ai akitautolu.

53 He kuo bau ke ai e he auauha ni, ae tae faa auauha, bea ke ai e he mate ni ae taemate.

54 Koia, bea ka oji hono ai e he auauha ni ae tae faa auauha, moe ai e he mate ni ae taemate, e toki fakamooni ae lea kuo tohi, Kuo folo hifo ae mate e he malohi.

55 E mate, kofaa hao huhu? E faitoka, kofaa hoo malohi?

56 Koe huhu oe mate koe agahala; bea koe malohi oe agahala koe fono.

57 Kae fakafetai ki he Otua, aia oku ne foaki ke tau malohi i ho tau Eiki ko Jisu Kalaisi.

58 Koia, ko hoku kaiga ofeina, ke mou tuu mau, taegaue, o tubulekina mau ai be i he gaue ae Eiki, he oku mou ilo ko hoo mou gaue i he Eiki, oku ikai taeaoga ia.