Nagpasabut sa tanan nga mga katawhan, lakip ang babaye ug lalaki. Ang tanan nga mga lalaki ug mga babaye mao ang mga matuod, espirituhanon nga kaliwat sa usa ka Langitnong Amahan. Sa ilang pagkatawo ngadto sa pagka-mortal, sila nakadawat og yutan-on, ug mortal nga mga lawas. Kini nga mga lawas gilalang diha sa hitsura sa Dios (Gen. 1:26–27 ). Mga lalaki ug mga babaye kinsa mga matinud-anon diha sa pagdawat sa gikinahanglan nga mga ordinansa, nga maghupot sa ilang mga pakigsaad, ug magsunod sa mga sugo sa Dios mosulod ngadto sa ilang kahimayaan ug mahimo ingon nga Dios.
Ang mga tawo naingon nga sila makabaton og hingpit nga kalipay, 2Â Ne. 2:25 .
Ang kinaiyanhon nga tawo mao ang usa ka kaaway sa Dios, Mosiah 3:19 .
Unsa nga matang sa mga tawo nga kamo mahisama? 3Â Ne. 27:27 .
Ang mga buluhaton sa tawo makawang, dili ang mga buluhaton sa Dios, D&P 3:3 .
Kamo kinahanglan dili mahadlok sa tawo labaw sa Dios, D&P 3:7 (D&P 30:11 ; 122:9 ).
Ang tanan nga mga butang gihimo alang sa kaayohan ug kagamitan sa tawo, D&P 59:18 .
Ako nasayud nga ang tawo walay bili, Moises 1:10 .
Ang buluhaton ug himaya sa Dios mao ang pagpahinabo sa pagka-imortal ug kinabuhing dayon sa tawo, Moises 1:39 .
Tawo, usa ka Anak nga Espiritu sa Langitnong Amahan
Sila mihapa, ug nag-ingon, O Dios, ang Dios sa mga espiritu ug sa tanan nga unod, Num. 16:22 (Num. 27:16 ).
Kamo mao ang mga anak sa Ginoo nga inyong Dios, Deut. 14:1 .
Kamo mga dios ug kamong tanan mga anak sa Labing Halangdon, Sal. 82:6 .
Kamo mga anak sa buhing Dios, Os. 1:10 .
Dili ba kitang tanan usa lamang ang Amahan? Dili ba usa ra ka Dios ang naglalang kanato? Mal. 2:10 .
Kita mga kaliwat sa Dios, Buh. 17:29 .
Ang Espiritu sa iyang kaugalingon nagpamatuod nga kita mga anak sa Dios, Roma 8:16 .
Ikaw magpaubos ngadto sa Amahan sa mga espiritu, Heb. 12:9 .
Ang mga lumulupyo sa mga kalibutan gipanganak nga mga lalaki ug mga babaye sa Dios, D&P 76:24 .
Ang tawo sa sinugdanan uban sa Amahan, D&P 93:23, 29 .
Ang Dios milalang sa tanan nga mga tawo diha sa espirituhanon nga paagi, sa wala pa sila diha sa ibabaw sa yuta, Moises 3:5–7 .
Ako mao ang Dios; Ako ang mihimo sa kalibutan, ug sa mga tawo sa wala pa sila diha sa unod, Moises 6:51 .
Tawo, may kalagmitan nga mahimo nga sama sa Langitnong Amahan
Busa kamo maghingpit sama sa inyong Amahan, Mat. 5:48 (3Â Ne. 12:48 ).
Wala ba kini mahisulat sa inyong balaod nga kamo mga dios? Juan 10:34 (D&P 76:58 ).
Kita mahimo nga manununod sa Dios ug isigka-manununod uban kang Kristo, Roma 8:17 .
Ikaw usa ka anak nga lalaki, ug kon usa ka anak nga lalaki, busa usa ka manununod sa Dios pinaagi ni Kristo, Gal. 4:7 .
Sa panahon nga siya magpakita, kita mahisama kaniya, 1Â Juan 3:2 .
Ngadto kaniya nga makabuntog Ako motugot nga molingkod uban kanako sa akong trono, Pin. 3:21 .
Kadto kinsa makapanunod sa celestial nga gingharian mga dios, gani ang mga anak sa Dios, D&P 76:50, 58 .
Unya sila mahimo nga mga dios, tungod kay sila aduna sa tanan nga gahum, D&P 132:20 .