iVolanikalou
Vunau kei na Veiyalayalati 98


Wase 98

Na ivakatakila sa soli yani mai vei Josefa Simici na Parofita mai Katiladi e Oaio, ena 6 ni Okosita 1833. A yaco mai na ivakatakila oqo ena vuku ni nodra sa vakacacani tiko na Yalododonu e Misuri. Na nodra sa tawana yani vakalevu na lewe ni Lotu na vanua o Misuri sa vakaleqai ira eso na tawavanua, sa vakavuna nodra nuiqawaqawa na kedra iwiliwili na Yalododonu, na veivakauqeti vakapolitiki kei na bula vakailavo, kei na duidui ni itovo kei na lotu. Ena Julai ni 1833 era a vakarusa kina e dua na ilawalawa dauvakacaca e dua na iyauqaqa taukeni ni Lotu, boro kuluta qai vakavutinimanumanutaki e rua na lewe ni Lotu, ka ra vakarota me ra biuta na Yasayasa vaka-Jekesoni na Yalododonu. E dina ni sa rairai rogo beka yani na itukutuku ni leqa mai Misuri vua na Parofita ki Katiladi (e ciwa na drau na maile na kena yawa), sa rawa wale ga ni la’ki kila na kena bibi dina ena gauna oqo, mai na veika e vakatakilai vua.

1–3, Era na vinaka cake na Yalododonu ena vuku ni veika rarawa era sota kaya; 4–8, Me ra muria na Yalododonu na lawa ni vanua; 9–10, Me ra digitaki me ra vakailesilesi na tamata yalodina, vuku ka vinaka ena matanitu; 11–15, Era na rawata na bula tawamudu ko ira era sa solia na nodra bula ena cakacaka ni Turaga; 16–18, Mo dou cata sara na ivalu ka vunautaka na veisaututaki; 19–22, Era sa vunauci na Yalododonu mai Katiladi ka vakaroti me ra veivutuni; 23–32, Sa vakatakila na Turaga na Nona lawa ka lewai kina na veivakacacani kei na veivakararawataki ka vakayacori vei ira na Nona tamata; 33–38, Sa qai dodonu ga me yaco na ivalu kevaka sa vakarota na Turaga; 39–48, Me ra vosoti ira na nodra meca ko ira na Yalododonu, ia ko ira oqori, kevaka era sa veivutuni ena sega ni tau vei ira na cudru ni Turaga.

1 Au sa kaya vakaidina vei kemudou na wekaqu, dou kakua ni arere, dou yalo vakacegu ga; io, dou reki tiko ga, ka bvakavinavinakataka na ka kecega.

2 Dou awaraka na Turaga ena yalo vosota, ni sa rogo yani na nomudou masu vua na Turaga ni Saboca, ka sa volai ena ivau kei na ivakadinadina oqo—ka sa bubuluitaka ka lewa na Turaga me vakayacori.

3 O koya sa solia kina vei kemudou na yalayala oqo, kei na kena veiyalayalati sega ni veisau rawa ni ra na vakayacori taucoko; kei na veika kece dou sa avakararawataki kina era na vakaduavatataki mo dou vinaka kina, ka me vakalagilagi kina na yacaqu, sa kaya na Turaga.

4 Ia oqo, au sa kaya vakaidina vei kemudou me baleta na lawa ni vanua, au sa lewa me ra muria na noqu tamata na veika kecega au sa vakarota vei ira.

5 Raica na alawa ni vanua sa muria na kena byavu ni vakavulewa, ka tokona na ivakavuvuli oya ni bula galala ena kena taqomaki na dodonu kei na galala, e nodra na tamata kecega, ka dodonu e mataqu.

6 O koya, au sa vakadonui kemudou kina, koi Au na Turaga, kei ira na wekamudou ena noqu lotu, ena nomudou muria na lawa vakadonui ni vanua;

7 Ia me vaka na lawa ni tamata, na veika kecega e levu cake se lailai sobu mai na kena oqo, sa mai vua na tevoro.

8 Koi Au na Turaga na Kalou au sa vagalalataki kemudou, o koya dou sa agalala vakaidina kina; ka sa vagalalataki kemudou talega na lawa.

9 Ia ni ra sa vakatulewa ko ira na dau acaka ca, era sa tagi na tamata.

10 O koya sa kilikili kina me ra vakasaqarai vagumatua na tamata adina kei na tamata vuku, ka mo dou segata mo dou tokoni ira tikoga na tamata vinaka kei na tamata vuku; kevaka e sega na veika kecega sa lailai sobu mai na kena oqo sa mai vua na tevoro.

11 Kau sa solia kina vei kemudou e dua na ivakaro, mo dou biuta tani sara na ka ca kecega ka kukuva matua na veika vinaka kecega, mo dou bula kina ena avosa kecega sa lako mai na gusu ni Kalou.

12 Ni na asolia ko koya vei ira era sa yalodina, na vunau ena vunau, kei na ivakavuvuli ena ivakavuvuli ka’u na bvakatovolei kemudou ka vakadinadinataki kemudou ena ka oqo.

13 Ia ko koya sa asolia na nona bula ena noqu cakacaka, ena vuku ni yacaqu, ena kunea tale, io na bula tawamudu.

14 O koya, mo dou kakua kina ni arerevaki ira na nomudou meca, raica au sa lewa oti e lomaqu, sa kaya na Turaga, ni’u na bvakatovolei kemudou ena ka kecega, se dou na dei tikoga ena noqu veiyalayalati me yacova na cmate, io me kunei kina ni dou sa kilikili, sa kaya na Turaga.

15 Ni kevaka dou sa sega ni dei tiko ena noqu veiyalayalati, dou sa sega ni kilikili kei au.

16 O koya mo dou acata sara kina na bivalu ka vunautaka na cveisaututaki, ka segata vagumatua sara mo dou dvagolea na lomadra na gone vei ira na nodra qase, kei na lomadra na qase vei ira na gone;

17 Kei na dua tale, na lomadra na aJiu vei ira na parofita, kei na lomadra na parofita vei ira na Jiu; de’u na lako mai ka mokuti vuravura taucoko ena dua na cudru, ka na vakarusai kina na tamata kecega.

18 Me kakua ni rarawa na lomamudou; raica sa avuqa na tikina ena vale nei Tamaqu, kau sa vakarautaka e dua na tikina me nomudou; io mo dou tiko tale ga ena vanua keirau sa tiko kina kei Tamaqu.

19 Raica, koi Au na Turaga, au sa rarawataki ira e vuqa na lewe ni lotu mai Katiladi;

20 Ni ra sa sega ni biuta tani sara na nodra ivalavala ca, kei na nodra caka cala, na dokadoka ni lomadra, na nodra kocokoco, kei na nodra veika vakasisila kecega, ka muria na vosa ni vuku kei na bula tawamudu ka’u sa solia vei ira.

21 Au sa kaya vakaidina vei kemudou, koi Au na Turaga, au na acudruvi ira ka vakayacora vei ira na ka kecega au lewa, kevaka era sa sega ni veivutuni ka muria na ivakaro kecega au sa tukuna vei ira.

22 Ka’u sa kaya tale ga vei kemudou, kevaka dou sa amuria na ka kecega au sa vakarota vei kemudou, koi Au na Turaga, au na vagolea tani mai vei kemudou na noqu cudru waqawaqa kei na noqu cudru dodonu, ka na sega tale ga ni rawai kemudou na bmatamata kei eli.

23 Oqo, au na vosa mada vei kemudou me baleta na nomudou matavuvale—kevaka era na ayaviti kemudou se na nomudou matavuvale, na tamata, ena imatai ni gauna, ka dou qai vosota ka sega ni vosa vakacacataki ira, ka sega talega ni sauma lesu, raica dou na rawata vakaidina na kena isau;

24 Ia kevaka dou sa sega ni vosota rawa, sa na okati me kemudou aitotogi, ka sa ganiti kemudou.

25 Kei na dua tale, kevaka era sa yaviti kemudou tale na nomudou meca ena ikarua ni gauna, ka dou qai sega ni vosa vakacacataki ira, ka vosota ga, sa na yadrau na kena isau vei kemudou.

26 Kei na dua tale, kevaka era sa yaviti kemudou ena ikatolu ni gauna, ka dou avosota ga, ena vakaruataki vakava na kena isau vei kemudou;

27 Raica ena beitaki vei ira na nomudou meca na cala tolutolu oqo, kevaka era sa sega ni veivutuni, io ena sega sara ni bokoci.

28 Ia oqo, au sa kaya vakaidina vei kemudou, kevaka ena drotaka rawa na noqu veisausaumi na meca oqori, ka na sega ni kau mai kina ki na noqu iserau me lewai, mo dou qai raica mo dou avunauci koya ena yacaqu, me kakua tale ni tarai kemudou, me kua talega ko ira na nomudou matavuvale, io ko ira sara mada ga na luvedra na luvemudou me yacova na ikatolu kei na ikava ni itabatamata.

29 Ia kevaka ena qai lako mai vei iko se vei ira na luvemu, se vei ira na luvedra na luvemu me yacova na ikatolu kei na ikava ni tabatamata, au sa na solia na nomudou meca ki na ligamudou;

30 Ia kevaka dou na vosoti koya tale, dou na rawata vakaidina na isau ni nomudou ivalavala dodonu; ka vakakina ko ira na luvemudou kei ira na luvedra na luvemudou me yacova na ikatolu kei na ikava ni itabatamata.

31 Ia sa tu ga e ligamudou na nomudou meca; ia kevaka dou sa sauma vei ira me vaka na nodra ivalavala, dou sa sega ni cala kina; raica kevaka sa via vakaleqa na nomudou bula ka segata me vakamatei kemudou, sa rawa mo dou sauma lesu vua ka dou na dodonu kina.

32 Raica, oqo na lawa au a solia vei Nifai na noqu tamata, kei ira na nomudou aqase, io vei Josefa, kei Jekope, kei Aisake, kei Eparaama kei ira kece na noqu parofita kei na iapositolo ena gauna e liu.

33 Kei na dua tale, oqo na alawa au a solia vei ira na noqu tamata ena gauna e liu, raica me ra kakua ni la’ki valuta e dua na matanitu, mataqali, duivosavosa kei na tamata, ia vakavo ga kevaka au sa vakarota vei ira koi au na Turaga.

34 Ia kevaka e dua na matanitu, ivosavosa, se tamata sa mai vakacibi ivalu vei ira me ra vakarewataka taumada na drotini ni aveisaututaki ki na tamata, matanitu, se ivosavosa ko ya;

35 Ia kevaka sa sega ni ciqomi na via veisaututaki, ka sega talega na kena ikarua kei na kena ikatolu, sa dodonu me ra kauta na ivakadinadina oqori ki na mata ni Turaga;

36 Au na qai solia vei ira koi Au na Turaga e dua na ivakaro, ka vakadonui ira me ra lako yani ka valuta na matanitu, ivosavosa se na tamata ko ya.

37 Ia koi Au na Turaga au na avala ena nodra ivalu, na nodra ivalu na luvedra kei na nodra na makubudra, io me yacova ni ra sa sauma vakavinaka vei ira na nodra meca, me yacova na ikatolu kei na ikava ni tabatamata.

38 Raica, oqo sa kena ivakaraitaki vei ira na tamata kecega, sa kaya na Turaga na nomudou Kalou, io mo dou dodonu kina e mataqu.

39 Kei na dua tale, au sa kaya vakaidina vei kemudou, kevaka sa oti na nona mai valuti kemudou na nomudou meca ena imatai ni gauna, ka sa veivutuni ka lako mai ka vakamasuti kemudou mo dou vosoti koya, mo dou vosoti koya sara ka kakua tale ni beitaka tiko—

40 Io me vaka tale ga kina ena ikarua kei na ikatolu ni gauna; ia ena veigauna kecega sa veivutunitaka kina na nomudou meca na nona cala sa caka cala kina vei kemudou, mo dou avosoti koya, io me yacova ni vakavitusagavulu na vitu.

41 Ia kevaka sa sega ni veivutunitaka na imatai ni nona caka cala vei kemudou, mo dou vosoti koya ga.

42 Ia kevaka sa sega ni veivutunitaka na ikarua ni nona caka cala vei kemudou, mo dou vosoti koya ga.

43 Ia kevaka sa sega ni veivutunitaka na ikatolu ni nona caka cala vei kemudou, mo dou vosoti koya tiko ga.

44 Ia kevaka sa sega ni veivutunitaka na ikava ni nona caka cala vei kemudou, dou kakua ni vosoti koya, raica sa nomudou ivakadinadina oqori ena mata ni Turaga; io ena sega sara ni bokoci me yacova ni sa veivutuni ka vakavataka na isau ni nona caka cala vei kemudou.

45 Ia kevaka sa kitaka vakakina, mo dou vosoti koya sara ena lomamudou taucoko; ia kevaka sa sega ni kitaka vakakina, au na asauma lesu vakayadrau vua na nomudou meca, koi Au na Turaga;

46 Io vei ira tale ga na luvena, kei na makubuna me yacova na aikatolu kei na ikava ni tabatamata, vei ira sa cati au.

47 Ia kevaka era sa veivutuni na luvena, se ko ira na makubuna ka asaumaki tale vua na Turaga na nodra Kalou, ena lomadra taucoko, na nodra igu taucoko, na nodra vakasama kecega kei na nodra kaukauwa taucoko, io me sauma lesu vakava na nodra caka cala kecega, se na nodra caka cala na tamadra, se na nodra caka cala na tukadra, mo dou qai kakua ni cudruvi ira;

48 Raica sa kaya na Turaga na nomudou Kalou, ena sega ni asaumi vei ira na nodra caka cala, io era na sega tale ga ni beitaki kina ena mata ni Turaga ena vuku ni nodra caka cala. Emeni.