Benneg 97
Paltiing a naited babaen ni Joseph Smith a Propeta, iti Kirtland, Ohio, idi 2 ti Agosto 1833 (History of the Church, 1:400–402). Naitalimudok daytoy a paltiing kadagiti aramid dagiti Santo iti Zion, Jackson County, Missouri, kas sungbat iti panagdamag ti Propeta iti Apo iti pakaammuan. Kairut idi ti pannakaidadanes dagiti kameng ti Simbaan iti Missouri, ket idi 23 ti Hulio 1833, napilitanda a nagpirma iti napagnamingan nga ipapanawda iti Jackson County.
1–2, Adu kadagiti Santo iti Zion (Jackson County, Missouri) ti nabendisionan gapu iti kinapudnoda; 3–5, Napadayawan ni Parley P. Pratt iti trabahona iti pagadalan iti Zion; 6–9, Awaten ti Apo dagiti agtungpal kadagiti katulaganda; 10–17, Mabangon ti balay iti Zion a pakakitaan dagiti natarnaw ti panagpuspusona iti Dios; 18–21, Ti Zion ti natarnaw ti panagpuspusona; 22–28, Maliklikanto ti Zion ti pungtot ti Dios no napudno.
1 Pudno kunak kadakayo gagayyemko, agsaoak kadakayo iti timekko, nga isu ti timek ti Espirituk, tapno maipakitak kadakayo ti pagayatak maipanggep kadagiti kabsatyo iti daga ti aZion, nga adu kadakuada ti pudno a napakumbaba ken sireregta nga agsapsapul tapno agsursuro iti pagsiriban ken agsapul iti kinapudno.
2 Pudno, pudno kunak kadakayo, nagasatda, ta magun-oddanto; ta siak, ti Apo, ipakitak ti asik kadagiti amin a anaemma, ken kadagiti amin a pagayatak, tapno addanto paglintegak inton isaklangko ida iti pangukoman.
3 Adtoy, kunak kadakayo, maipanggep iti apagadalan iti Zion, siak, ti Apo, maragsakanak iti kaadda ti pagadalan iti Zion, ken kasta met iti katulongak a ni bParley P. Pratt, ta tinungpalnak.
4 Ket no la ketdi itultuloyna ti agtungpal kaniak agtultuloy met ti panangiturongna iti pagadalan iti daga ti Zion agingga nga itedko kenkuana dagiti sabali a bilin.
5 Ket bendisionakto iti adu a bendision, iti pannakailawlawag dagiti nasantuan a kasuratan ken kinadatdatlag iti pannakaitandudo ti pagadalan, ken ti simbaan ti Zion.
6 Ket kadagiti nabati iti pagadalan, siak, ti Apo, siaayatak a mangipakita iti kaasik; nupay kasta, adda dagiti nasken a amadusa, ket maammuanto dagiti aramidda.
7 Maipakanto ti awasay iti ramut dagiti kayo; ket mapukanto ken maisungrod ti tunggal kayo a di bagbunga iti nasayaat. Siak, ti Apo, nasaokon.
8 Pudno kunak kadakayo, amin dagiti makaammo a anapudno ti bpanagpuspusoda, ken napakumbaba, ken sibababawi ti espirituda, ken csitatallugod a mangtungpal kadagiti katulaganda babaen ti dsakripisio—wen, tunggal sakripisio a siak, ti Apo, ibilinkonto—eawatek ida.
9 Ta siak, ti Apo, bilinekto ida a mangidatag iti kas iti nabunga a kayo a naimula iti nasayaat a daga, iti asideg ti natarnaw nga ubbog, a nagbunga iti napateg a bunga.
10 Pudno kunak kadakayo, a pagayatak a mabangon ti abalay a para kaniak iti daga ti Zion, a kas iti bpagtuladan nga intedko kadakayo.
11 Wen, mabiit koma a mabangon, babaen ti apagkapullo nga it-ited dagiti taok.
12 Adtoy, daytoy ti aapagkapullo ken sakripisio a siak, ti Apo, dinawatko kadagiti imada, tapno adda bbalay a mabangon para kaniak para iti pannakaisalakan ti Zion—
13 A para iti lugar a apagdaydayawan para kadagiti amin a santo, ken lugar a pakaiwanwanan para kadagiti amin a maawagan nga agtrabaho iti panagserbi iti amin nga akem ken pagrebbenganda;
14 Tapno mapagbalinda a naan-anay iti apannakaawatda iti panagserbida, iti teoria, iti pagbatayan, ken iti doktrina, kadagiti amin a banag a maipanggep iti bpagarian ti Dios iti daga, a naitalek kadakayo dagiti ctulbek dayta a pagarian.
15 Ket no la ketdi mangbangon dagiti taok iti balay a para kaniak iti nagan ti Apo, ket dida palubosan ti ania man a anarugit a banag a sumrek iti daytoy, tapno saan a marugitan, agtaengto ti bgloriak iti daytoy;
16 Wen, ket aaddaakto sadiay, ta umayakto sadiay, ket makitanto dagiti amin a bnadalus ti panagpuspusona a mapan sadiay ti Dios.
17 Ngem no marugitan saanakto a sumrek iti daytoy, ket awanto ti gloriak sadiay; ta saanakto a sumrek kadagiti saan a nasantuan a templo.
18 Ket, ita, adtoy, arumang-ayto ti Zion no aramidenna dagitoy a banag, ket agsaknap ken agbalin a nagloriaan unay, naindaklan unay, ken pagam-amkan unay.
19 Ket dayawento dagiti apagilian iti daga, ket kunadanto: Pudno a ti bZion ti siudad ti Dios, ket talaga a saan a marebbek ti Zion, wenno maisin iti lugarna, ta adda ti Dios sadiay, ken adda ti ima ti Apo sadiay;
20 Ket inkarina babaen ti bileg ti kabaelanna nga isu ti salakanna ken ti nangato a atorrena.
21 Ngarud, pudno, kastoy ti kuna ti Apo, bay-an nga agrag-o ti Zion, ta daytoy ti aZion—ti natarnaw ti panagpuspusona; ngarud, bay-an nga agrag-o ti Zion, idinto nga agladingit amin dagiti nadangkes.
22 Ta adtoy, ket imutektekan, madagdagus ti yaay ti abales a kasla alipugpog kadagiti saan a nadiosan; ket asino ti makaliklik iti daytoy?
23 Agpautto iti aldaw ken rabii ti apannaplit ti Apo, ket singaento ti pakaammo dagiti amin a tao; wen, saanto nga agtalinaed agingga nga umay ti Apo;
24 Ta simged ti gura ti Apo kadagiti makarimon nga aramidda ken kadagiti amin a nadangkes nga aramidda.
25 Nupay kasta, amakalibasto ti Zion no tungpalenna nga aramiden dagiti amin a banag nga imbilinko kenkuana.
26 Ngem no dina tungpalen nga aramiden ti ania man nga imbilinko kenkuana, asarungkarakto a maibatay kadagiti amin nga aramidna, iti bnakaro a pammarigat, iti peste, iti angol, iti espada, iti cpanagibales, iti dmangrunaw nga apuy.
27 Nupay kasta, maibasa koma daytoy iti maminsan a mangngegna, a siak, ti Apo, inawatkon ti datonna; ket no saan la ketdin nga agbasol aawanto kadagitoy a banag ti mapasamak kenkuana;
28 Ket abendisionakto iti parabur, ket paaduekto iti kasta unay dagiti bendision kenkuana, ken kadagiti kaputotanna iti agnanayon nga awan inggana, kuna ti Apo a Diosyo. Amen.