LSS, Same 24:7–10 (fakafehoanaki mo e Same 24)
(ʻOku fakaongoongoleleiʻi ʻe he same ko ʻení ʻa e hāʻele ʻanga ua mai ʻa Kalaisí.)
7 Hiki hake homou ʻulú, ʻa e ngaahi toʻu tangata ʻo Sēkope; pea hiki ke māʻolunga ʻa kimoutolu; pea ko e ʻEikí ʻoku mālohi mo māfimafi; ko e ʻEiki ʻoku māfimafi ʻi he tau, ʻa ia ko e tuʻi ʻo e nāunau, te ne fokotuʻu ʻa kimoutolu ʻo taʻengata.
8 Pea te ne fofola atu ʻa e ngaahi langí; pea hāʻele hifo ke huhuʻi ʻa hono kakaí; ke fokotuʻu kiate kimoutolu ha hingoa ʻe lauikuonga; ke fokotuʻu maʻu ʻa kimoutolu ʻi heʻene maka ʻoku lauikuongá.
9 Hiki hake homou ʻulú, ʻA e ngaahi toʻu tangata ʻo Sēkope; hiki hake homou ʻulú, ʻa kimoutolu ʻa e ngaahi toʻu tangata lauikuonga, pea ko e ʻEiki ʻo e ngaahi kau taú, ko e tuʻi ʻo e ngaahi tuʻí;
10 ʻIo ʻe hāʻele mai ia kiate kimoutolu ʻa e tuʻi ʻo e nāunaú; pea te ne huhuʻi hono kakaí, pea fokotuʻu maʻu ʻa kinautolu ʻi he māʻoniʻoni. Sila.