FIS, Mataio 7:1–2 (faatusatusa i le Mataio 7:1–2)
(Aua neʼi faamasino atu i le amioletonu.)
1 O lenei, o upu nei na aoao atu e Iesu i lona au soo e tatau ona latou fai atu ai i tagata.
2 Aua neʼi faamasino atu i le amioletonu, ina ia lē faamasinoina ai outou; ae ia faamasino atu i le faamasinoga amiotonu.
FIS, Mataio 7:9–11 (faatusatusa i le Mataio 7:6)
(Aua neʼi faaali atu mealilo a le malo i le lalolagi.)
9 Inā o atu ia outou i le lalolagi, ua faapea atu i tagata uma, Ina salamō ia, aua ua latalata mai le malo o le lagi ia te outou.
10 Ma o mealilo a le malo tou te tausia i totonu o outou lava; aua e le tatau ai ona tuuina atu o lena mea ua paia i maile; pe lafo atu foi ā outou penina i puaa, ina neʼi latou solia ai na mea i lalo o o latou vae.
11 Aua e le mafai e le lalolagi ona talia lena mea e le mafai e outou lava ona tauaveina; o le mea lea aua neʼi outou tuu atu o ā outou penina ia te i latou, ina neʼi latou toe liliu mai ma saeia outou.