JJS, Exodo 34:1–2, 14. Chi’ilmanq sa’ Exodo 34:1–2, 14; Tz. ut S. 84:21–26
Li Dios naxtz’iib’a wi’chik li chaq’rab’ chiru li perpookil pek li kixkawresi laj Moises, a’ut narisi chaq li Tijonelil re Melkisedek ut lix k’ojob’anb’il k’anjel rik’ineb’ li ralal xk’ajol laj Israel. Sa’ xna’aj a’an, naxk’e reheb’ li chaq’rab’ re tz’ejwalejil taqlahom.
1 Ut li Qaawa’ kixye re laj Moises, Tuqub’ ru wiib’ chik li perpookil pek, chanchan li xb’een, ut laa’in tintz’iib’a chiru ajwi’ a’an, li raatin li chaq’rab’, jo’ chanru kiwan chi tz’iib’anb’il xb’een wa sa’eb’ li perpookil pek li kajor; a’b’anan moko taawanq ta jo’ chanru li xb’een, xb’aan naq tinwisi chaq li tijonelil sa’ xyanqeb’; jo’kan naq lin santil k’anjelil, ut li k’ojob’anb’il k’anjel re a’an, moko taaxik ta chiruheb’; xb’aan naq li wilob’aal moko taaxik ta sa’ xyiheb’, maare anchal teb’insach.
2 A’b’an tink’e reheb’ li chaq’rab’ jo’ sa’ xtiklajik, a’ut a’anaq jo’ chanru xchaq’rab’il jun tz’ejwalejil taqlahom; xb’aan naq kinxaqab’ aatin sa’ injosq’il, naq ink’a’ te’ok chiru li wilob’aal, sa’ lin hilob’aal, chiru xkutankil lix b’eenikeb’. Chi jo’kan, b’aanu jo’ katintaqla wi’, ut yo’on wanqat wulaj eq’la, ut taqen wulaj eq’la sa’ li tzuul Sinai, ut toxaak’ut aawib’ aran chiwu, sa’ xb’een li tzuul.
Li Jehova a’an jun li k’ab’a’ej neke’xnaw wi’ ru li Qaawa’ Jesukristo li ani wankeb’ sa’ li Najter Chaq’rab’.
14 Xb’aan naq maajun chik dios taaloq’oni; xb’aan naq li Qaawa’, li Jehova naxk’ab’a’in, a’an jun Dios aj sowen.