Mwakoro 98
Kaotioti ae kaotaki rinanon Iotebwa Timiti te Burabeti, i Kirtland, Ohio, n Aokati 6, 1833. Te kaotioti aei e roko ibukin bwainikirinakiia Aomata aika Itiaki i Missouri. Rikiraken maekaia kaain te Ekaretia i Missouri e karika te tabeaianga irouia taan maeka ake tabeman, ake a namakina te maku ibukin mwaitia Aomata aika Itiaki, mwaakan te tautaeka ao kaubwain te aba, ao kaokoron katei ma taian aro. N July 1833, taan iowawa a urui ana bwai te Ekaretia, a kabiraki uoman kaain te Ekaretia n te korota ao buraniman, a tua bwa Aomata aika Itiaki a na kitana te Aono ae Jackson. E ngae ngke tabeua rongorongon te kaangaanga i Missouri n akea te nanokokoraki a tia n roko iroun te Burabeti i Kirtland (ruabubua te maire raroana), korakoran te bwai ae riki e na kaman tia n ataia n te tai aei ti man te kaotioti.
1–3, Karawawatakiia Aomata aika Itiaki bon ibukin kabwaiaia; 4–8, Aomata aika Itiaki a riai ni boutokaa tuan te aba; 9–10, Aomata aika a kokoaua, a wanawana, ao a raoiroi a na riai ni boutokaaki nakon tautaekan te aonaba; 11–15, Naake a anga maiuia ibukin ana mwakuri te Uea a na karekea te maiu ae akea tokina; 16–18, Totokoa te buaka ao katanoata te rau; 19–22, Aomata aika Itiaki i Kirtland a takuaki ao n tuangaki bwa a na raira nanoia; 23–32, Te Uea e kaoti Ana tua ni kaineti nakon te bwainikiriinaki ao te karawawataaki are e kairoroaki i aoia Ana aomata; 33–38, Te buaka e boutokaaki tii ngkana e tua te Uea; 39–48, Aomata aika Itiaki a na kabwarai aia bure aia kairiribai, ake, ngkana a raira nanoia, a na aki rootaki naba n unin te Uea.
1 E koaua ae I tuangkami raou, atai maaku, e na kabebeteaki nanomi; eng, kimwareirei n aki toki, ao ni bwaai ni kabane anga ami bkakaitau;
2 Ngkai kam atataninga te Uea ma te taotaonaki n nano, bwa ami tataro a tia n rin n taningan ami Uea ae Tabaota, ao a tauaki mwiia ma te kanikina aei ao kakoauaana—te Uea e a tia ni tuea ao n tua bwa a na kakoroaki bukiia.
3 Ngaia are, e anga te berita aei nakoimi, ma te berita ae tabu ae aki bibitaki bwa a na kakoroaki bukiia; ao bwaai ni kabane ake kam a tia ni akarawawataaki iai a na mwakuri ni kabane ibukin ae raoiroi ibukimi, ao nakon mimitongin arau, e taku te Uea.
4 Ao ngkai, e koaua ae I tuangkami ni kaineti ma tuan te aba, bon au kantaninga bwa au aomata a na karaoi bwaai ni kabane ake I tuangiia.
5 Ao atuan te aba anne are bon te btua ae maungatabu, are boutoka tuan te inaomata anne ni kateimatoa te inaomata ao aroia n raka, bon ibukiia aomata ni kabane, ao ni boutokaaki bwa a eti irou.
6 Ngaia are, Ngai, te Uea, I kariaingkami, ao tarimi n au ekaretia, ni boutokaa te tua anne are bon te tua ae maungatabu n te aba;
7 Ao ni kaineti nakon ana tua te aomata, ane e raka ke e kee i aan aei, e roko mai iroun teuare buakaka.
8 Ngai, te Uea ae te Atua, I akainaomataingkami, ngaia are kam a bon inaomata raoi; ao te tua e kainaomataingkami naba.
9 E ngae n anne, ngkana e tautaeka te abuakaka aomata a na tang.
10 Mangaia ae, aomata aika akokoaua ao ni wanawana a riai n rineaki n taai nako, ao aomata aika raoiroi ao ni wanawana kam riai ni boutokaia; bwa ake a karako nakon aikai a roko mai iroun teuare buakaka.
11 Ao I anganingkami te tua, bwa kam na kitani buakaka ni kabane ao taui ni kabane aika raraoi, bwa kam na maiu man ataeka ni kabane ake a otinako man wiin te Atua.
12 Bwa E na aangania taan kakaonimaki teutana i mwin teutana, te reirei teuana i mwin teuana; ao N na bkataiko ao ni kakoauako mai iai.
13 Ao ane e aanga maiuna ibukin au mwakuri, ibukin arau, e na manga kunea, n te maiu ae akea tokina.
14 Ngaia are, tai amakuia ami kairiribai, bwa I a tia ni motikia i nanou, e taku te Uea, bwa N na bkakoauaingkami ni bwaai ni kabane, ngkana kam kakaonimaki nakon au berita ae tabu, ni karokoa te cmate, bwa kam aonga ni kuneaki n tau.
15 Bwa ngkana kam aki kakaonimaki nakon au berita kam aki tau ibukiu.
16 Ngaia are, atotokoa te bbuaka ao katanoata te crau, ao teimatoa n ukoukora drairan nanoia naati nakon tamaia, ao nanoia taama nakon natiia;
17 Ao teuana riki, nanoia aIutaia nakoia burabeti, ao burabeti nakoia Iutaia; bwa mwiina I roko ao n orea te aonaba ni kabuta n te maraia, ao ni kabane aomata a na kamaunaaki imatau.
18 A riai n aki raraoma nanomi; bwa i nanon ana auti Tamau a amwaiti nne ni maeka, ao I a tia ni katauraoa te tabo ibukimi; ao te tabo are e mena iai Tamau ao Ngai, kam na mena naba iai.
19 Nooria, Ngai, te Uea, I aki kukurei irouia aika a mwaiti ake n te ekaretia i Kirtland;
20 Bwa a aki kitanii aia bure, ao aia mwakuri aika buakaka, te kamoamoa inanoia, ao aia mataai bwai, ao ni kabane aia bwai aika ribaki, ao kawakinan taeka ni wanawana ao te maiu ae akea tokina are I a tia n anga nakoia.
21 E koaua ae I tuangkami, bwa Ngai, te Uea, N na akatuuaaia ao ni karaoa are I taku, ngkana a aki raira nanoia ao ni kawakini bwaai ni kabane are I a tia n taekinna nakoia.
22 Ao I manga taku nakoimi, ngkana kam teimatoa ni akaraoi bwaai ake I tuangkami, Ngai, te Uea, N na katannakoi uun ni kabane ao uun aika riai mai iroumi, ao bmataroan moone e na bon aki tokanikai i aomi.
23 Ngkai, I taetae nakoimi ni kaineti ma ami utu—ngkana aomata a aorei ngkami, ke ami utu, teuana te tai, ao kam rinanona ma te tataonakin nano ao n aki kabuakaka ni kaitaraia, ke n aki ukoukora kaokan kaia, kam na karekea te kanuanga;
24 Ma ngkana kam rinanona ma te aki tataonakin nano, e na kaotaki nakoimi bwa ai aron ae abaireaki bwa te rekenikai ae eti nakoimi.
25 Ao teuana riki, ngkana ami kairiribai a na oreingkami te kauoua n tai, ao kam aki kabuakaka ni kaitaraia ami kairiribai, ao n rinanona ma te tataonakin nano, kanuangami e na kamwaitaki te bubua te tai.
26 Ao teuana riki, ngkana e na orei ngkami te katenua n tai, ao kam rinanona ma te atataonakin nano, kanuangami e na taboro nakoimi aua te tai;
27 Ao koaua aika teniua aikai a na tei ni kaitarai ami kairiribai ngkana e aki raira nanona, ao a na aki kamaunaaki.
28 Ao ngkai, e koaua ae I tuangkami, ngkana ami kairiribai anne e na birinako man uniu, bwa e na aki uotaki nakon te motikitaeka i matau, ngkanne kam na taraia raoi bwa kam na akauringnga n arau, bwa e na aki manga roko i aomi, ke i aoia ami utu, ao natiia natimi ni karokoa te katenua ao te kaaua n roro.
29 Ao ngkanne, ngkana e na roko iaomi ke natimi, ke natiia natimii nakon te katenua ao te kaaua n roro, I a tia ni uota ami kairiribai nako nanon baimi;
30 Ao ngkanne ngkana kam na kamaiua, ko na karekea te kanuanga ibukin am raoiroi; ao natim naba ao natiia natim nakon te katenua ao te kaaua n roro.
31 E ngae n anne, ami kairiribai a mena i nanon baimi; ao ngkana kam anganna rekenikaina ni kaineti nakon ana mwakuri kam aki bukinaki; ngkana e a tia n ukoukora maium, ao maium e rootaki n te kaangaanga irouna, ami kairiribai e mena i nanon baimi ao kam na kariaiakaki.
32 Nooria, aio te tua ae I anga nakon au tia mwakuri ae Nibwaai, ao ami abakatibu, Iotebwa, ao Iakobwa, Itaaka, ao Aberaam, ao ni kabane au burabeti ao abotoro ake ngkoa.
33 Ao teuana riki, aio te atua ae I anga nakoia au aomata ake ngkoa, bwa a na aki nako ni buaka ni kaitarai aaba, reeti, neewe, ke botanaomata, tii ngkana Ngai, te Uea, I a tia n tuangiia.
34 Ao ngkana aaba, neewe, ke aomata nako a na katanoata te buaka ni kaitaraia, a riai moa ni uotarake te buraeki n arau nakoia aomata, aaba, ke neewe akanne;
35 Ao ngkana aomata akanne a aki butimwaea te anganano ibukin te rau, n te kauoua ke te katenua n tai, a na uotii taian koaua aikai imatan te Uea;
36 Ngkanne Ngai, te Uea, N na anganiia te tua, ao ni kariaia nakoia ni buaka ni kaitaraa te aba anne, neewe, ke te botanaomata.
37 Ao Ngai, te Uea, N na abuaka n aia buaka, ao n aia buaka natiia, ao n natin natiia, ni karokoa ae a tia ni kabooa mwiina i aoia aia kairiribai ni kabane, nakon te katenua ao te kaaua n roro.
38 Nooria, aio te banna nakoia aomata ni kabane, e taku te Uea ae Atuami, ibukin kanakoraoana i matau.
39 Ao teuana riki, e koaua ae I tuangkami, ngkana i mwin tian rokon am kairiribai nakoim n te moan tai, e raira nanona ao n roko nakoim ni bubuti kabwaraan ana bure, ko na kabwaraa ana bure, ao n aki manga taua bwa te kakoaua ni kaitara am kairiribai—
40 Ao ni karokoa nakon te kauoua ao te katenua n tai; ao ni katoa tai are am kairiribai e raira nanona man te bure are e a tia ni bure iai nakoim, ko na akabwara ana bure, ni karokoa itingaun itiua.
41 Ao ngkana e bure nakoim ao n aki raira nanona n te moan tai, e ngae n anne ko na kabwara ana bure.
42 Ao ngkana e bure nakoim te kauoua n tai, ao n aki raira nanona, e ngae n anne ko na kabwara ana bure.
43 Ao ngkana e bure nakoim te katenua n tai, ao n aki raira nanona, ko na kabwara naba ana bure.
44 Ma ngkana e bure nakoim te kaaua n tai ko na aki kabwara ana bure, ma ni uotii taian kakoaua aikai i matan te Uea; ao a na aki kamaunaaki ni karokoa e raira nanona ao ni kabomwi nakoim aua te tai ni bwaai ni kabane are e a tia ni bure iai nakoim.
45 Ao ngkana e karaoa aei, ko na kabwara ana bure ma nanom ni kabane; ao ngkana e aki karaoa aei, Ngai, te Uea, N na akabomwi ibukim nakon am kairiribai tebubua te tai;
46 Ao i aoia natina, ao i aoia natin natina ni kabane ake a ribaai, nakon te akatenua ao te kaaua n roro.
47 Ma ngkana natiia a raira nanoia, ke natin natiia, ao n arairaki nakon te Uea ae Atuaia, ma nanoia ni kabane ao ma marurungiia, aia iango, ao korakoraia ni kabane, ao ni kaokii aua te tai ibukin aia bure ni kabane ake a tia ni bure iai, ke are a tia ni bure iai tamaia, ke taman tamaia, ngkanne e na toki unim;
48 Ao te akabomwi e na aki manga roko i aoia, e taku te Uea ae Atuami, ao aia bure e na aki manga uotaki bwa te kakoaua i matan te Uea ni kaitaraia. Amen.