1 Iyi ntsi, ama yɛanntwe hɛnho emmfi Christ ahyɛse nkyerɛkyerɛ no ho no, hom mma yɛnkɔ kan wɔ emudzi mu; mma yɛnntow fapem bio wɔ nnuho na ndwuma a woewu ho, nye Nyankopɔn gyedzi ho.

2 Ɔfa enuma horow ho nkyerɛkyerɛ, nsagudo, na owusoɛr, nye onnyiewie atsɛmbu ho.

3 Na yɛbɔkɔ kan wɔ emudzi mu, sɛ Nyankopɔn ma ho kwan a.

4 Osiandɛ ɔama ɔnnkɛyɛ dɛ hɔn a wonyaa kan pɛn, na wɔasɔ ɔsor akyɛdze ahwɛ, wɔama woenya Sunsum Krɔnkrɔn,

5 Na wɔasɔ Nyankopɔn asɛm no a ɔyɛ papa, nye wiadze a ɔreba mu tum horow ahwɛ no,

6 Sɛ wɔhwe ase a, wɔbɛdan bio akɔ nnuhu mu; mber dodow a wɔbɔ Nyankopɔn Ba no mbeamudua mu bio ma hɔnho, na wɔhyɛ no bagua mu fɛr.

7 Na da no reba a asaase a ɔnom nsu a ɔtaa dɛ ɔtɔ gu do, na ofifir edziban a ɔsɛ hɔn a wɔtse do no, na wosiesie do no, a sesei wonya nhyira fi Nyankopɔn hɔ no, ɔdze ogya bɛtsew ho.

8 Osiandɛ ɔapow ma ofifir nsoɛ nye nhwirom no, na ɔabɛn ndom mu; dɛm ntsi hɔn a wɔannsow eduaba pa no wɔbɔtow hɔn akyen gya mu, na hɔn ewiei nye ɔhyew.

9 Na adɔfo, yɛkasa dɛm dze, naaso hɛn enyi da ndzɛmba a oye kwan wɔ hom ho kyɛn iyi, nye ndzɛmba a ɔnye nkwagye nam.

10 Na Nyankopɔn nnyɛ nyia a ɔnntsen, dɛm ntsi no werɛ nnkefir hom ndwuma nye ɔdɔ a hom kyerɛe wɔ ne dzin ho, dɛ hom soom ahotsewfo, no na hom da ho som.