JS—Ukok, RiHibru 7:3. Keidi RiHibru 7:3
Melkizedek ekar juon pris iļo̧kan laajrak eo an eo Nejin Anij. Aolep ro rej bōk priesthood in remaron̄ erom āinwōt eo Nejin Anij.
3 Bwe Melkizedek in kar kapiti juon pris ilo̧kan laajrak eo an eo Nejin Anij, laajrak eo ejjeļo̧k jemān, ejjeļo̧k jinen, ejjeļo̧k bwijjin, im ejjeļo̧k jinoin raan ko an, im ejjeļo̧k jem̧ļo̧kin an mour. Im aolep ro kapit er n̄an priesthood in rej āinwōt eo Nejin Anij, im rej pād āinwōt juon pris m̧aanļo̧k wōt.
JS—Ukok, RiHibru 7:19–21. Keidi RiHibru 7:19–21
Kien eo ar kōpooj armej n̄an Jisōs, eo ej “eo ej lukkuun juon kallim̧ur em̧m̧anļo̧k.”
19 Bwe kien eo kar kōmakūtkūti kōn ejjeļo̧k kōnājnej im kōm̧m̧an bwe ejjeļo̧k en weepān, a ekar wōt bōktok in kōjatdikdik eo em̧m̧anļo̧k; eo men jān e jej epaake tok Anij.
20 Ejja āinwōt an pris utiej in kar jab kōn ejjeļo̧k kōnājnej, jān ejja wāween in wōt kar kōm̧m̧an bwe Jisōs en lukkun juon kallm̧ur em̧m̧anļo̧k.
21 (Bwe pris raņ rekar ekkapit kōn ejjeļo̧k kōnājnej; a men in ippān kōnājnej eo jān eo eaar ba n̄an E, Irooj eaar kallim̧ur im jamin ukweļo̧k, Kwe kwōj juon pris indeeo iļokaņ laajrak eo an Melkizedek;)
JS—Ukok, RiHibru 7:25–26. Keidi RiHibru 7:26–27
Jisōs ej ajeļo̧k E make āinwōt juon katok ejjeļo̧k an jero̧wiwi kōn jero̧wiwi ko ad.
25 Bwe pris utiej in eaar erom kōj, eo ej ekwōjarjar, ej meanwōd, ej jab ettoon, ejepelļo̧k jān ro rijero̧wiwi, im em̧ōj kōm̧m̧an bwe en irooj ioon lan̄ ko;
26 Im jab āinwōt pris utiej ro rej ajeļo̧k katok raan otemjej, m̧okta kōn jero̧wiwi ko aer make, innām kōn jero̧wiwi ko an armej; bwe E ejjab aikuj ajeļo̧k katok kōn jero̧wiwi ko An make, bwe E ekar jeļā ejjeļo̧k jero̧wiwi ko; a kōn jero̧wiwi ko an armej. Im men in Eaar kōm̧m̧ane juon wōt alen, ke Eaar ajeļo̧k E make.