¶ 1 KA oku ikai ko hoku loto e kaiga, ke mou taeilo, nae i he malumalu oe ao ae tau gaahi tamai kotoabe, bea naa nau alu atu kotoabe i he tahi;

2 Bea nae babitaiso kotoabe ia Mosese i he ao bea i he tahi;

3 Bea naa nau kai kotoabe i he mea kai fakalaumalie be taha;

4 Bea naa nau inu kotoabe i he inu fakalaumalie be taha: he naa nau inu mei he Maka fakalaumalie koia aia nae muimui  iate kinautolu: bea koe Maka koia ko Kalaisi.

5 Ka nae ikai jii fiemalie ae Otua ki ho nau toko lahi: he nae tulaki hifo akinautolu i he toafa.

6 Bea koe gaahi mea ni koe gaahi fakatātā kiate kitautolu, koeuhi ke oua naa tau holi ki he gaahi mea kovi, o hage koe nau holi kovi.

7 Bea oua naa mou tauhi tamabua, o hage ko ho nau niihi; o tatau moia kuo tohi, Nae nofo hifo ae kakai ke kai mo inu, bea tutuu hake o mee.

8 Bea oua naa tau fai feauaki, o hage koe fai e ho nau niihi, bea to ai i he aho be taha ae toko ua mano moe toko tolu afe.

9 Bea oua naa tau ahiahi kia Kalaisi, o hage koe ahiahi o ho nau niihi, bea tamate‘i akinautolu aki ae faga gata.

10 Bea oua naa mou lāuga, o hage koe lāuga a ho nau niihi, bea nau auha i he fakaauha.

11 Bea nae hoko ae gaahi mea ni kotoabe kiate kinautolu koe gaahi fakailoga: bea kuo tohi ia ko ho tau akonaki‘i, akitautolu kuo hoko ki ai hono gataaga oe kuoga.

12 Bea ko ia oku mahalo oku ne tuu, ke vakai telia naa higa ia.

13 Oku ikai ha ahiahi e to kiate kimoutolu ka koia oku faa hoko ki he tagata: ka oku mooni ae Otua, bea e ikai te ne tuku ke lahi hono ahiahi‘i akimoutolu i he mea te mou faa fai; ka i he ahiahi e tofa foki eia ae hala ke hao ai koeuhi ke mou faa kataki ia.

14 Koia, ko hoku kaiga ofeina, buna mei he tauhi tamabua.

15 Oku ou lea atu ki ke kau tagata boto; mou fakamāu ki he eku lea.

16 Koe ibu oe tabuaki aia oku mau tabuaki‘i, ikai koe feohiaga ia i he taataa o Kalaisi? Koe ma oku mau tofitofi, ikai koe feohiaga ia i he jino o Kalaisi?

17 Bea koeuhi oku taha be ae foi ma, ko kitautolu koe toko lahi koe jino be taha: he oku tau inaji fakataha i he foi ma be taha koia.

18 Vakai ki Isileli fakakakano: ikai oku kau fakataha moe ejifeilaulau akinautolu oku kai ae gaahi feilaulau?

19 Ka oku ou behe ai koeha? ko ha mea koa ae tamabua, be ko ha mea aia oku atu o feilaulau aki ki he gaahi tamabua?

20  E ikai; he koe gaahi mea oku feilaulau aki e he kakai Jenitaile, oku nau feilaulau aki ki he gaahi tevolo, kae ikai ki he Otua: bea oku ikai ko hoku loto ke mou feohi moe gaahi tevolo.

21 Oku ikai te mou faa inu i he ibu ae Eiki, moe ibu ae gaahi tevolo: oku ikai te mou faa kau i he keinagaaga ae Eiki, moe keinagaaga ae gaahi tevolo.

22 Bea te tau fakafuaa ae Eiki? oku tau malohi kiate ia?

23 Oku gofua ae mea kotoabe kiate au, ka oku ikai aoga ae mea kotoabe: oku gofua ae mea kotoabe kiate au, ka oku ikai laga hake kotoabe.

24 Ke oua naa kumi taki taha hono lelei be oona, ka ki he lelei ae niihi kehe.

25 Iloga aia oku fakatau i he botu fakatau, kai ia, bea oua naa fehui telia ae loto:

26 He oku ae Eiki ae fonua, mo hono fonu o ia.

27 Kabau e talaki akimoutolu e ha taha iate kinautolu oku ikai tui, bea oku mou loto ke alu ki ai; koia oku tuku i ho mou ao, kai, bea oua naa fehui telia ae loto.

28 Ka oka behe e ha taha kiate kimoutolu, Kuo feilaulau aki eni ki he gaahi tamabua, oua naa mou kai ia, telia ia kuo ne fakaha, bea  telia moe loto foki: he oku ae Eiki ae fonua, mo hono fonu o ia:

29 Oku ou behe koe loto, kae ikai oou, ka oe toko taha: he koeha oku fakamāu ai eku tauataina aki ae loto oe taha kehe?

30 He kabau ko ha mea i he ofa oku ou ma‘u ai ia, koeha oku lauikovi ai au i he mea koia oku ou fakafetai ai?

31 Koia kabau oku mou kai, be inu, be koeha ae mea oku mou fai, fai kotoabe ke fakaogolelei ai ae Otua.

32 Oua naa fai fakaita, be ki he kakai Jiu, be ki he kakai Jenitaile, be ki he jiaji oe Otua:

33 Io, o hage ko au, oku ou fakafiemalie‘i ae tagata kotoabe i he mea kotoabe, o ikai kumi ae lelei ooku, ka koe lelei oe toko lahi, koeuhi ke nau moui.